1 SAMUEL 1:8 - BUKUIT NE TILIL

⁸ Ak kilenji inendet Elkana manong’otiondennyi, Hana, irirjini nee? Ak amu nee si meamisiei? Ak amu nee si koarogeni muguleldang’ung’? Ma a kaigai eng’ inye kosiir werik taman?

Bukuit Ne Tilil

⁸ Ki leenji `Elkanah manong'otyondennyi, “Hannah, iriirchini nee? Amu nee si meamisyei? Amu nee si koarageni muguleldang'ung'? Tos ma aa kaigai eng' inyee kosiir weeriik taman?”

BUKUIT NE TILIIL Sireet ne Dutero Kanon

⁸ Ki leenji `Elkanah manong'otyondennyi, “Hannah, iriirchini nee? Amu nee si meamisyei? Amu nee si koarageni muguleldang'ung'? Tos ma aa kaigai eng' inyee kosiir weeriik taman?”

1 SAMUEL 1:8 ပူးပေါင်းရင်းမြစ်များ

2 LAITORINIK 8:12

Ak kile Hasael, Amu nee si irir, kiptaiyandennyu? Ak kiwol kole, Amu angen yaitiet ne tun iyachini lagokab Israel: ibeele irimoikwak che kimen, ak ibare werikwak eng’ rotokab chok, ak ibirte manyurunikwak, kotonak, ak igerer kwonyikwak che tamonosiek.

Kitabuutap JOB 6:14

Kanyolji konyor inendet ne machei kotanui, rirenet eng’ choruennyi; Agot inendet ne kabagakta kaiyweisietab ne kiywei Inendet ne bo Kamuktaet.

TIENWOGIKAL 43:4

Si awa anyun kaptisisietab Kamuktaindet, Ole mi Kamuktaindet ne boiboiyennyu ne siirtoot: Alosun eng’ ketubet, ee Kamuktaindet, Kamuktaindennyu.

ISAIAH 54:1

Tien, ee inye ne ison, ne ma ii; tien, ak iwaach, inye ne ma inyoru ng’wanindo agobo sigisiet: amu chang’ lagokab ne mi inegei kosiir lagokab osotiot, mwaei Jehovah.

ISAIAH 54:6

Amu kigoguurin Jehovah ko u osotiot ne kigebagakta, ne kigigochi koarogen eng’ muguleldanyi, osotiot ne ta ko ming’in, ye kagion, mwaei Kamuktaindeng’ung’.

JOHANA 20:13

Ak kilenji, Kobogoriondoni, kalya si irir? Kolenji, Amu kageib Kiptaiyandennyu, amangen ole kaginde inendet.

JOHANA 20:15

Kolenji Jesu, Kobogoriondoni, kalya si irir? Icheng’e ng’o? Kiibwati kolen inendet ko ribindetab mbaret, ak kolenji, Kiptaiyandani, ngo kaiib inendet eng’ oli, imwawa ole kainde, si aib inendet.

1 THESSALONIKEK 5:14

Ak kitigonok, che kitupche, kele oteechi che maribei che kiging’at, ocher che nyogoren, otoret che nyalulyotin, omuite ak bik tugul.

RUTH 4:15

Ak egu inendet ne weegun sobondang’ung’, ak koek ne bain eng’ osindang’ung’: amu kasich lakwet, osotiotab wering’ung’, ne chamin, ne kaigai eng’ inye kosiir werik tisab.

1 SAMUEL 1:7

Ak ye kiyaei Elkana ko u noto eng’ kenyit age tugul, ye kitogostoi Hana kowendi gotab Jehovah, kotach inendet kwonyoto ko u noto; korir anyun, ak ma amis.