1 SAMUEL 17:26 - BUKUIT NE TILIL

²⁶ Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

Bukuit Ne Tilil

²⁶ Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

BUKUIT NE TILIIL Sireet ne Dutero Kanon

²⁶ Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

1 SAMUEL 17:26 ပူးပေါင်းရင်းမြစ်များ

2 LAITORINIK 19:4

Abere imuchi kogas Jehovah Kamuktaindeng’ung’ ng’alek tugul che bo Rabsake, ne kagoyok laitoriatab Asuria kiptaiyandennyi, konyo kochot Kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

2 ATEPTAP PEETUUSYEK 32:17

Kisir kogeny baronok, kochurachur Jehovah Kamuktaindetab Israel, ak komwa che yaach agobo inendet, kole, Ko u ye ma sor cheptalelisiekab bororiosiekab emotinwek, kosor bikwak eng’ eunnyu, komasoru agine Kamuktaindetab Hesekia bikyik eng’ eunnyu.

NEEMIA 5:9

Kiamwa kogeny ale, Kit ne oyae ko ma mie: tos manyoljinok obendate kaiyweisietab Kamuktaindennyo, amu chotisietab bororiosiek bunikyok?

TIENWOGIKAL 44:13

Kegonech keegu che iteweri bikyok che bo kok, Sasech ak kororechinech icheget che mi komoswekyok.

TIENWOGIKAL 74:18

Ibwat nito, ee Jehovah, ile, kigogerin kong’ bunyot, Ak kichub bik che abusotin kaineng’ung’.

TIENWOGIKAL 79:12

Ak iyaakyi bororiosiek che negitenech konyil tisab eng’ tegetikwak Kerenywa bo kong’, ne kigerin kong’, inye, ee Kiptaiyat.

ISAIAH 37:23

Ak ng’o ne kiichot ak ichub? Ak ng’o ne kiibolji ak injurur? Noto ko Inendet ne Tilil ne bo Israel.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

JEREMIA 9:25

Ogeero, bwanei betusiek, mwaei Jehovah, ye tun abire tugul che kigimuratan eng’ kamuratanenywa ne ma kamuratanet;

JEREMIA 9:26

Misri, Juda, Edom, ak lagokab Amon, koboto Moab, ak tugul che biori metowekwak, che menyei ong’atet: amu ma imuratanotin bororiosiek tugul, ama imuratanotin mugulelwekab got tugul ne bo Israel.

EZEKIEL 28:10

Imee eng’ meosiekab che ma kimuratan eng’ eutab toek: amu kaamwa ng’olyondonito, mwaei Kiptaiyat Jehovah.

DANIEL 5:23

ago kiietge obelge ak Kiptaiyat ne bo kipsengwet; ak kogeib terenikab gonnyi kobwa taing’ung’, ak kooee divaik, inye ak kiptainiguk, osotiguk ak chebaigeiniguk; ak koilosu kanamonikab feda, ak che bo tahabu, che bo sugunwet, che bo karik, che bo ketik, ak che bo koik, che mageertoi, ama kastoi, amaingen kiy: ama itoror Kamuktaindet ne tinyei kabuseng’ung’ eng’ eunnyi, ak chechik ortinweguk tugul:

DANIEL 6:27

itiachi ak kosoru, ak koyaei kaborunoik ak kwong’utik eng’ kipsengwet ak ng’ony; inendet ne kogosor Daniel eng’ kimnatetab ng’etunyik.

DANIEL 9:16

Ee Kiptaiyat, asain ale, ingoistoegei neregeguk, neregeguk che ng’wonen, nganaseng’ung’ Jerusalem, tulweng’ung’ ne tilil, ko u eng’ imandang’ung’ tugul: kigoek Jerusalem koboto biguk, che kichotei eng’ tugul che mitei komoswek tugul, amu tengekwogikyok, ak amu yaitwogikab kwanisiekyok.

JOEL 2:19

Ak kiwolji Jehovah bikyik kolenji, Ogeero, ayokwok bek ak divaik ak mwanik, ak obiyong’se eng’ choto: amayaok kogeny oegu che kichotei eng’ bororiosiek:

NG'ATUTIK 5:26

Chi ng’o eng’ bik tugul, ne kigas kutitab Kamuktaindet ne sobei, kong’alali eng’ mat, ko u ye kigigas, ak kosob?

1 THESSALONIKEK 1:9

Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,

JOSHUA 3:10

Kole anyun Josua, Onae eng’ ni ole, mi kwenung’wong’ Kamuktaindet ne sobei, ak onei inendet Kanamik eng’ taing’wong’ matiny, ak Hitik, Hibik, Perisik, Girgasik, Amorik, ak Jebusik.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

1 SAMUEL 11:2

Ak kilenji Nahas Amonindet ichek, Ayae arorutionoto kobotok eng’ ng’olyondoni, ale, kebalu konyekwok tugul che bo tai, ak ande koek tewernatet eng’ Israel tugul.

1 SAMUEL 14:6

Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.

1 SAMUEL 17:10

Ak kile Pilistindonoto, Arenye lugosiekab Israel ra; ogona chito, si kobiit kebarge.

1 SAMUEL 17:30

Ak kiwelelgei kotokyigei chito age, ak komwa ko u atgai: ak kiwolji bik inendet kogeny ko u tai.

1 SAMUEL 17:36

Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.

1 SAMUEL 31:4

Kolenji anyun Saul chito ne kiipchin karikyik, Ng’usu rotweng’ung’ bo chok, ak itoorena; si mabwa bichu ma kimuratan, kotoora, ak kogengeniena. Ago ma cham chito ne kiipchin karikyik; amu kiiywei kot. Konem anyun Saul rotwennyi bo chok, ak kobutyi.