1 SAMUEL 10:1 - BUKUIT NE TILIL

¹ Kiinem anyun Samuel chuboitab mwaita, ak korong’ji metinnyi mwaita, ak kong’utut inendet, ak kolenji, Ma inye ne kagoiilin Jehovah iegu bounindet ne bo borotennyi?

Bukuit Ne Tilil

¹ Ki inem anyun Samuel chuboitap mwaita ak koroong'ji metinnyi, yeityo kong'utut ineendet ak koleenji, “Tos ma kagoiilin Kamuktaindet ne Toroor iegu pounindet ne po piikyik?

BUKUIT NE TILIIL Sireet ne Dutero Kanon

¹ Ki inem anyun Samuel chuboitap mwaita ak koroong'ji metinnyi, yeityo kong'utut ineendet ak koleenji, “Tos ma kagoiilin Kamuktaindet ne Toroor iegu pounindet ne po piikyik?

1 SAMUEL 10:1 ပူးပေါင်းရင်းမြစ်များ

2 SAMUEL 1:14

Ak kilenji Daudi inendet, Kolya si meiywei ichuul eung’ung’ ibar ne iilat ne bo Jehovah?

2 SAMUEL 19:39

Ak kilandae bik tugul Jordan, ak kilanda laitoriat: ak king’utut laitoriat Barsilai, ak koberur; ak kiweektagei kwo oldanyi.

2 SAMUEL 20:19

A bo ichek che bo kalyet ak che bo iman eng’ Israel: icheng’e ibar nganaset ak ko kamet eng’ Israel: amu nee si imache ilugui borotetab Jehovah?

2 SAMUEL 5:2

Eng’ betusiek che kigosiirto, ye ki laitoriat Saul ne kiboiywech, ko inye ne kiimuti Israel komanda, ak komong’u: ak kilenji Jehovah, Ibae bikyuk Israel, ak iegu bounindetab Israel.

1 LAITORINIK 1:34

ak ingoiil inendet eng’ oloto Sadok tisiindet ak maotiot Natan koek laitoriat ne bou Israel: ak koguut iriaget ak ole, Ingosob laitoriat Solomon.

1 LAITORINIK 19:18

Ago atuukyinige elfusiek tisab eng’ Israel, kutung’oik tugul che tomo kogutung’ji Baal, ak kutit age tugul ne tomo kong’utut inendet.

2 LAITORINIK 20:5

Weege kogeny, ak ilenji Hesekia bounindetab bikyuk, Kamwa Jehovah, Kamuktaindetab kwandang’ung’ Daudi, ko u ni kole, Kaagas saeng’ung’, kaageer beeguk bo kong’: keero, asoobin: itogostoi gotab Jehovah eng’ betutab somok.

2 LAITORINIK 9:1

Ak kiguur maotiot Elisha age eng’ werikab maotik, ak kolenji inendet, Kermenge, ak iib lalani bo mwaita, ak iwe Ramot-gilead.

2 LAITORINIK 9:12

Ak kile ichek, Lembech; mwawech anyun nguno. Ak kile, Kang’alalwa ko u ni ak ko u ni, kole, Kamwa Jehovah ko u ni kole, Kaaiilin iegu laitoriat eng’ Israel.

TIENWOGIKAL 135:4

Amu kigolewenjigei Jehovah Jakobo, Ak Israel koek kinnyi ne nenyi iman.

TIENWOGIKAL 2:12

Oming’inityige werit si manerech, ak olusye eng’ oret, Amu negit kolalyo neregekyik. Iberurotin ichek tugul che imang’u inendet.

TIENWOGIKAL 78:71

Ye kiisubu kechirek che aboen, Kiimut inendet si kobiit kobai gab Jakobo che bikyik, ak Israel che borotennyi.

KOMONG'U 30:23

Inemunote tuguk che miachen kosiir, tuguk che u igomoik, kumiat ne yamei sekelisiek bogol mut, ak kinamon che anyiny che yamei kebebertab choto, agot sekelisiek bogol aeng’ ak konom, ak kalamus che anyiny, sekelisiek bogol aeng’ ak konom,

JEREMIA 10:16

Ma u chuto kebebertab Jakobo; amu bo tai inendet eng’ tuguk tugul; ak Israel ko bororietab borotennyi: kainennyi ko Jehovah ne bo lugosiek.

EZEKIEL 16:13

Kigilelesonun anyun eng’ tahabu ak feda; ak ki bo katanit ne kararan ngoroiguk, ak aririt, ak ngoroik che kiginde lelesta; kiiam busiek che tambulul, ak kumik, ak mwanik: ak kiigararanitu kot, ak kigiberurin kot inyoru atebetab laitornatet.

HOSEA 13:2

Ak yaei nguno ichek tengekto kosiir, ak koyachinegei fedaisiekwak kanamonik che kitanyi, kiyai kanamonik ko u naenywa, bo choto tugul boisietab kitang’ik: mwaei agobo tuguchoto kole, Ingong’utut moek bik che eng’sei.

POISYONIGAP CHE KIYOKTOI 13:21

Ak kingobata kosom laitoriat: ak kiigochi Jehovah ichek Saul weritab Kis eng’ kenyisiek artam, chito ne bo oretab Benjamin.

NG'ATUTIK 32:9

Amu bikyik kebebertab Jehovah; Borotennyi Jakobo.

1 THESSALONIKEK 5:26

Ogat tupchosiek tugul eng’ ng’ututet ne tilil.

HEBRANIK 2:10

Amu kinyolji inendet, ne mi tuguk tugul amu inendet, ak kobunu inendet tuguk tugul, ye imutyin werik che chang’ torornatet, si koyai taunindetab yetunenywa koek ne igesunotgei eng’ nyalilwogik.

NG'ANG'UTYET 5:8

Ak ye kingo kagoib bukuinoto, kobutyi taitab Aruet tiong’ichoto ang’wanu soptos ak boisiechoto tiptem ak ang’wan, kotinyei age tugul ketubet, ak tabok che bo tahabu che nyiitotin nyamdutik che kebeelei, che choto ko sautikab bik che tililen.

1 SAMUEL 12:3

Ami yu: omwa ng’olyo eng’ taitab Jehovah, ne ongenja, ak eng’ taitab nenyi ne kigiil: kiarebe ng’o tennyi? Anan kiarebe ng’o sigiriennyi? Anan kiaberber ng’o? Kiaus ng’o? Anan kianam eng’ eutab ng’o tuguk che kigoigoisie, si atuge konyekyuk? Si aweekwok tuguchoto.

1 SAMUEL 13:14

Ago nguno, ko ma kotebyei laitornateng’ung’: kagocheng’jigei Jehovah chito ne iboiboi muguleldanyi, ak kagonde Jehovah inendet koek bounindet ne bou bikyik, amu ma irib ng’olyot ne king’atin Jehovah.

1 SAMUEL 15:1

Ak kilenji Samuel Saul, Kiiyokwa Jehovah anyo aiilin iegu laitoriatab bikyik, ibou Israel: kas anyun ng’alekab Jehovah.

1 SAMUEL 15:17

Ak kimwa Samuel kole, Nganda kii ming’in ye kiigeerege, ko kima kieetin iegu kandoindetab bororiosiekab Israel? Ak koiilin Jehovah iegu laitoriat eng’ Israel;

1 SAMUEL 16:1

Ak kimwachi Jehovah Samuel kolenji, Irirjini Saul agoi kotianit amu koaesie inendet si mata koek laitoriat eng’ Israel? Inde mwaita laleng’ung’ konyi, ak iwe, ayoktoin iwe oldab Jesii Betlehemindet: amu kaalewenjige laitoriat eng’ werikyik.

1 SAMUEL 16:13

Konem anyun Samuel lalet ne mi mwaita, ak koiil inendet eng’ kwenutab tupchosiekyik: ak kinyonji Tamirmirietab Jehovah Daudi eng’ kimnatet koboch betunoto agoi. Kong’eet anyun Samuel, ak kwo Rama.

1 SAMUEL 2:10

Kitonatoni che ibeligei ak Jehovah; Tuljin ichek eng’ kipsengwet: Iruokyin Jehovah tabanwekab ng’ony; Ak kogochi kimnatet laitoriandennyi. Ak kotoror kuinetab nenyi ne kigiil.

1 SAMUEL 24:6

Ak kilenji bikyik, Ingolooit eng’ ane eng’ Jehovah si mayachi kiptaiyandennyu ne iilat ne bo Jehovah, kiy ne u ni, si machuul eunnyu ayachi kiy ne ya, amu inendet ko ne iilat ne bo Jehovah.

1 SAMUEL 26:11

Ingolooit eng’ ane eng’ Jehovah si machuul eunnyu abar ne iilat ne bo Jehovah: ago asomin ale, ib ng’otit ne mi ye negite metinnyi, ak sotetab beek, ak kebe.

1 SAMUEL 26:9

Ak kilenji Daudi Abisai, Amebar: amu ng’o ne imuchi kochuul eunnyi kobar ne iilat ne bo Jehovah, ama nyor ng’ogisto?

1 SAMUEL 8:19

Ago kiesio bik kogas ng’alekab Samuel; ak kile, Achicha; ago kimache laitoriat ne boiywech;

1 SAMUEL 8:9

Kasyi anyun ng’alekwak: ago iteechi komie, ak iborji kit ne u laitoriat ne tun laitorane ichek.

1 SAMUEL 9:16

Ayogun mutai chito ne bunu emetab Benjamin koteni asis, si iil inendet koek bounindet eng’ bikyuk Israel, ak soru bikyuk eng’ eunekab Pilistik: amu kiageer bikyuk, amu kigoit oldanyu rirekwak.

1 SAMUEL 9:27

Kingochortagei eng’ ye boch nganaset, kolenji Samuel Saul, Mwachi otwogindeng’ung’ kondo, (ak kiindo,) ago tonon inye nguno, si amwaun ng’olyotab Kamuktaindet igas.