1 PETERO 5:2 - BUKUIT NE TILIL

² oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

Bukuit Ne Tilil

² oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

BUKUIT NE TILIIL Sireet ne Dutero Kanon

² oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

1 PETERO 5:2 ပူးပေါင်းရင်းမြစ်များ

2 LAITORINIK 12:6

Ago kingoitei kenyitab tiptem ak somok ne bo laitoriat Jeoas, ko kitomo koteech tisiik ole kiga kobutok eng’ got.

TYENDO NE SIIREI TUGUL 1:8

Ngo mengen, ee inye ne i kararan isiir tibik tugul, Ui isub merendusiekab akwetab kechirek, Ak iyage areguk che bo ng’oror eng’ ole negite emaisiekab mestowek.

ISAIAH 40:11

Baei kechirekyik ko u mestowot, iyumi eunnyi arekab kechir, ak komute tegennyi, ak kondochi mutyo che aboen.

ISAIAH 56:11

Ee, kipkein sesenik, mabiyong’dos agoi; ak chuto ko mestowek che maiguitos kiy: kigomasta tugul kosub orenywa, kigosub chi tugul keljinennyi, eng’ komosta age tugul.

ISAIAH 6:8

Ak kiagas kutitab Kiptaiyat kolen, Ayokte ng’o, ng’o ne wendi agobo achek? Kiale anyun, Ami yu; iyokta.

ISAIAH 63:11

Kiibwat anyun betusiek che bo keny, Musa, ak bikyik, kole, Mi ano inendet ne kiimut ichek kolong’une nyanjet koboto mestowek che bo akwennyi? Mi ano inendet ne kiinde Tamirmiriennyi ne tilil kwenunywa,

JEREMIA 13:17

Ago ngot ko mogas ng’olyondonito, korirei sobondanyu eng’ ung’ot agobo menoteng’wong’; ak arir mising’, kot koba beekab kong’, amu kageluul kechirekab Jehovah.

JEREMIA 13:20

Oyot met, ak ogeer ichek che bunu murot ne bo katam: mi ano kechirek che kigigonin, kechireguk che kororon?

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

EZEKIEL 34:23

Ak ande mestowot agenge koyaga ichek, ak kobai ichek, noto ko otwogindennyu Daudi; baei inendet ichek, ak koek mestowondenywa.

EZEKIEL 34:31

Ak okwek, kechirekyuk, che o kechirekab akwennyu, ko o bik, ak a Kamuktaindeng’wong’, mwaei Kiptaiyat Jehovah.

EZEKIEL 46:24

Kilenja anyun, Chuto gorik che kiyoise, ole iyoe kiboitinikab got kagochinoikab bik.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MIKAH 5:4

Ak kotonon kobai akwennyi eng’ kimnatetab Jehovah, eng’ telunatetab kainetab Jehovah Kamuktaindennyi: ak kotebi; amu eetu koboch nguno agoi tabanwekab ng’ony.

MIKAH 7:14

Iyage biguk eng’ kiroktang’ung’, akwetab boroteng’ung’, che meng’isiei ichegei, eng’ osnet ne mi kwenutab Karmel: ingoagetyo eng’ Basan ak Gilead, ko u betusiek che bo keny.

SEKARIA 11:17

Bwa mestowot ne matilei kiy ne bagaktoi akwet! Ing’ururi rotwetab chok eunnyi ak kondanyi ne bo tai: yaamei eunnyi, ak kogor kondanyi ne bo tai.

MALAKI 1:10

Kata kaigai nda kami chi eng’ okwek ne kerei kurgotik, si molaal mat eng’ kaptisisiennyu buch! Maabaibai eng’ okwek, agot kitigin, mwaei Jehovah ne bo lugosiek, amataache kagochinet ne bunu eunekwok.

KAITOSYEK 18:7

Ak orib inye ak weriguk tiseinateng’wong’ agobo kiy age tugul ne bo kapkorusut, ak che bo choto mi anget ne kigioye, orit; ak oboisie: kagonok tiseinatet koek boisietab konunet: ak kibarei kipsagarin ne rikyin.

LUKA 12:32

Amoiywei, okwek akwet ne ming’in; amu baibai Kwandang’wong’ kogonok bounatet.

POISYONIGAP CHE KIYOKTOI 20:29

Angen ale ye kaawe komong’jok suik che koromen, ama rire akwet:

POISYONIGAP CHE KIYOKTOI 21:13

Kowol Paulo kole, Oyae nee, orirtosi ak obare muguleldanyu? Amu a chobot, ma kerata kityo, ago ame eng’ Jerusalem agobo kainetab Kiptaiyat Jesu.

ROMANIK 1:15

Noto anyun, ko u ye amuchi, ko a chobot aamwok logoiywek che miach ak okwek che omite Rom.

1 KORINTOEK 9:7

Tos ng’o askarindet ne boisie tugukyik? Ng’o ne minei logoek, ne maamei logoekyik? Anan ng’o ne iyagi akwet, ama luei chego che bo akwet?

1 TIMOTEO 3:3

ne ma kimaiya, ne ma birisiei; ago ne tala, ne ma chi ne bo boriot, ne machamei siling’isiek;

1 TIMOTEO 3:8

Ko u noto kiboitinikab kaniset kanyol kotebi eng’ teegisto, ma che bo ng’elyebwek aeng’, ama che bogitos, ama che kasei miat agobo siling’isiek;

TITO 1:11

che kanyol keger kutuswekwak; che itarng’anyi go komugul, koneti tuguk che kama konyolu amu magornatetab tewernatet.

TITO 1:7

Amu kanyolji ribindetab kaniset koek chi ne matinyei lelut, inendet ne ribindetab boisietab Jehovah; ma ne isubi magennyi, ne ma sib konerechi, ne ma kimaiya, ne mabirisiei, ne ma ting’e keiyandit magornatetab tewernatet;

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

TITO 3:1

Ibwatyi ichek koming’injigei bounik, ak bounatosiek, kogas it, kochobogis eng’ boisiet age tugul ne mie,

PILEMON 1:14

ago ma amach ayai kiy kotom agas kit ne ibwati; si mabun mieindang’ung’ torjinet, ago chamdaeng’ung’.

HEBRANIK 12:15

ogeer si marartae chi mieindab Jehovah; si mabiit tigitiotab ng’wanindo ak konyalilis, ak komuruon che chang’;

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.