1 SAMUEL 15:24 - BUKUIT NE TILIL

²⁴ Ak kimwachi Saul Samuel kolenji, Koayai tengekto, amu koabistoe ng’atutietab Jehovah, ak ng’aleguk: amu koaiywei bik, ak agas it kutinywa.

Bukuit Ne Tilil

²⁴ Ak ki mwachi `Saulo Samuel koleenji, “Koayai tengekto amu koabistoe ng'atuutyetap Kamuktaindet ne Toroor, ak ng'aleeguk. Amu koaiywei piik ak agas iit kutinnywa.

BUKUIT NE TILIIL Sireet ne Dutero Kanon

²⁴ Ak ki mwachi `Saulo Samuel koleenji, “Koayai tengekto amu koabistoe ng'atuutyetap Kamuktaindet ne Toroor, ak ng'aleeguk. Amu koaiywei piik ak agas iit kutinnywa.

1 SAMUEL 15:24 ပူးပေါင်းရင်းမြစ်များ

TAUNET 3:12

Kolenji chito, Kwondo ne kiigona ketebi tuwai, inendet ne kagona che bo ketit, ak kaam.

TAUNET 3:17

Kolenji anyun Adam, Amu kegas ng’alekab kwondang’ung’, ak kaiam che bo ketit ne kiang’atin, ale, Amat iam che bo ketoto: kagichub ng’ony agobo inye; iame che bo ng’ony eng’ nyalilda betusieguk tugul, kote isobe;

2 SAMUEL 12:13

Ak kilenji Daudi Natan, Koyachi Jehovah tengekto. Ak kilenji Natan Daudi, Kagoisto Jehovah agine tengektang’ung’; memee.

Kitabuutap JOB 31:34

Amu kiaiywei tuiyet ne o, Ak kiimua sasisietab bik eng’ gorikwak, Kot asis, amawe sang’-

TIENWOGIKAL 51:4

Kiayaun tengekto inyendet inyege, Ak kiayai ne ya eng’ taing’ung’: Si kobiit kindein imanda ye ing’alali, Ak kotook tililindang’ung’ ye iruochi.

KOMONG'U 10:16

Kiiyokto anyun Parao keguur Musa ak Aron kochok; ak kolenji, Kaayachi tengekto Jehovah Kamuktaindeng’wong’, ak kaayaiywok okwek.

KOMONG'U 23:2

Amesub tuiyet iwe iyai kiy ne ya; amebaorianji ng’alek isub tuiyet imaas kiruoget:

KOMONG'U 9:27

Ak kiiyokto Parao keguur Musa ak Aron, kolenji, Kaayai tengekto eng’ nito: bo imanda Jehovah, ago a kiptengekyo koboto bikyuk.

KALEWANAIK 29:25

Ibu mestet kaiyweisiet ne kiywei chi: Ago nyoru chametab ge age tugul ne imang’u Jehovah.

JEREMIA 38:5

Ak kile Sedekia laitoriat, Ogeero, mi inendet eunekwok: amu laitoriat ko ma chi ne imuchi koyaiywok kiy ne ya.

KAITOSYEK 22:34

Ak kilenji Balaam malaikaiyatab Jehovah, Kaayai tengekto; amu kama angen ale itononi eng’ oret si kobiit igirinda: ara anyun, ngo mechame, ko mie aweek.

MATAYO 27:4

kole, Kaayai tengekto amu kaang’wekte korotik che matinyei tengek. Ago kile ichek, Botech eng’ nee? Yaoti inyege.

GALATYEK 1:10

Tos agoigoi nguno bik anan Jehovah? Anan acheng’e abaibai bik? Ngot ko ta aboiboi bik, ko ma a otwogetab Kristo.

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.

1 SAMUEL 15:15

Ak kile Saul, Koget bik kechirechoto ak tuchato eng’ Amalegik: amu kobagakta bik kechirek ak tuga che kororon eng’ tugul, si koeng’ji Jehovah Kamuktaindeng’ung’; ak kogibar che kong’et, kigesu.

1 SAMUEL 15:30

Yeityo komwa kole, Koayai tengekto: ago asain kora ale konyita nguno, eng’ taitab boisiekab bikyuk, ak eng’ Israel; ak ingeweeige tuwai, si agutung’ji Jehovah Kamuktaindeng’ung’.

1 SAMUEL 15:9

Ago kibagach Agag Saul ak bik, ak kechirek che kororon eng’ tugul, ak tuga, ak che akwaen, ak arekab kechir, ak tuguk tugul che ki miachen, ama cham kobar koges: ago king’em kit age tugul ne kisasei ak ne ma kiy, koges.

1 SAMUEL 2:29

Amu nee anyun si otiar tiseiywekyuk ak kagochinoikyuk, che kiang’at eng’ meng’otennyu; ak igonyit weriguk kosiira, si onerie kagochinoik che eechen eng’ tugul che bo bikyuk Israel?

1 SAMUEL 26:21

Kole anyun Saul, Kaayai tengekto: weeige werinnyu Daudi: amu ma ayaun kiy ne ya kogeny, amu kabunji kamanut ne o rani sobondanyu eng’ taing’ung’: keero, kaayai berberindo, ak kaalel mising’.