1 SAMUEL 11:6 - BUKUIT NE TILIL

⁶ Ak kinyonji Saul Tamirmirietab Kamuktaindet eng’ kimnatet, ye kingogas ng’alechato, ak kilalyo neregekyik kot.

Bukuit Ne Tilil

⁶ Ye kingo kas ng'aleechooto, konyonji ineendet Kabuusetap Kamuktaindet eng' kimnateet, ak ki nereekyi ineendet kot.

BUKUIT NE TILIIL Sireet ne Dutero Kanon

⁶ Ye kingo kas ng'aleechooto, konyonji ineendet Kabuusetap Kamuktaindet eng' kimnateet, ak ki nereekyi ineendet kot.

1 SAMUEL 11:6 ပူးပေါင်းရင်းမြစ်များ

KOMONG'U 32:19

Ak ye kingo kagorik nganaset, kogeer kanamwetab moita ak ureriet: ak kilalyo neregekab Musa, ak kowirta koichato eng’ eunekyik, ak kitui eng’ tulwet kel.

KAITOSYEK 12:3

Ago ki chi ne tala mising’ Musa, kosiir bik tugul che kimi ng’ony.

MARIKO 3:5

Ak ye kiga kogeerot komoswek tugul eng’ neregek, koarogen amu uuindab mugulelwekwak, kolenji chichoto, Chuul eung’ung’. Kichuul anyun: ak kisob eunnyi.

EPESOEK 4:26

Onerech, amoyai tengek: amat kororokto asis kota onerektosi:

KIRUOGIK 11:29

Kinyonji anyun Tamirmirietab Jehovah Jepta, ak kilandae Gilead ak Manase, ak kilandae Mispa ne bo Gilead, ak kong’eete Mispa ne bo Gilead kwo kolanda kot koit ole mi lagokab Amon.

KIRUOGIK 13:25

Ak kitoi Tamirmirietab Jehovah kobois eng’ inendet eng’ Maane-dan, kwenutab Sora ak Estaol.

KIRUOGIK 14:6

Ak kinyonji inendet Tamirmirietab Jehovah eng’ kimnatet, ak kigerer ng’etunyoto, ko u ye imuchi kogerer aruetab ng’oror, ak kima kotinyei kiy eng’ eut; ago ma mwachi kwanda anan ko kamet kit ne kayai.

KIRUOGIK 15:14

Kingoit Lei, kowaach Pilistik ko katuiyo ak inendet: ak kinyonji inendet Tamirmirietab Jehovah eng’ kimnatet, ak kiigei rogoosiek che kimi eunekyik katanit ne kabeel mat, ak kiibutyo eng’ eunekyik tuguk che kiga kirate.

KIRUOGIK 3:10

Ak kinyonji inendet Tamirmirietab Jehovah, ak kiiruokyi Israel; ak kiwa luget, ak kiinde Jehovah eunnyi Kusan-risataim laitoriatab Mesopotamia: ak kiiterter Otniel Kusan-risataim.

KIRUOGIK 6:34

Ago kinyonji Tamirmirietab Jehovah Gideon; ak kiguut igondit; ak kiiyumgei Abiesrik kosub inendet.

1 SAMUEL 10:10

Ak kingoit tulwet, ogeero, kotuiye inendet maotik che kigaiyumgei; ak kinyonji inendet Tamirmirietab Kamuktaindet eng’ kimnatet, ak kimaoten eng’ kwenunywa.

1 SAMUEL 10:6

ak konyonjin Tamirmirietab Jehovah eng’ kimnatet, ak imaoten koboto ichek, ak kewalin iegu chito age.

1 SAMUEL 16:13

Konem anyun Samuel lalet ne mi mwaita, ak koiil inendet eng’ kwenutab tupchosiekyik: ak kinyonji Tamirmirietab Jehovah Daudi eng’ kimnatet koboch betunoto agoi. Kong’eet anyun Samuel, ak kwo Rama.

1 SAMUEL 16:14

Ak kiga kwo Tamirmirietab Jehovah eng’ Saul, ak kiimu inendet tamirmiriet ne ya ne kibunu Jehovah.