1 SAMUEL 17:46 - BUKUIT NE TILIL

⁴⁶ Indein rani Jehovah eunnyu; ak awirin, ak atil meting’ung’, ak agochi rani muswekab lugetab Pilistik taritik che bo barak, ak tiong’ikab timin che bo ng’ony; si kobiit konai ng’ony tugul kole, mi Kamuktaindet Israel:

Bukuit Ne Tilil

⁴⁶ Indein rani Kamuktaindet ne Toroor eunnyu. Awirin abariin ak atil meting'ung' yeityo agoochi rani muuswegap lugeetap Philistiik toriitik che po parak, ak tyong'igap timiin che po ng'wony, si kobiit konai ng'wony tugul kole mi Kamuktaindet Israel.

BUKUIT NE TILIIL Sireet ne Dutero Kanon

⁴⁶ Indein rani Kamuktaindet ne Toroor eunnyu. Awirin abariin ak atil meting'ung' yeityo agoochi rani muuswegap lugeetap Philistiik toriitik che po parak, ak tyong'igap timiin che po ng'wony, si kobiit konai ng'wony tugul kole mi Kamuktaindet Israel.

1 SAMUEL 17:46 ပူးပေါင်းရင်းမြစ်များ

TAUNET 40:19

kotom kogesgei betusiek somogu kotil Parao meting’ung’, ak kosongininin eng’ ketit; ak koam taritik bortang’ung’.

2 SAMUEL 18:28

Ak kiguurso Aimaas, ak kolenji laitoriat, Chamegei tugul. Ak kiing’uruk eng’ taitab laitoriat kot kotiiny togennyi ng’ony, ak kole, Iberurot Jehovah Kamuktaindeng’ung’ ne kaigoito bik che kolen kobargei ak kiptaiyandennyu laitoriat.

2 SAMUEL 21:10

Ak kiinem Rispa cheptab Aia kuniok ak kiitochigei eng’ ruandet, koboch taunetab kesisiet agoi korobonji ropta ne bunu kipsengwet; ak ma chamji taritik kobutyi muswekwak bet, anan kobwa tiong’ikab timin kemoi.

1 LAITORINIK 8:43

igas eng’ kipsengwet oldang’ung’ ole imenye, ak iyai ko u tuguk tugul che kaguurjin chichoto bo bororiosiek; si kobiit konai kaineng’ung’ bik tugul che bo ng’ony, koiywein, ko u ye iywein biguk Israel, ak si kobiit konai kole goi kiateech kemwaitoe kaineng’ung’.

1 LAITORINIK 8:60

si kobiit konai bik tugul che bo ng’ony kole, Jehovah ko Kamuktaindet; mami age.

2 LAITORINIK 19:19

Ara anyun, ee Jehovah Kamuktaindennyo, asain ale soruech eng’ eunnyi, si konai bounatosiek tugul che bo ng’ony kole i Jehovah Kamuktaindet, inye inyege.

2 LAITORINIK 5:15

Ak kiweek kwo ole mi chitab Kamuktaindet, inendet ak bikyik tugul che kimi ak inendet, ak kinyo ak kotonon eng’ tainnyi: ak kole, Keer anyun nguno, kaanai ale mami Kamuktaindet eng’ ng’ony tugul, kobate mi eng’ Israel: ara asain nguno anyun ale, taach konunet eng’ otwogindeng’ung’.

TIENWOGIKAL 31:8

Ama ichamde konama eutab bunyot; Kiicham kotonone kelyekyuk ole bara.

TIENWOGIKAL 46:10

Osisie, onai ole a Kamuktaindet: Kitorora eng’ kwenutab bororiosiek, Kitorora eng’ ng’ony.

KOMONG'U 9:16

ago iman kaachamun itebi, si kobiit aborun kimnatennyu, ak si kobiit kemwaita kainennyu eng’ ng’ony komugul.

ISAIAH 37:20

Ara anyun, ee Jehovah Kamuktaindennyo, soruech eng’ eunnyi, si konai bounatosiek tugul che bo ng’ony kole i Jehovah, inye inyege.

ISAIAH 52:10

Amu kigobarta Jehovah eunnyi ne tilil eng’ taitab bororiosiek tugul; ak keerei tabanwek tugul che bo ng’ony yetunetab Kamuktaindennyo.

ISAIAH 56:9

Obwa, oamisie, okwek tiong’ik tugul che bo timin, ee, okwek tiong’ik tugul che bo osnet.

JEREMIA 19:7

Ak ayai koek buch kiruogutikab Juda ak Jerusalem eng’ olito; ak agochini kebare rotwetab chok eng’ taitab bunikwak, ak eng’ eunekab icheget che cheng’ei sobonwekwak: ak agoite muswekwak koek amitwogikab taritik che bo barak, ak che bo tiong’ikab ng’ony.

JEREMIA 34:20

agoitoi ichek koba eutab bunikwak, ak koba eutab ichek che cheng’ei sobonwekwak: ak koek muswekwak amitwogikab taritikab barak, ak che bo tiong’ikab ng’ony.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 3:29

Kang’at ng’atutiet anyun ale kitonatoni bik alak tugul, bororiet age tugul, ak bikab kutit age tugul, che mwaei kiy age tugul ne ya agobo Kamuktaindetab Sadrak, Mesak, ak Abed-nego; ak keyai gorikwak koek kapng’atat: amu mami cheptalelit ne kimuchi kosor chi ko u ni.

MATAYO 24:28

Oldo age tugul ole mi musto, koyumjingei oloto motong’wek.

NG'ATUTIK 28:26

Ak koek mustang’ung’ amditab taritik tugul che bo barak, ak tiong’ik che bo ng’ony, ak mabiitu chi ne iyestoi.

NG'ATUTIK 7:2

ak ye kagonin Jehovah Kamuktaindeng’ung’, ibar anyun iwong’u amoarorjige kiy koboto ichek, anan irire:

NG'ATUTIK 7:23

Ago konin ichek Jehovah Kamuktaindeng’ung’ eng’ taing’ung’, ak kobarei ichek eng’ baret ne o, agoi kowong’gei.

JOSHUA 10:8

Ak kilenji Jehovah Josua, Ameiywei ichek: amu kande ichek euneguk; mami chi eng’ ichek ne imuchi kotonon eng’ taing’ung’.

JOSHUA 4:24

si kobiit konai bik tugul che bo ng’ony eutab Jehovah, kole kim; si kobiit koiywei Jehovah Kamuktaindeng’wong’ koigeny.

1 SAMUEL 14:6

Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.

1 SAMUEL 17:44

Ak kilenji Pilistindet Daudi, Nyo ole ami, si kobiit agochi bortang’ung’ taritikab barak, ak tiong’ikab timin.