1 SAMUEL 10:27 - BUKUIT NE TILIL

²⁷ Ago kile werik alak che bo Belial, Sorundoech ano chichi? Ak kisas inendet, ama ipchi kagochinet. Ago kisis Saul.

Bukuit Ne Tilil

²⁷ Ago ki mwa abusanik alage kole, “Sarundoech ano chiichi?” Ki sas ineendet ama ipchi kagoochinoik. Ki siis Saulo ko uu yo ma mage kiy.

BUKUIT NE TILIIL Sireet ne Dutero Kanon

²⁷ Ago ki mwa abusanik alage kole, “Sarundoech ano chiichi?” Ki sas ineendet ama ipchi kagoochinoik. Ki siis Saulo ko uu yo ma mage kiy.

1 SAMUEL 10:27 ပူးပေါင်းရင်းမြစ်များ

2 SAMUEL 20:1

Ak kibiit eng’ yoto chi ne bo Belial, ne kainennyi ko ki Sheba, weritab Bikri, Benjaminindet: ak kiguut iriaget, ak kole, Magitinye kebeberta eng’ Daudi, ama kitinye borotet eng’ weritab Jesii: ingwo chi tugul emaisiekyik, ee Israel.

2 SAMUEL 8:2

Ak kibar Moab, ak kiikwa ichek eng’ borowet, king’at koruiyo eng’ ng’ony, ak kiikwa eng’ boroonik aeng’ bik che kibarei kobek, ak kichamji kosopcho che bo borowet ne nyiitat. Ak kiek Moabik otwogikab Daudi, ak kiib kagochinoik.

1 LAITORINIK 10:25

Ak kiib chi tugul kagochinennyi, tugukab feda, ak tugukab tahabu, ak ngoroik, ak karikab luget, ak nyamdutik, ak mbartanyisiek ak nyumbusiek, koitet ne kigigonu eng’ kenyit age tugul.

1 LAITORINIK 4:21

Ak kilaitorane Solomon bororiosiek tugul koboch Ainet agoi emetab Pilistik, ak agoi kiwotetab Misri: kiibu kagochinoik, ak kootei Solomon eng’ betusiek tugul che bo sobennyi.

1 LAITORINIK 5:1

Kiiyokto Hiram laitoriatab Turo otwogikyik koba oldab Solomon; amu kiga kogas kele kigiil inendet koek laitoriat kogeer kwandanyi: amu kichamei Hiram Daudi.

2 ATEPTAP PEETUUSYEK 13:7

Ak kiiyumjigei inendet bik che yaach, werikab Belial, che kiigimitgei kobargei ak Reoboam weritab Solomon, ye kita ko ming’in Reoboam ak kotinyei rirge, ak ma imuch kogirinda ichek.

2 ATEPTAP PEETUUSYEK 17:5

Kiigimit anyun Jehovah laitornatet eng’ eunnyi; ak kiipchi bik tugul che bo Juda Jeosapat kagochinoik; ak kitinyei magornatet ak teegisto eng’ chang’indo.

TIENWOGIKAL 38:13

Ago ane, a u chi ne ming’at, ne magastoi, Ak a u ne namat kut ne matwegu.

TIENWOGIKAL 72:10

Ibu kagochinoik laitorinikab Tarsus ak che bo ngegusiek; Igoitoi kagochinoik laitorinikab Sheba ak Seba.

AMDOINDET 7:21

Ameepchi it kogeny ng’alek tugul che kimwaei; si megas kochubin otwogindeng’ung’:

ISAIAH 36:21

Ago kisisyo, ma wolji agot ng’olyo: amu kimwaei ng’atutietab laitoriat kole, Amat owolji kiy.

MATAYO 2:11

Ak kiba go orit ak kigeer lakwet ne ming’in koboto kamennyi Maria; ak kiibutyi ng’ony kolos inendet; ak kotiach konoraikwak che bo kamanutiet ne o, kogochi inendet kagochinoik, tahabu, tuguk che nyamdut ak tuguk che u igomoik.

POISYONIGAP CHE KIYOKTOI 7:35

Musa nito ne kiesio ichek, kolen, Ng’o ne koindein iegu bounindet ak kiruogindet? Inendet ne kiiyokto Jehovah eng’ eutab malaikaiyat ne kimong’ji inendet eng’ ketit si kobiit koek bounindet, ak katiagindet.

NG'ATUTIK 13:13

Kamong’une kwenung’ung’ bik alak che yaach, ak koba komaas bik che menyei nganasenywa, kolenji, Ongebe keot cheptalelisiek, che mongen;

1 SAMUEL 11:12

Ak kilenji bik Samuel, Ng’o ni kilen, Boiywech Saul? Imutu bichoto kebar.

1 SAMUEL 11:13

Ak kile Saul, Magibarei chi agot agenge eng’ betuni: amu kagoyai rani Jehovah sorunet eng’ Israel.

1 SAMUEL 16:20

Ak kichob Jesii sigiriet ak koganapchi amitwogik, ak sotet ne mi divaik, ak aruetab ng’oror, koyoktae Daudi werinnyi koipchi Saul.

1 SAMUEL 2:12

Werikab Eli ko ki werikab Belial; kima nai ichek Jehovah.

1 SAMUEL 25:17

Nai anyun ak ibwat kit ne iyae; amu kigetilji yaitiet kiptaiyandennyo, ak gonnyi tugul: amu inendet ko weritab Belial ne siirtoot, kot ko maimuchi chi kotwekyi.