1 SAMUEL 12:22 - BUKUIT NE TILIL

²² Amu mabagaktoi Jehovah bikyik amu kainennyi ne o: amu kicham Jehovah koyaak oegu bikyik.

Bukuit Ne Tilil

²² Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.

BUKUIT NE TILIIL Sireet ne Dutero Kanon

²² Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.

1 SAMUEL 12:22 ပူးပေါင်းရင်းမြစ်များ

1 LAITORINIK 6:13

Ak amenye kwenutab lagokab Israel, ak mametoi bikyuk Israel.

1 LAITORINIK 8:57

Ingoteb Jehovah Kamuktaindennyo kobotech ko u ye kimi ak kwanisiekyok: amat kobagaktech, anan kometech:

2 LAITORINIK 14:27

Ak ma mwa Jehovah kole, ibuktoi kainetab Israel eng’ kureretab kipsengwet: ago kisor ichek eng’ Jeroboam weritab Joas.

2 LAITORINIK 21:14

Ak atoortoi che kang’et che bo borotennyu, ak ande ichek eunekab bunikwak; ak koek luulenik che luulei bunikwak tugul;

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

NEEMIA 9:17

ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

TIENWOGIKAL 106:8

Ago kisor ichek amu kainennyi, Si kobiit konaak kimnatennyi ne bo kamuktaet.

TIENWOGIKAL 94:14

Amu matoortoi Jehovah bikyik, Ama metoi borotennyi.

KOMONG'U 32:12

Amu nee si komwa tun Misrik kole, Kiga imutyin ichek yaitiet kole si kobar ichek eng’ tulonok, ak kowong’ kobetyo eng’ ng’ony? Ketite neregeguk che laldos, ak iwal kii ya koistoegei biguk.

ISAIAH 37:35

Amu aribe nganasani, asoru, agobo ane, ak agobo Daudi otwogindennyu.

ISAIAH 41:17

Cheng’ei beek bik che bonon ak che matinyei kiy, ago mami, ak koyaamei ng’elyepta amu melelda; awoljini, ane Jehovah, mametoi ane Kamuktaindetab Israel.

ISAIAH 42:16

Ak amutune kipkoratinik oret ne manaei; andochini eng’ ortinwek che manaei: awale mesundeito koek lapkeiyet eng’ tainywa, ak alitit komoswek che kunuren. Ayae tuguchuto, amabagaktoi.

ISAIAH 43:25

Ane, ee anendet ne aistoi bistaosieguk, amu kainennyu; amabwati tengekwogiguk.

ISAIAH 43:7

age tugul ne kimwaitoe kainennyu, inendet ne kiatau ayai agobo torornatennyu; kiamimii; ee, kiayai.

ISAIAH 48:11

Ayae amu kainennyu, amu kainennyu; amu kimuruonindoi ano kainennyu? Amagochini age torornatennyu.

ISAIAH 49:15

Tos imuchi kwondo koutie lakwennyi ne chuchuni, kot ko marire werit ne kisichei? Ee, imuchi chuto koutie, ago mautienen.

ISAIAH 63:8

Amu kimwa kole, Bikyuk iman, lagok che mayaei kaberberisiet: kiek anyun yetindenywa.

JEREMIA 14:21

Amat iwechech, amu kaineng’ung’; ametewer ng’echeretab laitornatet ne bo torornateng’ung’: ibwat, amat ibut kayomiset ne kigaiyomiswech.

JEREMIA 14:7

Agot ngo baorianjinech tengekwogikyok, ee Jehovah, boisie amu kaineng’ung’: amu chang’ kachuchugosiekyok bo ge; kigeyaun tengekto.

JEREMIA 14:9

Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

RIREKAB JEREMIA 5:20

Amu nee anyun si iutienech agoi, Ak ibagaktech keny ne te no?

EZEKIEL 20:14

Ago kiaboisie anyun kainennyu, si ma kimuruon eng’ taitab bororiosiek, che kigeeronu ichek amutu komong’.

EZEKIEL 20:9

Ago kiaboisie amu kainennyu, si ma kimuruon kogeerei bororiosiek, che kimi ichek kwenunywa, bororiosiek che kigeerei aborjinige ichek, amutu komong’ eng’ emetab Misri.

MALAKI 1:2

Kiachamak, mwaei Jehovah. Ago omwae ole, Kiichamenech nee? Tos kima ko ng’etab kametab Jakobo Esau? Mwaei Jehovah: ago kiacham Jakobo;

MATAYO 11:26

ee, Baba, amu kiicham inye ko u noto.

JOHANA 15:16

Kima olewena, ago kialewenok, ak kiandeak, ale obe ak oii logoek, si kobiit kotebi logoekwok: si kobiit kogonok Kwanda kit age tugul ne osome eng’ kainennyu.

ROMANIK 11:1

Amwae anyun ale, Kitoorta Jehovah bikyik? Achicha, ma u noto. Amu a Israelindet agane, ne bo keswekab Abraham, ne bo oretab Benjamin.

ROMANIK 11:29

Amu matinyei ndara konunoikab Jehovah ak kuursennyi.

1 KORINTOEK 4:7

Amu tos ng’o ne kayain iegu ne ter? Ak nee ne itinye inye ne kima itaach? Ago ngo kiitaache, ko amu nee si ilosuge, ko u ye kima itaache?

EPESOEK 1:12

si kobiit keegu kalosunetab torornatennyi, achek che kiga kisib kimang’u Kristo.

EPESOEK 1:6

agoi kalosunetab torornatetab mieindanyi, ne kigonech eng’ aiyebindo eng’ Chamanet:

NG'ATUTIK 14:2

Amu i bororiet ne tilil eng’ Jehovah Kamuktaindeng’ung’, ak kigolewenin Jehovah iegu bororiennyi ne itabanat kosiir bororiosiek tugul che mi ng’ony.

NG'ATUTIK 31:17

Kolal anyun nereknatennyu eng’ betunoto agobo ichek, yeityo abagakte, ak auny togennyu, ak kiwong’ ichek, ak kobwanji yaitwogik ak nyalilwogik che chang’; ak kole eng’ betunoto, Tos mabwanjech yaitwogtichu amu mami Kamuktaindennyo kobotech?

NG'ATUTIK 31:6

Ogimegitu, onyiganitu, amoiywei, anan oarogense amu ichek: amu wendi Jehovah Kamuktaindeng’ung’ koboten; mametoin inendet, ama bagaktoin.

NG'ATUTIK 31:8

Inendet Jehovah ne indoenen; mi koboten, amemetoin, ama bagaktoin; ameiywei, anan iarogen.

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

NG'ATUTIK 9:5

Ma eng’ imandang’ung’, anan atebeng’ung’ ne mie, ne kagonin inam emenywa: ago onei Jehovah Kamuktaindeng’ung’ bororiosiechu eng’ taing’ung’ amu sogornatenywa, si kobiit kogimit Jehovah ng’olyot ne kiiyosiechi kwanisieguk Abraham, ak Isak, ak Jakobo.

PILIPIK 1:6

angen komie ng’olyondonito, ale inendet ne kitoi boisiet ne mie eng’ okwek koyaei kosulda agoi betutab Jesu Kristo:

HEBRANIK 13:5

Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.

JOSHUA 7:9

Amu tun kasei Kanamik ak tugul che menyei emet, agobo kiito, ak koyiemech komuutech, ak kotil kainennyo kobet eng’ ng’ony: si iite nee kaineng’ung’ ne o?

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.