1 SAMUEL 16:16 - BUKUIT NE TILIL

¹⁶ Ingong’at kiptaiyandennyo otwogikyik, che mi tainnyi, kocheng’ chito ne butin ketubet: ye nyonji tamirmiriet ne ya ne bunu Kamuktaindet, kobut ketubet eng’ eunnyi, si isob.

Bukuit Ne Tilil

¹⁶ Ingong'at kiptaiyandennyo otwogikyik che mi tainnyi kocheeng' chiito ne putiin ketubet. Asi ye nyoonji tamirmiryet ne ya ne punu Kamuktaindet kobut ketubet eng' eunnyi si isap.”

BUKUIT NE TILIIL Sireet ne Dutero Kanon

¹⁶ Ingong'at kiptaiyandennyo otwogikyik che mi tainnyi kocheeng' chiito ne putiin ketubet. Asi ye nyoonji tamirmiryet ne ya ne punu Kamuktaindet kobut ketubet eng' eunnyi si isap.”

1 SAMUEL 16:16 ပူးပေါင်းရင်းမြစ်များ

TAUNET 41:46

Ak ki bo Josep kenyisiek sosom ye kitononi eng’ taitab Parao, laitoriatab Misri. Ak kiwa Josep eng’ ole mi Parao, ak kibunot emet komugul ne bo Misri.

1 LAITORINIK 10:8

Boiboi biguk, boiboi otwogichuguk, chu tonondos eng’ taing’ung’ kotugul, ak kogasei ng’omnateng’ung’.

2 LAITORINIK 3:15

Ago imutwa nguno butindet. Ak kingobut chichoto kibugandet, konyonji inendet eutab Jehovah.

1 SAMUEL 10:5

Ye ibata iit tulwetab Kamuktaindet, ole mitei irimetab Pilistik: ak ye iit nganaset, ituiye maotik che kaiyumgei kochorugei eng’ ole toror kotinyei kibugandet, ak sugutit ne ming’in, ak ndurerut, ak ketubet eng’ tainywa; ak komaotenonu:

1 SAMUEL 16:14

Ak kiga kwo Tamirmirietab Jehovah eng’ Saul, ak kiimu inendet tamirmiriet ne ya ne kibunu Jehovah.

1 SAMUEL 16:15

Ak kimwachi otwogikyik Saul, kolenji, Keero, imuin tamirmiriet ne ya ne bunu Kamuktaindet.

1 SAMUEL 16:17

Ak kilenji Saul otwogikyik, Ocheng’wa chito ne ingen kobut ketubet komie, ak omutwa inendet.

1 SAMUEL 18:10

Ak eng’ betut ne kiisubi betunoto, konyonji Saul tamirmiriet ne ya eng’ kimnatet, ne kibunu Kamuktaindet, ak King’alal eng’ go ko u chi ne amei iywek: ak kibut Daudi ketubet eng’ eunnyi, ko u ye kicham koyaei betut age tugul: ak kitinyei Saul ng’otit eng’ eunnyi.

1 SAMUEL 19:9

Ak kinyonji Saul tamirmiriet ne ya ne kibunu Jehovah, ye kitebyei eng’ gonnyi, kotinyei ng’otit eng’ eunnyi; ak kibut Daudi kibugandet eng’ eunnyi.