1 SAMUEL 16:14 - BUKUIT NE TILIL

¹⁴ Ak kiga kwo Tamirmirietab Jehovah eng’ Saul, ak kiimu inendet tamirmiriet ne ya ne kibunu Jehovah.

Bukuit Ne Tilil

¹⁴ Kiga kwo Kabuusetap Kamuktaindet ne Toroor eng' Saulo, ak ki inyaliil ineendet tamirmiryet ne ya ne ki punu Kamuktaindet ne Toroor.

BUKUIT NE TILIIL Sireet ne Dutero Kanon

¹⁴ Kiga kwo Kabuusetap Kamuktaindet ne Toroor eng' Saulo, ak ki inyaliil ineendet tamirmiryet ne ya ne ki punu Kamuktaindet ne Toroor.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

ago maistoegei inendet rirenennyu, ko u ye kiarebe Saul, inendet ne kiaiste eng’ taing’ung’.

1 LAITORINIK 22:19

Ak kile Mikaia, Kas anyun ng’olyotab Jehovah; kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

1 LAITORINIK 22:22

Ak kimwachi Jehovah inendet kolenji, Iberbertoi ano? Ak kile, Awendi ak aegu tamirmiriet ne kenisiei eng’ kutuswekab maotikyik tugul. Ak kimwa inendet kole, Iberberi inendet, ak iterter: ui anyun, ak iyai ko u noto.

TIENWOGIKAL 51:11

Ametorta eng’ ole imi; Ameistoena Tamirmirieng’ung’ ne Tilil.

HOSEA 9:12

Agot nganda igui lagokwak, agochini kobegune lagok, si mang’et chi: ee, bwa kogeny eng’ ichek ye amete!

KIRUOGIK 16:20

Ak kile, Kabwanjin Pilistik, Samson. Ak kisiir eng’ ruondanyi, ak kole, Amandoi ko u ye cham ayae kotugul, awa aleileige. Ago kima nai kole kagometo Jehovah inendet.

KIRUOGIK 16:29

Kinam anyun Samson tolochik aeng’ che kitonone got, ak kotiiegei, kiname age eutab tai, koname age eutab katam.

KIRUOGIK 9:23

Ak kiiyokyi Jehovah tamirmiriet ne ya kwenutab Abimelek ak bikab Sekem; ak kiiberber bikab Sekem Abimelek:

1 SAMUEL 11:6

Ak kinyonji Saul Tamirmirietab Kamuktaindet eng’ kimnatet, ye kingogas ng’alechato, ak kilalyo neregekyik kot.

1 SAMUEL 16:15

Ak kimwachi otwogikyik Saul, kolenji, Keero, imuin tamirmiriet ne ya ne bunu Kamuktaindet.

1 SAMUEL 16:16

Ingong’at kiptaiyandennyo otwogikyik, che mi tainnyi, kocheng’ chito ne butin ketubet: ye nyonji tamirmiriet ne ya ne bunu Kamuktaindet, kobut ketubet eng’ eunnyi, si isob.

1 SAMUEL 16:23

Ak ye kiga nyonji Saul tamirmiriet ne ya ne bunu Kamuktaindet, konem Daudi ketubet ak kobut: kogaigait anyun Saul, ak komieit kogeny, ak kiwa eng’ inendet tamirmiriet ne ya.

1 SAMUEL 18:10

Ak eng’ betut ne kiisubi betunoto, konyonji Saul tamirmiriet ne ya eng’ kimnatet, ne kibunu Kamuktaindet, ak King’alal eng’ go ko u chi ne amei iywek: ak kibut Daudi ketubet eng’ eunnyi, ko u ye kicham koyaei betut age tugul: ak kitinyei Saul ng’otit eng’ eunnyi.

1 SAMUEL 18:12

Ak kiiywei Saul Daudi, amu kimi Jehovah koboto inendet, ak kiga kobagakta Saul.

1 SAMUEL 28:15

Ak kimwachi Samuel Saul kolenji, Amu nee si iima, imutwa atogos? Ak kiwolji Saul kolenji, Atinye nyalilda ne ng’wan; amu kabwa Pilistik kebarge, ak kogometa Kamuktaindet, ama kowolwa kiy, eng’ maotik, anan eng’ karuotitaosiek: noto anyun kaguurin, si kobiit iborua kit ne ayae.