1 SAMUEL 13:5 - BUKUIT NE TILIL

⁵ Ak kiiyumgei Pilistik kobargei ak Israel, karisiek elfusiek sosom, ak bik elfusiek lo che lanyei mbartanyisiek, koboto bik che te ng’aniekab ngegutab nyanjet eng’ chang’indo: ak kitogos ak koteech Mikmas, ne tokyingei kong’asis eng’ Bet-aben.

Bukuit Ne Tilil

⁵ Ki iyumgei Philistiik si kobargei ak Israel kotinyei kariisyek eliphuusyek sosom ak piik eliphuusyek lo che ketei paraisisyek, kobooto piik che tee ng'aniegap ngeguutap nyanjet eng' chaang'indo. Ki togos koteech Mikmas ne tokyingei kong'asiis eng' Beth-aben.

BUKUIT NE TILIIL Sireet ne Dutero Kanon

⁵ Ki iyumgei Philistiik si kobargei ak Israel kotinyei kariisyek eliphuusyek sosom ak piik eliphuusyek lo che ketei paraisisyek, kobooto piik che tee ng'aniegap ngeguutap nyanjet eng' chaang'indo. Ki togos koteech Mikmas ne tokyingei kong'asiis eng' Beth-aben.

1 SAMUEL 13:5 ပူးပေါင်းရင်းမြစ်များ

TAUNET 22:17

Eng’ kaberuret aberurin, ak eng’ kayabet ayabi iyoteng’ung’ kobarait kotenit kecheik che bo kipsengwetisiek, ak kotenit ng’aniek che bo ngegutab nyanjet; ak tun nyoboni lagoguk kurgetab bunikwak;

2 SAMUEL 17:11

Ago aruochi ale, ingoyumjingei Israel tugul, koboch Dan agoi Beer-seba, kotenit ng’aniek che mitei ngegutab araraita eng’ chang’indo; si iwe luget inyendet.

1 LAITORINIK 20:27

Ak kigiyum lagokab Israel, ak kigochi amitwogik, ak kobokto kobargei ak bichoto: ak kiteech nganaset eng’ tainywa koigei akwotisiek aeng’ che tutigin che bo arekab ng’oror; ago kinyi Suriek emet.

2 ATEPTAP PEETUUSYEK 1:9

Ara anyun, ee Jehovah Kamuktaindet, ingogimit kayomiset ne kiiyomisyi kwandanyu Daudi: amu koiyaa aek laitoriat aboi bik che te temburiek eng’ ng’ony eng’ chang’indo.

ISAIAH 10:28

Kagoit Aiat, kagosiir Migron; kagonore tugukyik Mikmas:

ISAIAH 48:19

Kita tenitu ng’aniek iyoteng’ung’, ak koigei lagoguk che kiisiche, chang’indab ng’aniek: kima kota kiistoi kainennyi anan keng’em eng’ tainnyu.

JEREMIA 15:8

Kigotesok mosogikwak eng’ ane kosiir ng’aniekab nyanjosiek: kiamutyi ichek luulindet betkwen kobar kametab murenik: kiagochi koche inendet tiritindo ak kamuisosiek.

HOSEA 10:5

Iyweisiei mising’ bik che menyei Samaria amu kanamonikab moekab Bet-aben: amu rirjin bikab emonoto oloto, koboto tisiikyik che kiboiboitune kanamwonoto bo moita amu torornatennyi ne kiga koistoegei.

HOSEA 4:15

Agot ngiyae inye Israel kugoinatet, ko mat koyai Juda; amobwa Gilgal, anan otogoste Bet-aben, anan oyosie ole, Ko u ye sobei Jehovah.

HOSEA 5:8

Oguut igondit eng’ Gibea, ak oguut iriaget eng’ Rama: owaach eng’ Bet-aben; eng’ ole bo let eng’ inye, ee Benjamin.

ROMANIK 9:27

Ak kimwa Isaia eng’ kutit ne o agobo Israel, kole, Agot ngo koitetab lagokab Israel ko te ng’aniekab nyanjet, kesoru che king’et:

JOSHUA 11:4

Ak kimanda icheget ak lugosiekwak tugul, bik ng’isiat, che te ng’aniek che mi ngegutab nyanjet eng’ chang’indo, ak mbartanyisiek ak karisiek ng’isiat.

JOSHUA 18:12

Ak king’eete kiwotenywa ne bo komostab katam Jordan; ak kitogosta kiwotenywa kobun tabandab Jeriko eng’ murot ne bo katam, ak kotogosta kobun emetab tulonok kotokyigei cherongo; ak kimong’ji kiwotenywa ong’atetab Bet-aben.

JOSHUA 7:2

Ak kiiyokto Josua bik eng’ Jeriko koba Ai, ne negite Bet-aben, eng’ komostab kong’asis eng’ Be-tel, ak komwachi kolenji, Oba osegei emonoto. Kiba anyun bik kosegei Ai.

KIRUOGIK 7:12

Ak kiga ruiyo Midianik ak Amalegik ak bikab kong’asis tugul eng’ atebwet koigei chereng’enyinik eng’ chang’indo; ak kima ko iitoksei, ki te tambesikwak ng’aniekab ngegutab nyanjet eng’ chang’indo.

1 SAMUEL 13:11

Ak kilenji Samuel, Nee ne kaiyai? Ak kile Saul, Amu kageer ale kaiyesta bik koba eng’ ole ami, ak ma inyo eng’ betusiek che kiga king’at, ak ageer ko kogoyumgei Pilistik eng’ Mikmas;

1 SAMUEL 13:2

Ak kilewenjigei Saul murenik elfusiek somok che bo Israel; kimi elfusiek aeng’u eng’ choto koboto Saul eng’ Mikmas ak eng’ tulwetab Bet-el, ak kimi elfut agenge koboto Jonatan eng’ Gibea ne bo Benjamin: ak kiigochi bik che kiga ng’et kwo ga chi tugul.

1 SAMUEL 14:23

Kosor anyun Jehovah Israel eng’ betunoto: ak kilanda luget kwo Bet-aben.

1 SAMUEL 14:52

Ak kibiit luget ne korom agobo Pilistik eng’ betusiek tugul che bo Saul: ak kingogeer Saul chito age tugul ne kim, anan ko chito age tugul ne nyigan, komut inendet kotebe oldanyi.

1 SAMUEL 17:1

Kiiyum anyun Pilistik lugosiekwak koba luget, ak kiiyumgei eng’ Soko, ne bo Juda, ak kiteech kwenutab Soko ak Aseka, eng’ Epes-damin.

1 SAMUEL 7:13

Kigiterter anyun Pilistik, ak matagai kobwa kogeny kosiir kiwotetab Israel: ak kigirinda Jehovah Pilistik eng’ betusiek tugul che bo Samuel.