1 SAMUEL 13:18 - BUKUIT NE TILIL

¹⁸ Kibun kweanet age oret ne wendi Bet-horon: kibun kweanet age oret ne bunei kiwotet ne ing’ururi atebwetab Seboim kotokyigei ong’atet.

Bukuit Ne Tilil

¹⁸ kobun kweanet age ooreet ne wendi Beth-horon, ak ki pun kweanet ne po let ooreet ne punei kiwoteet ne ing'ururi atebweetap Seboim kotokyigei surkwen.

BUKUIT NE TILIIL Sireet ne Dutero Kanon

¹⁸ kobun kweanet age ooreet ne wendi Beth-horon, ak ki pun kweanet ne po let ooreet ne punei kiwoteet ne ing'ururi atebweetap Seboim kotokyigei surkwen.

1 SAMUEL 13:18 ပူးပေါင်းရင်းမြစ်များ

TAUNET 10:19

Ak kibunei kiwotetab Kananik Sidon, kotokyingei Gerar, agoi Gasa; kotokyingei Sodom ak Gomora ak Atma ak Seboim, agoi Lasa.

TAUNET 14:2

kiborio laitorinichuto ak Bera, laitoriatab Sodom, ak Birisa, laitoriatab Gomora, ak Sinab, laitoriatab Adma, ak Semeba, laitoriatab Seboim, ak laitoriatab Bela (noto ko Soar).

1 ATEPTAP PEETUUSYEK 6:68

ak Jokmeam koboto emotinwekyik che kiyagisie, ak Bet-horon ak emotinwekyik che kiyagisie;

2 ATEPTAP PEETUUSYEK 8:5

Kiteech kogeny Bet-horon ne bo meto, ak Bet-horon ne rektoot, nganasok che ng’ototin, che kitinyei irimoik, ak ormarichok, ak temeleiywek;

NEEMIA 11:34

Hadid, Seboim, Nebalat;

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

JOSHUA 10:10

Kiiyesta Jehovah ichek eng’ taitab Israel, ak kobar ichek eng’ baret ne o eng’ Gibeon, ak koon kobun oret ne togostoi Bet-horon, ak kobarat kot koit Aseka, ak Makeda.

JOSHUA 10:11

Ak ye kingomwei eng’ taitab Israel, ye kichortaegei Bet-horon, kowir Jehovah ichek eng’ koik che eechen che bunu kipsengwet kot koit Aseka, ak kibek; ki chang’ che kibek eng’ koikab ropta kosiir che kibar lagokab Israel eng’ rotwetab chok.

JOSHUA 16:3

ak kwo kochortagei kotokyigei cherongo agoi kiwotetab Japletik, kot koit kiwotetab Bet-horon eng’ komosta ne rektoot, kot koit Geser; ak kimong’ji kiwotennyi nyanjet.

JOSHUA 16:5

Ak ki u ni kiwotetab lagokab Epraim, ko u ortinwekwak: ak kiwotetab borotenywa ne kitokyingei kong’asis ko ki Atarotadar, kot koit Bet-horon barak;

1 SAMUEL 14:15

Ak kibiit botanet eng’ nganaset, ak eng’ emet, ak eng’ bik tugul; ak kibotan agine luget koboto luulik: ak kibotan ng’ony, kot kobiit botanet ne o, ne siirtoot.