1 PETERO 4:3 - BUKUIT NE TILIL

³ Amu kigoyam betusiek che kigosiirto kosulda magetab Bororiosiek, ye kiobendoti eng’ magutik che yaachen, ak kasetab miat, eetab maiyek, ak wasang’natet, ak saetab kanamonik che etei ng’atutik:

Bukuit Ne Tilil

³ Amu ki koyam peetuusyek che ki kosiirto kosulda mageetap Pororyosyek, ye ki obendoti eng' maguutik che yaacheen, ak kasetap myat, pogitatet, ak waseetapkei, eiseet ak saaetap kanamonik che etei ng'atuutik:

BUKUIT NE TILIIL Sireet ne Dutero Kanon

³ Amu ki koyam peetuusyek che ki kosiirto kosulda mageetap Pororyosyek, ye ki obendoti eng' maguutik che yaacheen, ak kasetap myat, pogitatet, ak waseetapkei, eiseet ak saaetap kanamonik che etei ng'atuutik:

1 PETERO 4:3 ပူးပေါင်းရင်းမြစ်များ

2 SAMUEL 13:28

Ak king’at Absalom otwogik kolenji, Ogeero, ye kagobaibait muguleldab Amnon eng’ maiyek; ko, ye alenjok, Okwer Amnon, obar anyun inendet, mat oiywei. Ma ane ne kang’atak? Ogimegitu ak onyiganitu.

1 LAITORINIK 21:26

Ak kiyai tuguk che kiwechei mising’ eng’ kasubetab kanamonik, ko u tuguk tugul che kiyaei Amorik, che kion Jehovah eng’ taitab lagokab Israel.)

2 ATEPTAP PEETUUSYEK 15:8

Ak kingogas Asa ng’alechuto, ak maoinatetab maotiot Obed, konyiganit, ak koisto tuguk che kiwechei eng’ emet tugul ne bo Juda ak Benjamin, ak eng’ nganasok che kiga koreb eng’ emetab tulonokab Epraim; ak kiteech kogeny kaptisisietab Jehovah, ne kimi taitab keterutab Jehovah.

ISAIAH 28:7

Ago kigochilil chuto agichek amu divaik, ak kigomasta amu maiyek; kigochilil tisiindet ak maotiot amu maiyek, kigomaluuch divaik ichek, kigomasta amu maiyek; ichiliili eng’ ng’ang’utiet, ibutos eng’ kiruoget.

ISAIAH 5:11

Bwa eng’ ichek che ng’eetos karon mising’, kocheng’at maiywek; che eeisei agoi kemoi kwen, kot kobogityo mising’!

ISAIAH 65:4

che teebote kererisiek, ak komenyei komoswek che bo ung’ot; che amei banyekab torok, ak mi terenikwak sutekab tuguk che kiwechei.

JEREMIA 16:11

Ilenji anyun ichek, Amu kigometa kwanisiekwok, mwaei Jehovah, ak kosubot kanamonik che ter, ak koot ak kolos, ak kometa, ama rib ng’atutikyuk;

JEREMIA 16:18

Ak ayaaktochini korok yaitienywa ak tengektanywa konyil aeng’; amu kigong’wanit ichek emennyu eng’ muswekab tugukwak che samis, ak kigonyiit borotennyu tugukwak che kiwechei.

EZEKIEL 44:6

Ak imwachi ngeleliot, gotab Israel, ilenji, Mwaei Kiptaiyat Jehovah ko u ni kole: Ee, okwek gotab Israel, tugukwok tugul che kiwechei, ko ingoyamak,

EZEKIEL 45:9

Mwaei Kiptaiyat Jehovah ko u ni kole: Ingoyamak noto, ee bounikab Israel: oiste koromnatet ak ng’emisiet, ak oyai kiruoget ak imanda; oiste yaakset ne oyaache bikyuk eng’ kimnatet, mwaei Kiptaiyat Jehovah.

MARIKO 7:22

kasetab miat, yaitiet, ng’alset, maget ne ya, kong’ ne ya, ng’alek che yaach, menotet, ak berberindo:

POISYONIGAP CHE KIYOKTOI 17:30

Kima mage kiy anyun Jehovah betusiek che kima komi naet; ago kang’at nguno kole kosik bik tugul eng’ komosta age tugul:

ROMANIK 13:13

Ongebendoti ko u ye nyolu, ko u bet; ma eng’ wasang’natet anan bogitet, ma eng’ sokset anan maget ne ya, ma eng’ boriet ak ng’etkong’.

1 KORINTOEK 12:2

Ongen ole kingota ko o Bororiosiek, ko kigiretok obe oldab kanamonichoto che matwegu, ko u ye kigindoiywok.

1 KORINTOEK 6:11

Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

2 KORINTOEK 12:21

si ye tun anyo kogeny, ko maiming’ina Jehovah nenyu eng’ taing’wong’, ak arir agobo che chang’ eng’ ichek che kiyai tengekwogik koboch yoto, ama sik eng’ simdo ak sokset ak maget ne ya agobo tuguk che yaach che kiyai ichek.

GALATYEK 5:19

Toogunotin anyun boisionik che bo borto, choto ko chu: sokset, simdo, maget ne ya agobo tuguk che yaach,

GALATYEK 5:21

kong’ ne ya, bogitosiek, keiyandisiek, ak alak che u choto: kasib ateeywok agobo chu, ko u ye kisib ateeywok, ale icheget che yaei tuguk che u chuto ko manyoru bounatetab Jehovah.

EPESOEK 5:18

Amat obogitye eng’ maiyek, che ibu maget ne ya, ago ingonyiiak Tamirmiriet;

1 THESSALONIKEK 4:5

ma eng’ maget ne bo kasetab miat, agot ko u Bororiosiek che maingen Jehovah;

TITO 3:3

Amu kigi berberen agachek keny, kima kegase it, kigiberberech, keote magutik che terotin ak ureriosiek, ketebye eng’ yaitiet ak ng’etkong’, kigi che kiwechei ak kewechege.

1 PETERO 1:14

ko u lagok che kase it, amoyaniege magutikwok che bo tai eng’ betusiek che ki bo berberindang’wong’:

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.