1 PETERO 4:14 - BUKUIT NE TILIL

¹⁴ Ngechurok eng’ kainetab Kristo, ko oboiboi; amu tebenok Tamirmirietab lilindo ne Tamirmirietab Jehovah.

Bukuit Ne Tilil

¹⁴ Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.

BUKUIT NE TILIIL Sireet ne Dutero Kanon

¹⁴ Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.

1 PETERO 4:14 ပူးပေါင်းရင်းမြစ်များ

1 LAITORINIK 10:8

Boiboi biguk, boiboi otwogichuguk, chu tonondos eng’ taing’ung’ kotugul, ak kogasei ng’omnateng’ung’.

2 LAITORINIK 2:15

Ak kingogeer werikab maotik che kimi Jeriko ko katokyigei inendet, kole, Tebe tamirmirietab Elija Elisha. Ak kiba kotorokta inendet, ak kong’uruk kot koit ng’ony eng’ tainnyi.

TIENWOGIKAL 146:5

Baibai inendet ne tinyei Kamuktaindetab Jakobo ne toretennyi, Ne mi kamuung’ennyi Jehovah Kamuktaindennyi:

TIENWOGIKAL 49:9

Si kobiit kosob inendet agoi, Si mageer ng’emisiet.

TIENWOGIKAL 89:51

Noto ne kigogerisie kong’ buniguk, ee Jehovah, Che kigogerate kong’ kakwautikab neng’ung’ ne iilat.

ISAIAH 11:2

ak kotebe inendet Tamirmirietab Jehovah, tamirmirietab ng’omnatet ak kaguiyet, tamirmirietab kiruoget ak kimnatet, tamirmirietab naet ak kaiyweisiet ne kiywei Jehovah.

ISAIAH 25:8

Kigolugui inendet meet koigeny; ak tun ibuchi Kiptaiyat Jehovah beekab kong’ eng’ togochik tugul; ak koisto tewernatetab bikyik eng’ ng’ony komugul: amu kagomwa Jehovah nito.

ISAIAH 51:7

Oepcha it, okwek che ongen imanda, bik che mi ng’atutiennyu mugulelwekwak: amoiywei chotisietab bik, amoarogense amu churisiosiekwak.

MATAYO 5:11

Oboiboi ye churok bik, ak ye usausok, ak ye mwaitaenak yaitiet age tugul kong’ochok agobo ane.

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

LUKA 6:22

O boiboen okwek, ye wechok bik, ak kobesienogei, ak kochurok, ak kowirta kaineng’wong’ kole ya, agobo Weritab chi.

JOHANA 15:21

Ago yaiywok tuguchu tugul agobo kainennyu, amu ma nai inendet ne kiiyokwa.

JOHANA 8:48

Kowolji anyun Yahudik kolenji, Magimwae achek iman kele, I Samarindet, ak itinye oindet?

JOHANA 9:28

Ak king’emji kut inendet kole, I alamalyennyi so? Ago ki alamalyetab Musa achek.

JOHANA 9:34

Kowolji inendet kolenji, Kigisikten iman tengekwogik, ak inetech? Ak kitoorta inendet kwo sang’.

POISYONIGAP CHE KIYOKTOI 13:45

Ago ye kingogeer Yahudik tuiyosiek, koam ng’et kong’, ak koesio eng’ kimnatet ng’alek che kimwaei Paulo, ak komwa ng’alek che yaachen kochubis.

POISYONIGAP CHE KIYOKTOI 18:6

Ak ye kingogirindagei ak inendet, ak komwa ng’alek kochubis, koleglekta ngoriennyi, ak kolenji, Ingotebi korotikwok eng’ metowekwok; a tilil ane: koboch nguno ko kawe oldab Bororiosiek.

POISYONIGAP CHE KIYOKTOI 28:22

Ago kimache kegasenen kiy ne ibwati: amu kigonaak eng’ achek kele kimwaoti ne ya agobo bitonito eng’ komosta age tugul.

POISYONIGAP CHE KIYOKTOI 5:41

Koba anyun eng’ taitab kapkiruok koboiboi amu kagiit kele nyoljin konyor katewerisiet agobo Kainanato.

2 KORINTOEK 12:10

Noto anyun, abaibai eng’ nyalulnatosiek, eng’ ng’woninwek, eng’ kagiigosiek, eng’ usisiosiek, eng’ tiritinwek, agobo Kristo: amu ye a nyalulat, ko yoto anyun ye a kim.

2 KORINTOEK 4:10

kiiboti kotugul eng’ borto meetab Jesu, si kobiit kong’ang’ak agine sobondab Jesu eng’ borwekyok.

2 KORINTOEK 4:16

Noto anyun, mameech mugulel; ago agot ngo ng’emak chinnyo ne bo barak, kewalei chinnyo ne bo orit kileeliti betut age tugul.

GALATYEK 1:24

ak kiitoror ichek Jehovah eng’ ane.

HEBRANIK 11:26

koiit tewernatet ne kiteweri Kristo kole magornatosiek che eechen kosiir konoraik che bo Misri: amu kiigeni melekto.

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

JAKOBO 5:11

Ogeero, kiguure che kimuita che boiboen: kiogas agobo muitaetab Job, ak kiogeer kit ne kiyai Kiptaiyat eng’ let, ole nyiitat rirenet Kiptaiyat, ak koriregei.

1 PETERO 2:12

okwek che otinye atebet ne nyolu eng’ kwenutab Bororiosiek: si nganda itaamok ko u yaikab yaitio, kotoror Jehovah eng’ betutab rutochinet eng’ boisionikwok che miach che keerei.

1 PETERO 3:14

Ago ngot onyalili agobo imanda, ko o boiboen: amoiywei kamuisenywa, anan oiimge:

1 PETERO 3:16

otinye kabwatet ne mie; si ye kitaamok, kigochin kolilan ichek che mwaitae ng’alek che yaach atebeng’wong’ ne mie eng’ Kristo.

1 PETERO 4:16

ago nginyalil chi amu Kristianindet, ko mat kolilan; ingotoror Jehovah eng’ kainanito.

2 PETERO 2:2

Ak isubi bik che chang’ magutikwak che yaachen; kimwaitoe ne ya oretab imanit amu ichek.