1 SAMUEL 1:11 - BUKUIT NE TILIL

¹¹ Ak kiyai kaarortaet ne kiarorto kole, Ee Jehovah ne bo lugosiek, ngot igeer nyalildab cheptang’ung’ ne otwoget, ak ibwata, ameutie cheptang’ung’ ne otwoget, ak igochi cheptang’ung’ ne otwoget werit, agochini anyun inendet Jehovah eng’ betusiekyik tugul kote kosobei, ama kicheru sumeekyik.

Bukuit Ne Tilil

¹¹ Ki yai kayasyoet kole, “Ee Kamuktaindet ne Toroor ne po lugoosyek, ngot igeer nyalildap cheptong'ung' ne otwoget ak ibwaata ak ko meutye cheptong'ung' ne otwoget, ak igoochi weeriit, agoochini anyun weeroto Kamuktaindet ne Toroor eng' peetuusyekyik tugul kotee kosabei, ama kicheru suumeekyik.”

BUKUIT NE TILIIL Sireet ne Dutero Kanon

¹¹ Ki yai kayasyoet kole, “Ee Kamuktaindet ne Toroor ne po lugoosyek, ngot igeer nyalildap cheptong'ung' ne otwoget ak ibwaata ak ko meutye cheptong'ung' ne otwoget, ak igoochi weeriit, agoochini anyun weeroto Kamuktaindet ne Toroor eng' peetuusyekyik tugul kotee kosabei, ama kicheru suumeekyik.”

1 SAMUEL 1:11 ပူးပေါင်းရင်းမြစ်များ

TAUNET 28:20

Ak kiiyosio Jakobo, kole, Ngot koteb Kamuktaindet kobota, ak koribota eng’ orani awendi, ak kobaata, ak kogona ngoroik che alaachi,

TAUNET 29:32

Ak kimanach anyun Lea, kosich werit, ak kiguure kainennyi Reuben: amu kile, Kageer Jehovah nyalildanyu; noto anyun imuchi kochama manong’otiondennyu nguno.

TAUNET 30:22

Ak kiibwat Kamuktaindet Rael, ak kigas Kiptaiyat inendet, ak kiitiach moennyi.

TAUNET 8:1

Kiibwat anyun Kamuktaindet Noa, ak kiy age tugul ne sobei, ak tuga tugul che kimi koboto inendet eng’ melit: ak kiiyokyi Kamuktaindet usonet kousyi ng’ony, ak kiweeigei beek mutyo;

2 SAMUEL 16:12

Abere keerei Jehovah yaitiet ne kagiyaiywa, ak igeerua Jehovah ne mie agobo chubisioni kagichuba rani.

TIENWOGIKAL 25:18

Keer nyalildanyu ak arogenennyu; Ak nyoiywa kaat tengekwogikyuk tugul.

KOMONG'U 4:31

Ak kiiyan bik: ye kingogas kole kagonyonji Jehovah lagokab Israel, ak kogogeer nyalilwogikwak, kong’urukso anyun.

KALEWANAIK 31:2

Nee, werinnyu? Ee, nee weritab moennyu? Ee, nee weritab kayosioutikyuk?

AMDOINDET 5:4

Ye iarorji Kamuktaindet kaarorunet, ko mat igaege; amu mabaibaitune inendet che berberen: igoite anyun ne iarortoi.

ATEPTAP LAWIK 27:2

Mwachi lagokab Israel, ilenji ichek, Ye yaei chi kaarorunet, koek bik che bo Jehovah ko u koiteng’ung’.

KAITOSYEK 21:2

Ak kiiyosiechi Israelik Jehovah, kolenji, Ngot igona bichu, ang’eme awong’u nganasokwak.

KAITOSYEK 6:11

Ak kogoito tisiindet age kobunji kagochinetab tengekto, ak kobunji age kagochinet ne kibeelei, ak koyai kagaigaet agobo inendet, amu konam tengekto agobo ne kome, ak kotilil metinnyi betunoto.

KAITOSYEK 6:5

Amat kocher metinnyi eng’ betusiekyik tugul che bo kayosiennyi ne bo katabanet, agoi kogesgei betusiechoto, che itabanjinegei Jehovah. Ingotililit inendet anyun ingobityo sumeekyik kogoegitu.

KAITOSYEK 6:8

Tilil eng’ Jehovah eng’ betusiek tugul che bo katabanennyi.

KIRUOGIK 11:30

Ak kiyai Jepta kaarortaet koarorji Jehovah, kole, Ngot inde iman eunekyuk lagokab Amon,

KIRUOGIK 13:5

amu, keero, imanachi, ak isich werit; ama kicheru sumeekyik; amu egu lakwanato Nasiritindet ne bo Kamuktaindet koboch komi mo: ak kotoi kosor Israel eng’ eunekab Pilistik.

1 SAMUEL 1:10

Ak kitinyei inendet ng’wanindo eng’ sobondanyi, ak kisa Jehovah, ak korir eng’ ng’wanindo.

1 SAMUEL 1:12

Ak ye kita kosaei eng’ taitab Jehovah, kogeer Eli kutinnyi.

1 SAMUEL 1:19

Ak king’eetyo karon mising’, ak kogutuny eng’ taitab Jehovah, yeityo koweektagei agoi gonywa eng’ Rama: ak kituiyo Elkana ak Hana osotiondennyi, ak kiibwat Jehovah kwonyoto.

1 SAMUEL 1:22

Ago ma togosta Hana, amu kilenji manong’otiondennyi, Mawendi kot aluge lakwet, si amut kwo taitab Jehovah, kwo kotebe oloto agoi.

1 SAMUEL 1:27

Lakwani ne kiasome, ak kigogona Jehovah somennyu ne kiasom inendet:

1 SAMUEL 1:28

noto anyun, kaagochi inendet Jehovah; kote kosobei, ko kigigochi inendet Jehovah. Ak kigutung’ji Jehovah eng’ yoto.

1 SAMUEL 2:20

Ak kiiberur Eli Elkana ak osotiondennyi, kole, Ingogonin Jehovah iyotet eng’ kwonyi amu somet ne kiga kiarorji Jehovah. Yeityo koba ga.