1 PETERO 4:18 - BUKUIT NE TILIL

¹⁸ Ak ngot ko bichii kesor chi ne bo imanda, ko tun koegu nee eng’ ne ma bo imanda ak kiptengekyot?

Bukuit Ne Tilil

¹⁸ Ak ngot ko pichiy kesar chii ne po imanda, ko tuun koegu nee eng' ne ma po imanda ak kiptengekyot?

BUKUIT NE TILIIL Sireet ne Dutero Kanon

¹⁸ Ak ngot ko pichiy kesar chii ne po imanda, ko tuun koegu nee eng' ne ma po imanda ak kiptengekyot?

1 PETERO 4:18 ပူးပေါင်းရင်းမြစ်များ

TAUNET 13:13

Ago ki yaachen bikab Sodom, ak ki kiptengeginik mising’ kosiir, eng’ taitab Jehovah.

KALEWANAIK 11:31

Keero, kigeerjin ne bo iman eng’ ng’ony: Kotam nee anyun chito ne ya ak kiptengekyot!

JEREMIA 25:29

Amu, ogeero, atau ayae yaitiet eng’ nganaset ne kimwaitoe kainennyu, ko tos otebi ama kibirok iman? Mochilile biret: amu aguurjini rotwetab chok bik tugul che menyei ng’ony, mwaei Jehovah ne bo lugosiek.

EZEKIEL 18:24

Ago ye week ne bo iman kometo imandanyi, ak koyai tengekto, ak koyai ko u tuguk tugul che kiwechei che yaei chito ne ya, ko tos sob? Magibwati agot agenge eng’ boisionikyik che bo iman che kigoyai: meei amu kachililutiennyi ne kigoyai, ak amu tengektanyi ne kigoyai.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

LUKA 15:1

Ak kirikyi inendet taagikab aisurut tugul ak kiptengeginik si kobiit kogas inendet.

LUKA 23:31

Amu ngot koyai tuguchu eng’ ketit ne tuon, koteptoi ano anyun eng’ ne yaamat?

POISYONIGAP CHE KIYOKTOI 14:22

kogimitoti sobonwekab alamalyet, kogiili koba tai eng’ kayanet, ak kolenji, kanyol keit bounatetab Jehovah eng’ nyalilwogik che chang’.

POISYONIGAP CHE KIYOKTOI 27:24

kole, Ameiyweisie, Paulo; kanyol itonon eng’ taitab Kaisari: ak keero, kagogonin Jehovah tugul che obendi tugul eng’ melit.

POISYONIGAP CHE KIYOKTOI 27:31

kolenji Paulo kiptaiyatab bogol ak askarik, Ngot ko matebi bichu eng’ melit, ko momuchi osopche.

ROMANIK 1:18

Amu kigeng’any neregekab Jehovah kobun kipsengwet agobo bistoet tugul ak yaitiet tugul ne bo bik, che kirindoi imanit eng’ yaitiet;

ROMANIK 5:6

Amu ye kita ko ki nyalulyotin, kome Kristo agobo che yaachen eng’ betut ne kiga kelewen.

ROMANIK 5:8

Ago iboruech achek Jehovah chamnyennyi, amu ye kita ko ki kiptengeginik, kome Kristo agobo achek.

1 KORINTOEK 10:12

Noto anyun ingoripgei si maibut, inendet ne ibwati kole tononi.

1 TIMOTEO 1:9

kongen kole kima kiyai Ng’atutiet agobo chi ne bo imanda, ago agobo bistoik ak ng’emik, agobo che yaachen ak kiptengeginik, agobo che ma tililen ak che maiywei Jehovah, agobo che barei kwanisiek ak che barei kametisiek agobo rumik,

HEBRANIK 4:1

Ongiywei anyun yo ta komi arorutiet ne keite kamuung’ennyi, si malen chi age tugul eng’ okwek, mata anyoru.

JAKOBO 5:6

Kioruokyi, ak kiobar chitab imanda; ama kirindook.

1 PETERO 5:8

Oripge, oripse: amu wendoti bunyondeng’wong’ oindet, ko u ng’etundo ne boriseni, kocheng’ei ne amei:

2 PETERO 3:7

ago kipsengwetisiek ak ng’onyut che bo nguno, ko kigigonorji mat eng’ ng’olyondonoto, kogonor agoi betutab kiruoget ak ng’emisietab bik che maiywei Jehovah.

JUDA 1:15

konyo koyachi kiruoget tugul, ak koruokyi tugul che maiywei Jehovah eng’ boisionikwak tugul che yaachen che kigoyai ko maiywei Jehovah, ak ng’alekwak tugul che uuen che kimwa kiptengeginik che maiywei Jehovah, agobo inendet.

1 SAMUEL 15:18

ak kiiyokten Jehovah iwe banda, ak kole, Ui ak ibar Amalegik, kiptengeginicho igesu, ak obarge ak ichek kot kogesgei.