1 SAMUEL 17:12 - BUKUIT NE TILIL

¹² Daudi ko ki weritab Epratindonoto bo Bet-lehem-juda, ne kainennyi ko ki Jesii; ak kitinyei werik sisiit: ak ki boiyot chichoto eng’ betusiekab Saul, kiga koosit eng’ kwenutab bik.

Bukuit Ne Tilil

¹² Daudi ko ki weeriitap Epratindetap Beth-lehem-juda ne ki kainennyi ko Jesse. Ki tinyei weeriik sisiit, ak eng' peetuusyegap Saulo ko kiga koosit ineendet.

BUKUIT NE TILIIL Sireet ne Dutero Kanon

¹² Daudi ko ki weeriitap Epratindetap Beth-lehem-juda ne ki kainennyi ko Jesse. Ki tinyei weeriik sisiit, ak eng' peetuusyegap Saulo ko kiga koosit ineendet.

1 SAMUEL 17:12 ပူးပေါင်းရင်းမြစ်များ

TAUNET 35:19

Ak kime Rael, ak kigitupchi oret ne wendi Eprat (yoto ko Bet-lehem).

2 SAMUEL 23:1

Chu anyun ko ng’alek che bo let che bo Daudi. Kale Daudi weritab Jesii, Ak kole chito ne kigitoor, Ne iilat ne bo Kamuktaindetab Jakobo, Ak tienindet ne mie ne bo Israel, ne bo tienwogikab kalosunet.

TIENWOGIKAL 132:6

Ogeero, kigegas agobo noto eng’ Eprata: Kiginyorji kewet ne mi timdo.

MIKAH 5:2

Ago inye, Bet-lehem Eprata, ne i ming’in eng’ kwenutab elfusiek che bo Juda, mong’unenen age ne nyonjina ne tun egu bounindetab Israel; ne kicham komong’u koboch keny, koboch koigeny.

MATAYO 1:6

ak kisich Jesii laitoriat Daudi. Ak kisich Daudi Solomon eng’ ne ki bo Uria;

MATAYO 2:1

Ak ye kingo kagesich Jesu eng’ Betlehem ne bo Judea eng’ betusiek che bo laitoriat Herod, ogeero, kibwa Jerusalem bik che ng’omen kobunu kong’asis,

MATAYO 2:6

Ak inye, Betlehem, emetab Juda: Ma i ming’in mising’ eng’ kandoikab Juda, Amu mong’unenen bounindet, Ne tun egu mestowotab bikyuk Israel.

RUTH 1:2

Ak kainetab chichoto ko ki Elimelek, ak kainetab osotiondennyi ko ki Naomi, ak kainaikab werikyik aeng’ ko ki Malon ak Kilion, Epratikab Bet-lehem-juda. Kiit emetab Moab, ak kotebe oloto.

RUTH 4:17

Ak kitochi kainet kwonyikab kokwet che bo Naomi, kole, Kogesikyi Naomi werit, ak kiguure kainennyi Obed: inendet kwandab Jesii, kwandab Daudi.

RUTH 4:22

ak kisich Obed Jesii, ak kisich Jesi Daudi.

1 SAMUEL 1:1

Kimi chito age ne bo Ramataim-sopim, ne bo emetab tulonokab Epraim, ak kainennyi ko ki Elkana, weritab Jeroam, weritab Eliu, weritab Tohu, weritab Sup, Epraimindet:

1 SAMUEL 16:1

Ak kimwachi Jehovah Samuel kolenji, Irirjini Saul agoi kotianit amu koaesie inendet si mata koek laitoriat eng’ Israel? Inde mwaita laleng’ung’ konyi, ak iwe, ayoktoin iwe oldab Jesii Betlehemindet: amu kaalewenjige laitoriat eng’ werikyik.

1 SAMUEL 16:18

Kowolji anyun age eng’ murenjoto chiget, kolenji, Keero, kiageer werit age ne bo Jesii Bet-lehemindet, ne butin, ak ko chito ne kim ne tinyei nyiganatet, ak ko chitab luget, ak ko ng’om eng’ ng’alalet, ak ko chito ne kararan, ak komi Jehovah koboto inendet.

1 SAMUEL 17:11

Ak kingogas Saul ak Israel tugul ng’alechato bo Pilistindet, kotoptobenso, ak koiyweis mising’.

1 SAMUEL 17:58

Ak kiteebe Saul kolenji, I bo gab ng’o, weri? Ak kiwolji Daudi kolenji, A weritab otwogindeng’ung’ Jesii, Bet-lehemindet.