1 SAMUEL 17:4 - BUKUIT NE TILIL

⁴ Kimong’ nyiganet age eng’ nganasetab Pilistik, ne kigiguure Goliat, ne bo Gat, ne ki koindanyi ko ki kakwautik lo che bo eut ak inchisiek sogol.

Bukuit Ne Tilil

⁴ Ki mong' nyiganeet age eng' nganaseetap Philistiik ne ki kiguure Goliat ne po Gath. Ki koindonyi ko ki olo po mitainik somok.

BUKUIT NE TILIIL Sireet ne Dutero Kanon

⁴ Ki mong' nyiganeet age eng' nganaseetap Philistiik ne ki kiguure Goliat ne po Gath. Ki koindonyi ko ki olo po mitainik somok.

1 SAMUEL 17:4 ပူးပေါင်းရင်းမြစ်များ

1 ATEPTAP PEETUUSYEK 11:23

Ak kibar Misrindet, chito ne koi kot, ne bo kakwautik mut che bo eut tonon; ak kimi eutab Misrindonoto ng’otit ne u ketit ne taachin usisiek chito ne nabisiei; ak kichortagei ole mi inendet kotinyei kirokto, ak koreb ng’otit eng’ eutab Misrindet, ak kobare inendet ng’otinnyi.

AMOS 2:9

Ago kiabar Amorindet eng’ tainywa, ne kiaechin koindanyi ak taragonik, ak ki kim ko u ketik che uuen; ak kiang’em logoekyik eng’ ole bo barak, ak tigitikyik eng’ ole bo ng’ony.

NG'ATUTIK 3:11

(Amu king’et Og inegei, laitoriatab Basan, ne bo che king’et eng’ Repaik; ogeero, ki bo karnet itogunnyi; tos ma mi itogunoto Raba ne bo lagokab Amon? Ki kakwautik sogol che bo eut koindanyi, ak ki kakwautik ang’wan che bo eut tebeesindanyi, ko u kakwautietab chito.)

JOSHUA 11:22

Ma ng’et agot agenge eng’ Anagichato eng’ emetab lagokab Israel: kobate eng’ Gasa kityo, ak eng’ Gat, ak eng’ Asdod, che king’etune bichoto.

1 SAMUEL 17:23

Ak ye kita kong’alaldos ak ichek, ogeero, kotogos nyiganet, Pilistindet ne bo Gat, ne kainennyi ko ki Goliat, komong’une kweanaikab Pilistik, ak komwa ng’alek che cham komwaei: ak kigas Daudi.

1 SAMUEL 17:3

Ak kitonone Pilistik tulwet komosta age, kotonone Israel tulwet komosta age: ak kimi atebwet kwenunywa.

1 SAMUEL 17:5

Ak kitinyei kutwet ne bo sugunwet eng’ metinnyi, ak kiilaachi ngoriet ne bo karik; ak nyigisindab ngorionoto ko ki sekelisiek elfusiek mut che bo sugunonik.

1 SAMUEL 27:4

Ak kigimwachi Saul kelenji, kogomwechi Daudi Gat: ak mata kocheng’at inendet kogeny.