1 SAMUEL 1:1 - BUKUIT NE TILIL

¹ Kimi chito age ne bo Ramataim-sopim, ne bo emetab tulonokab Epraim, ak kainennyi ko ki Elkana, weritab Jeroam, weritab Eliu, weritab Tohu, weritab Sup, Epraimindet:

Bukuit Ne Tilil

¹ Ki mi chii ne ki kiguure Elkanah ne po Ramataim ne ki po Suphim ne po emetap tuloonoogap Ephraim. Ki weeriitap Jeroham, weeriitap Elihu, weeriitap Tohu, weeriitap Suph Ephraimindet.

BUKUIT NE TILIIL Sireet ne Dutero Kanon

¹ Ki mi chii ne ki kiguure Elkanah ne po Ramataim ne ki po Suphim ne po emetap tuloonoogap Ephraim. Ki weeriitap Jeroham, weeriitap Elihu, weeriitap Tohu, weeriitap Suph Ephraimindet.

1 SAMUEL 1:1 ပူးပေါင်းရင်းမြစ်များ

1 LAITORINIK 11:26

Ak kimach Jeroboam weritab Nebat, Epraimindet ne bo Sereda, otwogindetab Solomon, ne kainetab kamennyi ko ki Serua, kwondo ne ki mosok, kobar laitoriat.

1 ATEPTAP PEETUUSYEK 6:12

ak kisich Aitub Sadok, ak kisich Sadok Salum;

1 ATEPTAP PEETUUSYEK 6:22

Werikab Kohat ko ki: Aminadab werinnyi, Kora werinnyi, Asir werinnyi;

1 ATEPTAP PEETUUSYEK 6:33

Ak chu ko ichek che kiboisiei, koboto werikwak. Che bo werikab Kohatik: Heman tienindet, weritab Joel, weritab Samuel;

1 ATEPTAP PEETUUSYEK 6:34

weritab Elkana, weritab Jeroam, weritab Eliel, weritab Toa;

MATAYO 27:57

Ak ye kingo kagoek lagat, konyo magoriot ne bo Arimatea, ne keguure Josep, ne ki alamalyetab Jesu agine.

JOSHUA 24:33

Ak kime agine Eleasar weritab Aron; ak kitub ichek inendet eng’ tulwetab Pineas werinnyi, ne kiga kigochi inendet eng’ emetab tulonok ne bo Epraim.

KIRUOGIK 12:5

Ak kinam Gileadik tabarwekab Jordan, korat Epraimik: ak ye mwa che kimweune Epraim, kole, Chamwa alanda, kolenji inendet bikab Gilead, I Epraimindet? Ye le, Achicha;

KIRUOGIK 17:1

Ak kimi chito age ne bo emetab tulonokab Epraim, ne kigiguure kainennyi Mika.

KIRUOGIK 19:1

Ak eng’ betusiechoto, ye kima komi laitoriat Israel, kimi Lawindet age ne kiga meny komosin eng’ emetab tulonok ne bo Epraim, koek toondet, ne kiimutyigei chebaigeiyat eng’ Bet-lehem-juda.

KIRUOGIK 4:5

Kitebe tiretab Debora kel eng’ kwenutab Rama ak Bet-el eng’ emetab tulonok ne bo Epraim: ak kitogosu lagokab Israel ole mi inendet kobwanei kiruoget.

RUTH 1:2

Ak kainetab chichoto ko ki Elimelek, ak kainetab osotiondennyi ko ki Naomi, ak kainaikab werikyik aeng’ ko ki Malon ak Kilion, Epratikab Bet-lehem-juda. Kiit emetab Moab, ak kotebe oloto.

RUTH 4:22

ak kisich Obed Jesii, ak kisich Jesi Daudi.

1 SAMUEL 1:19

Ak king’eetyo karon mising’, ak kogutuny eng’ taitab Jehovah, yeityo koweektagei agoi gonywa eng’ Rama: ak kituiyo Elkana ak Hana osotiondennyi, ak kiibwat Jehovah kwonyoto.

1 SAMUEL 17:12

Daudi ko ki weritab Epratindonoto bo Bet-lehem-juda, ne kainennyi ko ki Jesii; ak kitinyei werik sisiit: ak ki boiyot chichoto eng’ betusiekab Saul, kiga koosit eng’ kwenutab bik.

1 SAMUEL 2:11

Ak kiwa Elkana gonnyi eng’ Rama. Ak kiboisiechi lakwet Jehovah eng’ taitab tisiindet Eli.

1 SAMUEL 7:17

Ak kiweekyingei Rama, amu kimi gonnyi yoto; ak kiiruokyi Israel eng’ oloto: ak kiteekyi Jehovah kaptisisiet eng’ yoto.

1 SAMUEL 9:4

Ak kibun emetab tulonokab Epraim, ak kibun emetab Salisa, ago manyor: yeityo kobun emetab Saalim, ak kima komi oloto: ak kibun emetab Benjaminik, ago manyor.

1 SAMUEL 9:5

Kingoit emetab Sup, kolenji Saul otwogindennyi ne kimi tuwai, Nyo keweege; si mabagach kwandanyu kobwat sigirok, ak kobwatech.