1 SAMUEL 16:13 - BUKUIT NE TILIL

¹³ Konem anyun Samuel lalet ne mi mwaita, ak koiil inendet eng’ kwenutab tupchosiekyik: ak kinyonji Tamirmirietab Jehovah Daudi eng’ kimnatet koboch betunoto agoi. Kong’eet anyun Samuel, ak kwo Rama.

Bukuit Ne Tilil

¹³ Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.

BUKUIT NE TILIIL Sireet ne Dutero Kanon

¹³ Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Ak kilenji Natan Daudi, I chichoto. Kamwa Jehovah Kamuktaindetab Israel ko u ni kole, Kiaiilin iegu laitoriat ibou Israel, ak kiasorun eng’ eutab Saul;

2 SAMUEL 2:4

Ak kibwa bikab Juda kobwa koiil Daudi eng’ oloto koek laitoriatab gotab Juda. Ak kimwachi icheget Daudi kolenji, Ki bikab Jabes-gilead che kitubei Saul.

2 SAMUEL 23:1

Chu anyun ko ng’alek che bo let che bo Daudi. Kale Daudi weritab Jesii, Ak kole chito ne kigitoor, Ne iilat ne bo Kamuktaindetab Jakobo, Ak tienindet ne mie ne bo Israel, ne bo tienwogikab kalosunet.

2 SAMUEL 5:3

Kibwa anyun boisiek tugul che bo Israel ole mi laitoriat eng’ Hebron; ak kiyai laitoriat Daudi arorutiet koboto ichek eng’ Hebron eng’ taitab Jehovah: ak kiil Daudi koek laitoriat koboi Israel.

2 LAITORINIK 9:6

Ak king’eet kwo go; ak kirong’ji mwaita metinnyi, ak kolenji inendet, Kamwa ko u ni Jehovah Kamuktaindetab Israel, kole, Kaaiilin iegu laitoriat eng’ bikab Jehovah, che icheget ko Israel.

1 ATEPTAP PEETUUSYEK 11:3

Kobwa anyun boisiek tugul che bo Israel ole mi laitoriat eng’ Hebron, ak kiiyomisgei Daudi ak ichek eng’ Hebron eng’ taitab Jehovah; ak kiil Daudi, koek laitoriat eng’ Israel, ko u ng’olyotab Jehovah ne kimwa eng’ Samuel.

TIENWOGIKAL 89:20

Kianyoru Daudi kiboitiondennyu; Kiaiile inendet mwaitanyu ne tilil:

TIENWOGIKAL 89:21

Ne tun kimitu eunnyu eng’ inendet; Igimiti agine eunnyu inendet.

KAITOSYEK 11:17

Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

KAITOSYEK 27:18

Ak kilenji Jehovah Musa, Imutu Josua, weritab Nun, chito ne tinyei tamirmiriet, ak igonoor eung’ung’ inendet;

JOHANA 3:34

Amu ng’alali ng’alekab Jehovah inendet ne kiiyogu Jehovah; amu magonu inendet Tamirmiriet eng’ karogendoet.

POISYONIGAP CHE KIYOKTOI 13:22

Ak kingo kagoisto inendet, kong’eetyi Daudi koek laitoriandenywa; ne kibaorianji agine kole, Kaanyoru Daudi weritab Jesii, chito ne iboiboi muguleldanyu, ne tun yaei magutikyuk tugul.

HEBRANIK 1:9

Kiicham imanda, ak kiiwech tengekto; Eng’ noto anyun kigoiilin Jehovah, inendet Jehovah neng’ung’ Eng’ mwaitab boiboiyet kosiir siritoiguk.

HEBRANIK 11:32

Ara nee anyun age ne ta amwae? Amu mayama boroindo ngot amwa agobo Gideon, Barak, Samson, Jepta; ak agobo Daudi ak Samuel ak maotik:

KIRUOGIK 11:29

Kinyonji anyun Tamirmirietab Jehovah Jepta, ak kilandae Gilead ak Manase, ak kilandae Mispa ne bo Gilead, ak kong’eete Mispa ne bo Gilead kwo kolanda kot koit ole mi lagokab Amon.

KIRUOGIK 13:25

Ak kitoi Tamirmirietab Jehovah kobois eng’ inendet eng’ Maane-dan, kwenutab Sora ak Estaol.

KIRUOGIK 14:6

Ak kinyonji inendet Tamirmirietab Jehovah eng’ kimnatet, ak kigerer ng’etunyoto, ko u ye imuchi kogerer aruetab ng’oror, ak kima kotinyei kiy eng’ eut; ago ma mwachi kwanda anan ko kamet kit ne kayai.

KIRUOGIK 3:10

Ak kinyonji inendet Tamirmirietab Jehovah, ak kiiruokyi Israel; ak kiwa luget, ak kiinde Jehovah eunnyi Kusan-risataim laitoriatab Mesopotamia: ak kiiterter Otniel Kusan-risataim.

1 SAMUEL 1:19

Ak king’eetyo karon mising’, ak kogutuny eng’ taitab Jehovah, yeityo koweektagei agoi gonywa eng’ Rama: ak kituiyo Elkana ak Hana osotiondennyi, ak kiibwat Jehovah kwonyoto.

1 SAMUEL 10:1

Kiinem anyun Samuel chuboitab mwaita, ak korong’ji metinnyi mwaita, ak kong’utut inendet, ak kolenji, Ma inye ne kagoiilin Jehovah iegu bounindet ne bo borotennyi?

1 SAMUEL 10:6

ak konyonjin Tamirmirietab Jehovah eng’ kimnatet, ak imaoten koboto ichek, ak kewalin iegu chito age.

1 SAMUEL 11:6

Ak kinyonji Saul Tamirmirietab Kamuktaindet eng’ kimnatet, ye kingogas ng’alechato, ak kilalyo neregekyik kot.

1 SAMUEL 16:18

Kowolji anyun age eng’ murenjoto chiget, kolenji, Keero, kiageer werit age ne bo Jesii Bet-lehemindet, ne butin, ak ko chito ne kim ne tinyei nyiganatet, ak ko chitab luget, ak ko ng’om eng’ ng’alalet, ak ko chito ne kararan, ak komi Jehovah koboto inendet.

1 SAMUEL 18:12

Ak kiiywei Saul Daudi, amu kimi Jehovah koboto inendet, ak kiga kobagakta Saul.

1 SAMUEL 2:35

Ak ang’eetyige tisiindet ne kiyani, ne tun yaei kit ne mi muguleldanyu ak eng’ kabwatutikyuk: ak ateekyi inendet got ne kim; ak kowendote taitab nenyu ne iilat koigeny.