1 SAMUEL 13:2 - BUKUIT NE TILIL

² Ak kilewenjigei Saul murenik elfusiek somok che bo Israel; kimi elfusiek aeng’u eng’ choto koboto Saul eng’ Mikmas ak eng’ tulwetab Bet-el, ak kimi elfut agenge koboto Jonatan eng’ Gibea ne bo Benjamin: ak kiigochi bik che kiga ng’et kwo ga chi tugul.

Bukuit Ne Tilil

² Ki lewenjigei `Saulo murenik eliphuusyek somok che po Israel. Ki mi eliphuusyek aeng'u eng' chooto kobooto Saulo eng' Mikmas ak eng' tulweetap Bethel ak kimi eliphuut agenge kobooto Jonathan eng' Gibea ne po Benjamin. Ki iyookto kiplugotinik che kiga ng'et koba kaa.

BUKUIT NE TILIIL Sireet ne Dutero Kanon

² Ki lewenjigei `Saulo murenik eliphuusyek somok che po Israel. Ki mi eliphuusyek aeng'u eng' chooto kobooto Saulo eng' Mikmas ak eng' tulweetap Bethel ak kimi eliphuut agenge kobooto Jonathan eng' Gibea ne po Benjamin. Ki iyookto kiplugotinik che kiga ng'et koba kaa.

1 SAMUEL 13:2 ပူးပေါင်းရင်းမြစ်များ

2 SAMUEL 20:1

Ak kibiit eng’ yoto chi ne bo Belial, ne kainennyi ko ki Sheba, weritab Bikri, Benjaminindet: ak kiguut iriaget, ak kole, Magitinye kebeberta eng’ Daudi, ama kitinye borotet eng’ weritab Jesii: ingwo chi tugul emaisiekyik, ee Israel.

2 SAMUEL 21:6

ingigonech bik tisab che bo werikyik, si kigartatyi Jehovah eng’ Gibea ne bo Saul, ne kilewen Jehovah. Ak kile laitoriat, Agonu ichek.

2 SAMUEL 23:29

Heleb weritab Baana Netopatindet, Itai weritab Ribai ne bo Gibea ne bo lagokab Benjamin;

EZRAH 2:27

Murenikab Mikmas ko ki bogol agenge ak tiptem ak aeng’.

NEEMIA 11:31

Kimeny lagokab Benjamin agichek koboch Geba ak kwo tai, eng’ Mikmas ak Aija, ak eng’ Bet-el ak nganasokyik;

JOSHUA 18:28

ak Selar, Elep, ak Jebusindet (noto ko Jerusalem), Gibeat, ak Kiriat; nganasok taman ak ang’wan koboto nganasokwak che mengechen. Nito ko borotetab lagokab Benjamin ko u ortinwekwak.

JOSHUA 22:6

Koberur anyun Josua ichek, ak kolenji koba: ak kiba emaisiekwak.

KIRUOGIK 19:12

Ak kilenji kiptaiyandennyi, Magimastoi kebendi nganasetab toondet, ne ma bo lagokab Israel; ago kisiirtoi kebendi Gibea.

1 SAMUEL 10:26

Ak kiwa Saul agine gonnyi eng’ Gibea; ak kiba koboto inendet murenik che nyigonen, che kiga twa Kamuktaindet mugulelwekwak.

1 SAMUEL 10:5

Ye ibata iit tulwetab Kamuktaindet, ole mitei irimetab Pilistik: ak ye iit nganaset, ituiye maotik che kaiyumgei kochorugei eng’ ole toror kotinyei kibugandet, ak sugutit ne ming’in, ak ndurerut, ak ketubet eng’ tainywa; ak komaotenonu:

1 SAMUEL 13:1

Kiga kotar Saul kenyisiek [sosom] ye kitau kolaitorani; ak kilaitoran kenyisiek aeng’ eng’ Israel.

1 SAMUEL 13:11

Ak kilenji Samuel, Nee ne kaiyai? Ak kile Saul, Amu kageer ale kaiyesta bik koba eng’ ole ami, ak ma inyo eng’ betusiek che kiga king’at, ak ageer ko kogoyumgei Pilistik eng’ Mikmas;

1 SAMUEL 13:15

Ak king’eet Samuel, kwo kotogosta eng’ Gilgal agoi Gibea ne bo Benjamin. Ak kiit Saul bik che kimi koboto inendet, koek murenik olo bo bogol lo.

1 SAMUEL 13:16

Ak kitebe Saul ak Jonatan werinnyi ak bik che kimi ak inendet Geba ne bo Benjamin: ago kiteech Pilistik Mikmas.

1 SAMUEL 13:23

Ak kimanda lugetab Pilistik koba ole kibunei eng’ Mikmas.

1 SAMUEL 13:5

Ak kiiyumgei Pilistik kobargei ak Israel, karisiek elfusiek sosom, ak bik elfusiek lo che lanyei mbartanyisiek, koboto bik che te ng’aniekab ngegutab nyanjet eng’ chang’indo: ak kitogos ak koteech Mikmas, ne tokyingei kong’asis eng’ Bet-aben.

1 SAMUEL 14:31

Ak kibar Pilistik eng’ betunoto koboch Mikmas kot koit Aijalon: ak king’etyo bik mising’.

1 SAMUEL 14:5

Kiga tonon ruandet age eng’ murot ne bo katam eng’ taitab Mikmas, kotonon age eng’ murot ne bo tai eng’ taitab Geba.

1 SAMUEL 14:52

Ak kibiit luget ne korom agobo Pilistik eng’ betusiek tugul che bo Saul: ak kingogeer Saul chito age tugul ne kim, anan ko chito age tugul ne nyigan, komut inendet kotebe oldanyi.

1 SAMUEL 15:34

Kiwa Samuel anyun Rama; ak kitogosta Saul gonnyi eng’ Gibea ne bo Saul.

1 SAMUEL 24:3

Ak kiit ole mi biusiekab kechirek eng’ oret, ole kimi kebenet; ak kiwa Saul orit, ak kotuch kelyekyik. Kimi Daudi ak bikyik kebenet orit mising’.

1 SAMUEL 26:2

Kong’eet anyun Saul kochortagei kwo ong’atetab Sip, komi ak murenik elfusiek somok che bo Israel che kigilewen, koba kocheng’at Daudi eng’ ong’atetab Sip.

1 SAMUEL 8:11

Ak kile, U ni laitoriat ne tun laitoranenok: namei werikwok, ak kolewenjigei kotononji karisiekyik, ak koek che lanyei mbartanyisiekyik: ak koruai kondoe karisiekyik: