1 SAMUEL 12:3 - BUKUIT NE TILIL

³ Ami yu: omwa ng’olyo eng’ taitab Jehovah, ne ongenja, ak eng’ taitab nenyi ne kigiil: kiarebe ng’o tennyi? Anan kiarebe ng’o sigiriennyi? Anan kiaberber ng’o? Kiaus ng’o? Anan kianam eng’ eutab ng’o tuguk che kigoigoisie, si atuge konyekyuk? Si aweekwok tuguchoto.

Bukuit Ne Tilil

³ Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

BUKUIT NE TILIIL Sireet ne Dutero Kanon

³ Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Amu kiarib ortinwekab Jehovah, Ak ma abagakte Kamuktaindennyu eng’ or ne ya.

NEEMIA 5:11

Asomok oweekyi ichek rani mbarenikwak, mbarenikwak che bo emitik, ak gorikwak, ak oweekyi kogeny kebeberta agenge eng’ bogol ne bo fedaisiek, ak ne bo bek, ak divaik, ak mwanik, che kiomage ichek.

TIENWOGIKAL 15:5

Mabesendoi fedaisiekyik si kosige che siirtoot, Ama taachei tugukab kagoigoisiet agobo ne matinyei tengek. Inendet ne yaei tuguchuto ko magiistoi koigeny.

KOMONG'U 20:17

Amegase miat gotab chitab kokweng’ung’, amegase miat osotiotab chitab kokweng’ung’ anan otwogindennyi ne muren, anan otwogindennyi ne tie, anan eitanyi, anan sigiriennyi, anan kiy age tugul ne bo chitab kokweng’ung’.

KOMONG'U 22:4

Ngenyorji eunnyi kioto kachor kota kosobei, ngo tany, anan ngo sigirio, anan ngo kechir; kogeeri konyil aeng’.

KOMONG'U 23:8

Ametaach tuguk che bo kagaigaet: amu tuchei konunoik, icheget che ng’omen, ak kogunuri ng’alekab che bo imanda.

KALEWANAIK 15:27

Inyalili gonnyi inendet ne kipkeiyat agobo kelunaik: Ago sobei inendet ne wechei kagochinoik.

ATEPTAP LAWIK 6:4

koek anyun, ngo kayai tengekto, ak konam lelutiet, ingoweech noto kireb, anan kiy ne kiib eng’ sastaet, anan kiy ne kigigochi kogonor, anan kiy ne kinyor ne kiga kobet,

ATEPTAP LAWIK 6:5

anan kiy age tugul ne kiiyosio eng’ lembech agobo kioto; ingoweekta kogesta, ak kotesyi kebeberta agenge eng’ mut: kogochi chitab kobo tuguchoto, eng’ betut ne kigigikyine.

KAITOSYEK 16:15

Ak kinerech Musa mising’, ak kilenji Jehovah, Amecham kagochinenywa: tom aibe ichek agot sigiriet agenge, ak tom anyalil agot chi agenge eng’ ichek.

MATAYO 22:21

Kolenji, Bo Kaisari. Kolenji anyun, Ogochi Kaisari tuguk che bo Kaisari; ak ogochi Jehovah tuguk che bo Jehovah.

LUKA 19:8

Ak kitonon Sakayo, ak kolenji Kiptaiyat, Keero, Kiptaiyandani, agochini kibananok kebebertab tugukyuk; ak ngo kiaibe chi age tugul kiy eng’ ng’alset, aweekyini konyil ang’wan.

POISYONIGAP CHE KIYOKTOI 20:33

Ma agase miat feda che bo chi age tugul, anan tahabu, anan ngoroik.

2 KORINTOEK 12:14

Ogeero, nito ko ne bo somok achoboksei ale anyonjok; ak manyone aegu nyigisindo eng’ okwek: amu macheng’e tugukwok, ago okweget: amu manyoljin lagok kogonorji tuguk sigik, ago konorjin sigik lagok.

NG'ATUTIK 16:19

Amemaas kiruoget: ametiytii bik: anan itaach che bo kagaigaet; amu kerei konyekab che ng’omen tuguk che bo kagaigaet, ak kogunuri ng’alekab che bo imanda.

1 THESSALONIKEK 2:10

O baorinik okwek, koboto Jehovah, agobo ole kigitepte acheget eng’ kwenung’wong’ okwek che oyani, eng’ tililindo ak eng’ imanda ko magitinye kiy ne kiruogunenech:

1 THESSALONIKEK 2:5

Amu kima kinyoruech eng’ sait age tugul keboisie ng’alekab kachaunetab ge, ko u ye ongen, anan ng’alekab ung’ot che bo keiyandit, baoriat Jehovah;

1 PETERO 5:2

oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

1 SAMUEL 10:1

Kiinem anyun Samuel chuboitab mwaita, ak korong’ji metinnyi mwaita, ak kong’utut inendet, ak kolenji, Ma inye ne kagoiilin Jehovah iegu bounindet ne bo borotennyi?

1 SAMUEL 12:4

Ak kile, Ma iberberech, anan iusech, anan inam eng’ eutab chi kiy age tugul.

1 SAMUEL 12:5

Ak kilenji ichek, Baoriat Jehovah agobo okwek, ak baoriat eng’ betuni nenyi ne kigiil, kole, ma onyoru kiy eng’ eunnyu. Ak kile, Baoriat inendet.

1 SAMUEL 2:35

Ak ang’eetyige tisiindet ne kiyani, ne tun yaei kit ne mi muguleldanyu ak eng’ kabwatutikyuk: ak ateekyi inendet got ne kim; ak kowendote taitab nenyu ne iilat koigeny.

1 SAMUEL 24:11

Kogeny, keero, baba, ee, keer walitab ngorieng’ung’ ne mi eunnyu: amu katil walitab ngorieng’ung’ ak ma abarin, nai anyun ak igeer ile matinye yaitiet anan ko bistoet eng’ eunekyuk, ak tom ayaun tengek, agot nganda icheng’e sobondanyu ibar.

1 SAMUEL 24:6

Ak kilenji bikyik, Ingolooit eng’ ane eng’ Jehovah si mayachi kiptaiyandennyu ne iilat ne bo Jehovah, kiy ne u ni, si machuul eunnyu ayachi kiy ne ya, amu inendet ko ne iilat ne bo Jehovah.

1 SAMUEL 24:7

Kiete anyun Daudi bikyik ng’alechuto, ama chamji kong’eetyo kobar Saul. Ak king’eet Saul kwo eng’ kebenet, ak kwo bandanyi.

1 SAMUEL 26:11

Ingolooit eng’ ane eng’ Jehovah si machuul eunnyu abar ne iilat ne bo Jehovah: ago asomin ale, ib ng’otit ne mi ye negite metinnyi, ak sotetab beek, ak kebe.

1 SAMUEL 26:9

Ak kilenji Daudi Abisai, Amebar: amu ng’o ne imuchi kochuul eunnyi kobar ne iilat ne bo Jehovah, ama nyor ng’ogisto?