1 SAMUEL 17:36 - BUKUIT NE TILIL

³⁶ Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.

Bukuit Ne Tilil

³⁶ Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.

BUKUIT NE TILIIL Sireet ne Dutero Kanon

³⁶ Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.

1 SAMUEL 17:36 ပူးပေါင်းရင်းမြစ်များ

2 ATEPTAP PEETUUSYEK 32:17

Kisir kogeny baronok, kochurachur Jehovah Kamuktaindetab Israel, ak komwa che yaach agobo inendet, kole, Ko u ye ma sor cheptalelisiekab bororiosiekab emotinwek, kosor bikwak eng’ eunnyu, komasoru agine Kamuktaindetab Hesekia bikyik eng’ eunnyu.

ISAIAH 10:15

Tos ichaugei aiywet eng’ inendet ne ebisie? Tos ieetegei musumenet eng’ inendet ne tilisie? Ko u nda itumdumi kirokto ne namei, anan nda namjin barak siarit inendet ne ma ketit.

ISAIAH 36:15

Amocham kong’atak Hesekia omang’u Jehovah, kole, Soruech iman Jehovah; magigochin nganasani eutab laitoriatab Asuria.

ISAIAH 36:18

Oripge si maigaigaak Hesekia, kolenjok, Soruech Jehovah. Tos kigosor age eng’ cheptalelisiekab bororiosiek, emennyi eng’ eutab laitoriatab Asuria?

EZEKIEL 28:10

Imee eng’ meosiekab che ma kimuratan eng’ eutab toek: amu kaamwa ng’olyondonito, mwaei Kiptaiyat Jehovah.

EZEKIEL 32:19

Isiire ng’o eng’ kororonindo? Chortege, ui iru koboto che ma kimuratan.

DANIEL 5:23

ago kiietge obelge ak Kiptaiyat ne bo kipsengwet; ak kogeib terenikab gonnyi kobwa taing’ung’, ak kooee divaik, inye ak kiptainiguk, osotiguk ak chebaigeiniguk; ak koilosu kanamonikab feda, ak che bo tahabu, che bo sugunwet, che bo karik, che bo ketik, ak che bo koik, che mageertoi, ama kastoi, amaingen kiy: ama itoror Kamuktaindet ne tinyei kabuseng’ung’ eng’ eunnyi, ak chechik ortinweguk tugul:

SEKARIA 12:3

Ak ayae Jerusalem eng’ betunoto koek koita ne nyigis ne iimi bik tugul; nyoru berutik che chang’ ichek che kanabi koyato: ak koyumjigei inendet bororiosiek tugul che bo ng’ony.

SEKARIA 2:8

Amu mwaei Jehovah ne bo lugosiek kole, Kagoyokta inendet agobo torornatennyi, awa oldab bororiosiek che kiluulok, amu inendet ne twaok, ko katwa laptetab kondanyi.

1 SAMUEL 14:6

Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.

1 SAMUEL 17:10

Ak kile Pilistindonoto, Arenye lugosiekab Israel ra; ogona chito, si kobiit kebarge.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:35

asub, awe abar, ak asoru eng’ kutinnyi: ak kingong’eet kole kobara, anam tamnet, akwer, ak abar.

1 SAMUEL 17:37

Ak kimwa Daudi kole, Jehovah ne kisorua eng’ siokab ng’etundo, ak eng’ siokab tionyoto, kosorua eng’ eutab Pilistindoni. Ak kilenji Saul Daudi, Ui, ak mi Jehovah koboten.

1 SAMUEL 18:17

Ak kilenji Saul Daudi, Keero, cheptanyu ne o, Merab, agonin inendet itun: egu kityo nyiganennyu, ak iyai lugosiekab Jehovah. Amu kile Saul, Mamache kotwa eunekyuk inendet, ago ingobar inendet eunekab Pilistik.

1 SAMUEL 31:4

Kolenji anyun Saul chito ne kiipchin karikyik, Ng’usu rotweng’ung’ bo chok, ak itoorena; si mabwa bichu ma kimuratan, kotoora, ak kogengeniena. Ago ma cham chito ne kiipchin karikyik; amu kiiywei kot. Konem anyun Saul rotwennyi bo chok, ak kobutyi.