1 PETERO 5:4 - BUKUIT NE TILIL

⁴ Ak ye tun took Mestowot ne o, onyoru kutwet ne bo lilindo ne mabetei.

Bukuit Ne Tilil

⁴ Ak ye tuun took Mestowot ne oo, onyooru kuutweet ne po liilindo ne ma petei.

BUKUIT NE TILIIL Sireet ne Dutero Kanon

⁴ Ak ye tuun took Mestowot ne oo, onyooru kuutweet ne po liilindo ne ma petei.

1 PETERO 5:4 ပူးပေါင်းရင်းမြစ်များ

TIENWOGIKAL 23:1

Jehovah mestowondennyu; mararua kiy.

ISAIAH 40:11

Baei kechirekyik ko u mestowot, iyumi eunnyi arekab kechir, ak komute tegennyi, ak kondochi mutyo che aboen.

EZEKIEL 34:23

Ak ande mestowot agenge koyaga ichek, ak kobai ichek, noto ko otwogindennyu Daudi; baei inendet ichek, ak koek mestowondenywa.

EZEKIEL 37:24

Ak koek otwogindennyu Daudi laitoriandenywa; ak konyor ichek tugul mestowot agenge: ak kobendate kiruogutikyuk ak korib ng’atutikyuk ak koyai.

DANIEL 12:3

Ak koluu che ng’omen ko u kakweng’et ne bo barak; ak koluu koigeny ak koigeny ko u kecheik ichek che imutyin che chang’ imanda.

SEKARIA 13:7

Ng’eet, ee rotwetab chok, borie mestowondennyu, borie chito ne kimi tuwai, mwaei Jehovah ne bo lugosiek: bir mestowot, si koiyesta kechirek; ak atokyi eunnyu che mengechen.

JOHANA 10:11

A mestowot ne mie: igoitoi mestowot ne mie sobondanyi agobo kechirek.

1 KORINTOEK 9:25

Ak chi age tugul ne igiilegei eng’ ureriosiek, koribegei eng’ tuguk tugul. Yaei anyun ichek noto si konyor kutwet ne ng’emaksei; ago achek ko ne ma ng’emaksei.

2 TIMOTEO 4:8

koboch nguno ko kagegonorua kutwet ne bo imanda, ne tun kona Kiptaiyat, kiruogindet ne bo imanda, eng’ betunoto: ago ma anege, ago icheget tugul agichek che kigocham toogunennyi.

HEBRANIK 13:20

Ingoyaak Jehovah ne bo kalyet, ne kiimut mestowot ne o ne bo kechirek komong’ eng’ che kibek, eng’ korotik che bo kayomiset ne bo koigeny, inendet Kiptaiyandennyo Jesu,

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

1 PETERO 1:4

ketaach borotet ne ma ng’emaksei, ama tinyei muruonindo, ama betei, ne kigigonoruok eng’ kipsengwet,

1 PETERO 2:25

Amu kiobetooti ko u kechirek; ago kaoweekyigei Mestowot ak ko Ribindetab sobonwekwok.

1 PETERO 5:2

oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

1 JOHANA 3:2

Chamanichu, ki lagokab Jehovah nguno, ak tomo keng’any kit ne tun ki u. Kingen kele, ye tun kaging’any inendet, kegergeitu ak inendet; amu tun kigeere ko u ole u inendet.

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.

NG'ANG'UTYET 2:10

Ameiywei nyalilwogik che negit inyoru: ogeero, machei oindet kotoorji korgoret alak eng’ okwek, si kobiit ketiemak; ak osich nyalilda eng’ betusiek taman. Egu ne kiyani agoi meet, si agonin kutwet ne bo sobondo.

NG'ANG'UTYET 3:11

Anyone achogu: nam mising’ noto itinye, si marebenen chi kutweng’ung’.