1 PETERO 4:17 - BUKUIT NE TILIL

¹⁷ Amu kagoit betut ne kitaune kiruoget gotab Jehovah: ak ngot ketaunenech achek, kotam nee kagesunetab ichek che magase it logoiywek che miach che bo Jehovah?

Bukuit Ne Tilil

¹⁷ Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

BUKUIT NE TILIIL Sireet ne Dutero Kanon

¹⁷ Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

1 PETERO 4:17 ပူးပေါင်းရင်းမြစ်များ

ISAIAH 10:12

Noto anyun ye tun kagoyai Kiptaiyat boisiennyi komugul eng’ tulwetab Sion ak eng’ Jerusalem, abir anyun logoekab menotetab muguleldo ne bo laitoriatab Asuria, ak torornatetab kachaunennyi bo ge.

JEREMIA 25:29

Amu, ogeero, atau ayae yaitiet eng’ nganaset ne kimwaitoe kainennyu, ko tos otebi ama kibirok iman? Mochilile biret: amu aguurjini rotwetab chok bik tugul che menyei ng’ony, mwaei Jehovah ne bo lugosiek.

JEREMIA 49:12

Amu mwaei Jehovah ko u ni kole: Ogeero, eeisei iman che kima ko nenywa koeeise kikombet; ak tos i ne chilili si ma kibirin? Mechilili, kibirin, ago iee iman.

EZEKIEL 9:6

obar ogesu boiyo, muren, chepto, ak lagok che mengechen, ak kwonyik: ago amat orikyi chi age tugul ne kiging’och; ak otaune oldanyu ne tilil. Kitaune anyun boisiek che kimi taitab got.

AMOS 3:2

Okwege kityo che angen eng’ ortinwek tugul che bo ng’ony: aiitwok anyun biret amu tengekwogikwok tugul.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

LUKA 23:31

Amu ngot koyai tuguchu eng’ ketit ne tuon, koteptoi ano anyun eng’ ne yaamat?

ROMANIK 1:1

Paulo, otwogindetab Jesu Kristo, ne kigiguur koek ne kiyoktoi, ne kigitabanji logoiywek che miach che bo Jehovah,

ROMANIK 2:9

nyalilda ak bichiindo, eng’ sobondab chi age tugul ne yaei yaitio, ne bo Yahudiot korok, ak ne bo Yunanindet agine;

GALATYEK 3:1

Ee Galatiechu berberen, ng’o ne kibanak, okwek che kiginde Jesu Kristo taitab konyekwok kotook kele kigigartat?

GALATYEK 5:7

Kioruae komie; ng’o ne koranyak si mogas it imanit?

GALATYEK 6:10

Noto anyun, ko u ye kitinye boroindo, ko ongeyachi bik tugul ne mie, ago ne siirei ko icheget che bo gotab kayanet.

2 THESSALONIKEK 1:8

eng’ mat ne lalei, koyaakyi mugetut icheget che ma nai Jehovah, ak ichek che magase it logoiywek che miach che bo Kiptaiyandennyo Jesu:

1 TIMOTEO 3:15

ago ngot agage, imuchi inai ole kanyol kotepto bik eng’ gotab Jehovah, noto kanisetab Jehovah ne sobei, toloita ak irimetab imanit.

HEBRANIK 11:8

Kigas it Abraham eng’ kayanet ye kingeguur, ak kimanda kwo, ko maingen ole wendi, kwo komosta ne tun taachei koek borotet.

HEBRANIK 2:2

Amu ngo tononot ng’olyot ne kigimwau eng’ malaikaisiek ak kigonyor bistoet age tugul ak ngelelnatet melekto ne kageerjinet ne bo imanda;

HEBRANIK 2:4

ak kibaoriani agine Jehovah koboto icheget, eng’ kaborunoik ak kwong’utik, ak eng’ kamugosiek che terotin, ak eng’ kagoitaosiekab Tamirmiriet ne Tilil, ko u magennyi.

HEBRANIK 3:6

ago Kristo ko u werit, ne bou gonnyi; achek gonnyi, ngenam mising’ nyiganatennyo ak torornatetab kamang’unennyo agoi kagesunet.

HEBRANIK 5:9

ak kingo kageyai koek ne igesunotgei, koek inendet ne kitaunegei yetunet ne bo koigeny eng’ ichek tugul che kase it inendet;

1 PETERO 2:5

ak okwek, che o koik che soptos, kiteechok oegu gotab tamirmiriet, oegu che boisiei eng’ tiseinatet ne tilil, si ogoite korosekab tamirmiriet, che taachaksei eng’ Jehovah eng’ Jesu Kristo.

1 PETERO 2:8

ak ko, Koita ne inachi bich, ak ko ruandet ne riichei bich; amu kinachi ichek eng’ ng’olyot, amu magase it: kiginde ichek agobo noto.