1 SAMUEL 12:21 - BUKUIT NE TILIL

²¹ amomaste osub tugukab buch che maimuchi kotoret kiy anan kosor, amu buch.

Bukuit Ne Tilil

²¹ Momaste osup tuguugap puch che ma imuuchi kotoret kiy anan kosar amu puch.

BUKUIT NE TILIIL Sireet ne Dutero Kanon

²¹ Momaste osup tuguugap puch che ma imuuchi kotoret kiy anan kosar amu puch.

1 SAMUEL 12:21 ပူးပေါင်းရင်းမြစ်များ

2 LAITORINIK 17:15

Ak kiesio ng’atutikyik, ak kayomisennyi ne kiiyomisgei ak kwanisiekwak, ak baornatosiekyik che kibaorian agobo ichek; ak kiisub tuguk che bo buch, ak kiek buch, ak kiisub bororiosiek che kiga yiem ichek, che kiga ng’at Jehovah ichek agobo bichoto, kolenji, amat oyai ko u ye yaei icheget.

ISAIAH 41:29

Ogeer tugul-o, tangoita boisionikwak ak ko buch: usonet ak toiyet kanamonikwak che kitanyi.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

ISAIAH 46:7

Ibe tigikyiet, laei, ak koteepto eng’ oldanyi, ak kotonon; ma keisto eng’ komostanyi: ee, rirjin age kioto, ama imuch kowol, anan kosor inendet eng’ nyalildanyi.

JEREMIA 10:15

Buch choto, boisietab ng’alset: betos eng’ betut ne ityin birenywa.

JEREMIA 10:8

Ago u ichek tugul tiong’ik, ak ko abusotin: konetisiet ne kineti kanamonik ko u ye kineti ketik kityo.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:5

Mwaei Jehovah ko u ni kole, Nee kit ne ma bo iman ne kinyorja kwanisiekwok, kot kolooitena, ak kosubot tangoita, ak kagoek buch?

JONAH 2:8

Istoegei rirenenywa bo ge Ichek che isubi atebosiek che ma nyolu che bo lembech.

JONAH 2:9

Ago aeng’un tiseiywot ne amwae kongoi; Ayaagun che kiaarorun. Bo Jehovah yetunet.

HABAKUK 2:18

Tilei nee kanamwet ne kigiwai, kot koyai musogindet; ak tilei nee kanamwet ne kitanyi, ak konetindetab lembechek, kot komang’ kitang’indet ne yaei, kot kotany kanamonik che matwegu?

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

NG'ATUTIK 11:16

Oripgei anyun, si ma kiberber mugulelwekwok, ak omaste, oot kanamonik ak ogutung’ji;

NG'ATUTIK 30:17

Ago ngo masta muguleldang’ung’, amecham igas, ago ngichuutin, iwe isa kanamonik, ak iot;

NG'ATUTIK 32:21

Kigona ng’etkonda eng’ noto ne ma Kamuktaindet; Kitacha eng’ tangoitanywa: Ak agochi ichek ng’etkonda eng’ che ma bororiet; Atache ichek eng’ bororiet ne abusat.