1 SAMUEL 14:6 - BUKUIT NE TILIL

⁶ Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.

Bukuit Ne Tilil

⁶ Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

BUKUIT NE TILIIL Sireet ne Dutero Kanon

⁶ Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

1 SAMUEL 14:6 ပူးပေါင်းရင်းမြစ်များ

2 SAMUEL 1:20

Mat omwaite eng’ Gat, Mat obarte eng’ ortinwekab Askelon; Si maboiboitu tibikab Pilistik, Si mailosgei tibikab che ma kimuratan.

2 SAMUEL 16:12

Abere keerei Jehovah yaitiet ne kagiyaiywa, ak igeerua Jehovah ne mie agobo chubisioni kagichuba rani.

2 LAITORINIK 19:4

Abere imuchi kogas Jehovah Kamuktaindeng’ung’ ng’alek tugul che bo Rabsake, ne kagoyok laitoriatab Asuria kiptaiyandennyi, konyo kochot Kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

2 ATEPTAP PEETUUSYEK 14:10

Kwo anyun Asa kotorokta inendet, ak kitet luget eng’ atebwetab Sepata ne mi Maresa.

2 ATEPTAP PEETUUSYEK 14:11

Ak kirirji Asa Jehovah Kamuktaindennyi, kole, Jehovah, mami age kobatenen ne imuchi kotoretis eng’ kwenutab ne kim ak ne matinyei kimnatet: toretech, ee Jehovah Kamuktaindennyo; amu kimang’un, ak kagibwa kebarge ak tuiyoni eng’ kaineng’ung’. Ee Jehovah, i Kamuktaindennyo; amat koterterin chi.

TIENWOGIKAL 135:6

Kigoyai Jehovah kit age tugul ne chamei, Eng’ kipsengwet ak eng’ ng’ony, eng’ nyanjosiek ak rirosiek tugul.

JEREMIA 9:23

Mwaei Jehovah ko u ni kole, Amat kolosgei chito ne ng’om eng’ ng’omnatennyi, anan kolosgei chito ne kim amu kimnatennyi, amat kolosgei magoriot eng’ magornatosiekyik:

JEREMIA 9:25

Ogeero, bwanei betusiek, mwaei Jehovah, ye tun abire tugul che kigimuratan eng’ kamuratanenywa ne ma kamuratanet;

JEREMIA 9:26

Misri, Juda, Edom, ak lagokab Amon, koboto Moab, ak tugul che biori metowekwak, che menyei ong’atet: amu ma imuratanotin bororiosiek tugul, ama imuratanotin mugulelwekab got tugul ne bo Israel.

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

SEPANIA 2:3

Ocheng’ Jehovah, okwek tugul che o taloen che o bo ng’ony, che kigoyai kiruogutikyik; ocheng’ imanda, ocheng’ talasiet: abere tun kiunyok eng’ betutab neregekab Jehovah.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

KAITOSYEK 10:32

Ak ngot kebe tugul, ko kiy age tugul ne mie ne yaiywech Jehovah, keyaun agachek.

KAITOSYEK 31:4

Oyokte elfut eng’ oret age tugul, eng’ ortinwek tugul che bo Israel, koba luget.

MATAYO 19:26

Ak kogeer Jesu ichek ak kolenji, Maimugaksei ni eng’ bik; ago imugaksei tuguk tugul eng’ Jehovah.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

NG'ATUTIK 32:30

Kotos imuktoi ano koon chichage elfut, Ak koon aeng’ elfusiek taman, Nda kima alda Ruandenywa ichek, Ak kogoito Jehovah ichek?

PILIPIK 3:3

amu ki kamuratanet achek, che saei eng’ Tamirmirietab Jehovah, ak kilosuge eng’ Kristo Jesu, ama kitinye kamang’unet eng’ borto:

JOSHUA 14:12

Noto anyun, kona tulwoni, ne kiga mwa Jehovah eng’ betunoto; amu kiigas eng’ betunoto ile kimi Anagik oloto, ak nganasok che eechen che ng’ototin: alen mi Jehovah kobota, si aon koba, ko u ye kimwa Jehovah.

KIRUOGIK 15:18

Ak kiam melelda ne o, ak kiguur Jehovah, kolenji, Kaigonu sorunoni o eng’ eutab otwogindeng’ung’: ak nguno, amee eng’ melelda, si abutyi eutab che ma kimuratan.

1 SAMUEL 14:5

Kiga tonon ruandet age eng’ murot ne bo katam eng’ taitab Mikmas, kotonon age eng’ murot ne bo tai eng’ taitab Geba.

1 SAMUEL 14:7

Ak kilenji inendet chito ne kiipchin karik, Yai tuguk tugul che mi muguleldang’ung’: welelge, keero, ami koboten ko u eng’ muguleldang’ung’.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:36

Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.

1 SAMUEL 17:46

Indein rani Jehovah eunnyu; ak awirin, ak atil meting’ung’, ak agochi rani muswekab lugetab Pilistik taritik che bo barak, ak tiong’ikab timin che bo ng’ony; si kobiit konai ng’ony tugul kole, mi Kamuktaindet Israel:

1 SAMUEL 17:47

ak si kobiit konai tuiyoni tugul kole, masorune chi Jehovah rotwetab chok ak ng’otit: amu bo luget Jehovah ak indeok eunekyok.

1 SAMUEL 31:4

Kolenji anyun Saul chito ne kiipchin karikyik, Ng’usu rotweng’ung’ bo chok, ak itoorena; si mabwa bichu ma kimuratan, kotoora, ak kogengeniena. Ago ma cham chito ne kiipchin karikyik; amu kiiywei kot. Konem anyun Saul rotwennyi bo chok, ak kobutyi.