1 PETERO 5:5 - BUKUIT NE TILIL

⁵ Ko u noto ak okwek che o mengechen, ogas it boisiek. Ee, ogermenge okwek tugul eng’ kaming’inetab ge si kobiit oboisiechige okwege eng’ okwege: amu kirindoi Jehovah menotik, ak kogochin mieindo che iming’inegei.

Bukuit Ne Tilil

⁵ Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.

BUKUIT NE TILIIL Sireet ne Dutero Kanon

⁵ Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.

1 PETERO 5:5 ပူးပေါင်းရင်းမြစ်များ

2 ATEPTAP PEETUUSYEK 6:41

Ara anyun, ng’eet, ee Jehovah Kamuktaindet, nyo oli imuung’e, inye ak moingetab kimnateng’ung’: ingolaach tisiiguk yetunet, ee Jehovah Kamuktaindet, ak ingoboiboitu biguk che tililen eng’ mieindo.

Kitabuutap JOB 22:29

Ye kiwirjin ng’ony, imwa ile, Ta ang’eete; Ak kosoru inendet chito ne iming’inegei.

Kitabuutap JOB 29:14

Kialaach imanda, ak kitucha: Ki u imandanyu ngoriet ne bo teegisto ak chepkuletab torornatet.

TIENWOGIKAL 132:16

Alaakyini tisiikyik agichek yetunet: Ak kogasgei eng’ kutit ne o eng’ boiboindo chechik che tililen.

TIENWOGIKAL 132:9

Ingolaach tisiiguk imanda; Ak ingogasgei eng’ kutit ne o eng’ boiboindo cheguk che tililen.

TIENWOGIKAL 138:6

Amu agot ngo toror Jehovah, kogeerei ne nyerat: Ago ingen inendet menotiot agot ngo mi ole loo.

KALEWANAIK 25:7

Amu kaigai ngelenjin, Togosu; Kosiir kiming’inin eng’ taitab bounindet, Ne kaigeer.

KALEWANAIK 3:34

Chotei inendet iman chotik, Ago igochin mieindo che iming’ingei.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 61:10

Abaibaitu mising’ eng’ Jehovah, boiboitu sobondanyu mising’ eng’ Kamuktaindennyu; amu kagolaakwa ngoroikab yetunet, kagotugena ngoriet ne bo imanda, ko u ye lelesane sandet kit ne indoi metit, ak ko u ye lelesane mureret sonoekyik.

ISAIAH 66:2

Amu kiyaei eunnyu tuguchuto tugul, ak kibiit anyun tuguchuto tugul, mwaei Jehovah; ago ageni inendet ne banan ak konyerategei eng’ tamirmiriet, ne botani amu ng’olyondennyu.

EZEKIEL 26:16

Kochorgei anyun eng’ ng’echerokwak che bo laitornatet bounik tugul che bo nyanjet, ak koreek ngoroikwak che tabanu barak, ak koreek ngoroikwak che kiginde lelesta: ilaachi botanet; ak kotebe ng’onyut, ak kobotanso sait age tugul ak kokwong’enen.

DANIEL 11:12

Ak ye kagimut tuiyet, koeetgei eng’ muguleldanyi: ak kobar tamanusiekab elfusiek, ago maiterteri.

ATEPTAP LAWIK 19:32

Tononji ne tinyei kalwalek, ak igonyit boiyo, ak iywei Kamuktaindeng’ung’: a Jehovah.

LUKA 22:26

Ago, ma u noto eng’ okwek: ago ingoigei ne o eng’ okwek ne ming’in; ak inendet ne o koigei ne otisiei.

ROMANIK 12:10

Ochamnye eng’ chamnyet ne u ne bo tupchosiek; ingoiit chito age chito age kosiir inendet eng’ teegisto;

ROMANIK 13:14

Ago olach Kiptaiyat Jesu Kristo, amochopchi borto boroindo, si oyai magutikyik.

EPESOEK 5:21

oming’injige ge eng’ kaiyweisietab Kristo.

PILIPIK 2:3

Amoyai kiy age tugul eng’ toiyet, anan eng’ kalosunetab ge, ago eng’ kaming’inetab ge ne bo naet, koiiti chi age tugul chito age kole kaigai kosiir inendet;

KOLOSAIK 3:12

Noto anyun, amu o lewenaikab Jehovah che tililen ak ko o chamanik, olaach muguleldo ne bo rirenetab ge, talasiet, kaming’inetab ge, mutyonet, ak muitaet;

1 TIMOTEO 5:1

Amerasyi boiyo, ago ng’alalji ko u kwanda; murenik ko u che otupche,

HEBRANIK 13:17

Ogas it che indoiywok, ak oming’inityige ichek: amu ripsei agobo sobonwekwok, ko u che tun tetu agobo boisienywa; si kobiit koyai boisionito eng’ boiboiyet, ama eng’ arogenet: amu magelwok kiy eng’ noto.

JAKOBO 4:6

Ago konu mieindo ne tesat. Len anyun, Kirindoi Jehovah che meniotin, ak kogochin mieindo che iming’inegei.

1 PETERO 3:8

Ne bo let anyun, ko oegu tugul che bo kabwatet agenge, che riregei, che chamdos ko u che tupcho, che ng’arng’arge, che iming’inegei:

1 PETERO 4:1

Noto anyun ko u ye kinyalil Kristo eng’ borto, ogermenge anyun eng’ kabwatonato; amu kigitiach eng’ tengekto inendet ne kinyalil eng’ borto;

1 PETERO 4:5

che tun tetyin ng’alek inendet ne chobot koruokyi che soptos ak che kigobek.