1 SAMUEL 13:14 - BUKUIT NE TILIL

¹⁴ Ago nguno, ko ma kotebyei laitornateng’ung’: kagocheng’jigei Jehovah chito ne iboiboi muguleldanyi, ak kagonde Jehovah inendet koek bounindet ne bou bikyik, amu ma irib ng’olyot ne king’atin Jehovah.

Bukuit Ne Tilil

¹⁴ Ago nguno koma kotebyei laitornateng'ung' agoi. Kagocheeng'jigei `Kamuktaindet ne Toroor chiito ne iboiboi muguleldanyi, ak kagonde `Kamuktaindet ne Toroor chiichooto koek pounindet ne pou piikyik amu ma iriip ng'olyoot ne king'atin Kamuktaindet ne Toroor.”

BUKUIT NE TILIIL Sireet ne Dutero Kanon

¹⁴ Ago nguno koma kotebyei laitornateng'ung' agoi. Kagocheeng'jigei `Kamuktaindet ne Toroor chiito ne iboiboi muguleldanyi, ak kagonde `Kamuktaindet ne Toroor chiichooto koek pounindet ne pou piikyik amu ma iriip ng'olyoot ne king'atin Kamuktaindet ne Toroor.”

1 SAMUEL 13:14 ပူးပေါင်းရင်းမြစ်များ

2 SAMUEL 5:2

Eng’ betusiek che kigosiirto, ye ki laitoriat Saul ne kiboiywech, ko inye ne kiimuti Israel komanda, ak komong’u: ak kilenji Jehovah, Ibae bikyuk Israel, ak iegu bounindetab Israel.

2 SAMUEL 6:21

Ak kilenji Daudi Mikal, Kagaureren eng’ taitab Jehovah, ne kilewena asiir kwandang’ung’, ak asiir gonnyi tugul, kondea aek bounindet eng’ bikab Jehovah, aboi Israel: noto anyun, aurereni eng’ taitab Jehovah.

2 LAITORINIK 20:5

Weege kogeny, ak ilenji Hesekia bounindetab bikyuk, Kamwa Jehovah, Kamuktaindetab kwandang’ung’ Daudi, ko u ni kole, Kaagas saeng’ung’, kaageer beeguk bo kong’: keero, asoobin: itogostoi gotab Jehovah eng’ betutab somok.

1 ATEPTAP PEETUUSYEK 10:13

Kome anyun Saul amu chalwoktanyi ne kiyachi Jehovah, amu ng’olyotab Jehovah ne ma rib; ak amu kiteeb ng’omnatet kogeny eng’ inendet ne kiboisie oik, koteepse,

TIENWOGIKAL 78:70

Kilewen Daudi agine kiboitiondennyi, Ak kiimutune biusiekab kechirek:

KALEWANAIK 27:24

Amu ma bo koigeny magornatosiek: Ak tos tebyei narietab bounatet eng’ ibinwek tugul?

ISAIAH 39:5

Kolenji anyun Isaia Hesekia, Kas anyun ng’olyotab Jehovah ne bo lugosiek.

POISYONIGAP CHE KIYOKTOI 13:22

Ak kingo kagoisto inendet, kong’eetyi Daudi koek laitoriandenywa; ne kibaorianji agine kole, Kaanyoru Daudi weritab Jesii, chito ne iboiboi muguleldanyu, ne tun yaei magutikyuk tugul.

POISYONIGAP CHE KIYOKTOI 7:46

ne kinyor chamet eng’ taitab Jehovah, ak kosom konyor meng’otetab Jehovah ne bo Jakobo.

HEBRANIK 2:10

Amu kinyolji inendet, ne mi tuguk tugul amu inendet, ak kobunu inendet tuguk tugul, ye imutyin werik che chang’ torornatet, si koyai taunindetab yetunenywa koek ne igesunotgei eng’ nyalilwogik.

1 SAMUEL 15:23

Amu kergei ngelelnatet ak tengektab bonisiet, ak kergei uuindab met ak chalwokto ak saetab kanamonik. Amu koiesie ng’olyotab Jehovah, ko kagoesien aginye si mata iegu laitoriat.

1 SAMUEL 15:26

Ak kimwachi Samuel Saul kolenji, Magiweeksei ak inye: amu koiesie ng’olyotab Jehovah, kagoesien Jehovah, maiegu laitoriat eng’ Israel.

1 SAMUEL 15:28

Ak kimwachi Samuel inendet kolenji, Kagogererenen Jehovah bounatetab Israel rani, ak kogochi chitab kokweng’ung’ ne kaigai eng’ inye.

1 SAMUEL 16:1

Ak kimwachi Jehovah Samuel kolenji, Irirjini Saul agoi kotianit amu koaesie inendet si mata koek laitoriat eng’ Israel? Inde mwaita laleng’ung’ konyi, ak iwe, ayoktoin iwe oldab Jesii Betlehemindet: amu kaalewenjige laitoriat eng’ werikyik.

1 SAMUEL 16:12

Ak kiiyokto chito, ak kiimut inendet. Ki birir, ak ki kararan togennyi, ak ki kararan. Ak kile Jehovah, Ng’eet, iil inendet: amu inendet nito.

1 SAMUEL 2:30

Noto anyun, mwaei Jehovah, Kamuktaindetab Israel, kole, Kiamwa iman ale, wendoti eng’ tainnyu gong’ung’, ak gotab kwandang’ung’, koigeny: ago kamwa Jehovah nguno kole, Ingolooit eng’ ane; amu ichek che konyita, agonyiti, ago icheget che maiita kole a kiy, kesasei.

1 SAMUEL 24:20

Nguno anyun, angen ale iegu laitoriat iman, ak kigimiti bounatetab Israel eng’ eung’ung’.

1 SAMUEL 25:30

Ak ye kagoyachi Jehovah kiptaiyandennyu ko u mieindo tugul ne kimwaitaenen, ak kondein iegu bounindetab Israel;

1 SAMUEL 9:16

Ayogun mutai chito ne bunu emetab Benjamin koteni asis, si iil inendet koek bounindet eng’ bikyuk Israel, ak soru bikyuk eng’ eunekab Pilistik: amu kiageer bikyuk, amu kigoit oldanyu rirekwak.