1 SAMUEL 10:6 - BUKUIT NE TILIL

⁶ ak konyonjin Tamirmirietab Jehovah eng’ kimnatet, ak imaoten koboto ichek, ak kewalin iegu chito age.

Bukuit Ne Tilil

⁶ Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.

BUKUIT NE TILIIL Sireet ne Dutero Kanon

⁶ Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.

1 SAMUEL 10:6 ပူးပေါင်းရင်းမြစ်များ

KAITOSYEK 11:17

Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

KAITOSYEK 11:25

Ak kichorgei Jehovah eng’ boldet, ak kong’alalji Musa, ak kinam kebebertab tamirmiriet ne kimi inendet, konde boisiechoto tamanwogik tisab; ak ye kingotebe ichek tamirmiriet, koamda anyun ng’alek che bwanei, ago mata tun koyai ko u noto kogeny.

KAITOSYEK 11:26

Ago king’etune bik aeng’u nganaset, kigiguure age Eldad, ak kiguure age Medad: ak kitebe ichek tamirmiriet; ak ki boto bichoto, icheget che kiga kisir, ago kima ba ole mi Emait; ak kiamda ng’alek che bwanei eng’ nganaset.

KAITOSYEK 11:29

Ak kilenji Musa inendet, Kaamin ng’et kong’ agobo ane? Mie nda egu maotik bik tugul che bo Jehovah, ak mie nda indoi Jehovah tamirmiriennyi kotebe ichek!

MATAYO 7:22

Lenjina che chang’ betunoto, Kiptaiyat, Kiptaiyat, kima kiyai maonatet eng’ kaineng’ung’, ak kigion oik eng’ kaineng’ung’, ak kigiyai eng’ kaineng’ung’ boisionik che chang’ che bo kimnatet?

KIRUOGIK 14:6

Ak kinyonji inendet Tamirmirietab Jehovah eng’ kimnatet, ak kigerer ng’etunyoto, ko u ye imuchi kogerer aruetab ng’oror, ak kima kotinyei kiy eng’ eut; ago ma mwachi kwanda anan ko kamet kit ne kayai.

KIRUOGIK 15:14

Kingoit Lei, kowaach Pilistik ko katuiyo ak inendet: ak kinyonji inendet Tamirmirietab Jehovah eng’ kimnatet, ak kiigei rogoosiek che kimi eunekyik katanit ne kabeel mat, ak kiibutyo eng’ eunekyik tuguk che kiga kirate.

KIRUOGIK 3:10

Ak kinyonji inendet Tamirmirietab Jehovah, ak kiiruokyi Israel; ak kiwa luget, ak kiinde Jehovah eunnyi Kusan-risataim laitoriatab Mesopotamia: ak kiiterter Otniel Kusan-risataim.

1 SAMUEL 10:10

Ak kingoit tulwet, ogeero, kotuiye inendet maotik che kigaiyumgei; ak kinyonji inendet Tamirmirietab Kamuktaindet eng’ kimnatet, ak kimaoten eng’ kwenunywa.

1 SAMUEL 10:9

Ak ye kingowelelgei kwo eng’ ole mi Samuel, kogochi Kamuktaindet inendet muguleldo age: ak kiisulda kaborunoichoto tugul eng’ betunoto.

1 SAMUEL 11:6

Ak kinyonji Saul Tamirmirietab Kamuktaindet eng’ kimnatet, ye kingogas ng’alechato, ak kilalyo neregekyik kot.

1 SAMUEL 16:13

Konem anyun Samuel lalet ne mi mwaita, ak koiil inendet eng’ kwenutab tupchosiekyik: ak kinyonji Tamirmirietab Jehovah Daudi eng’ kimnatet koboch betunoto agoi. Kong’eet anyun Samuel, ak kwo Rama.

1 SAMUEL 19:20

Ak kiiyokto Saul bik koba konam Daudi; ak kingogeer tuiyetab maotik komaotendos ng’alek, kotononi Samuel kondochin ichek, konyonji Tamirmirietab Kamuktaindet bikab Saul, ak komaotenso agichek.