1 PETERO 4:13 - BUKUIT NE TILIL

¹³ ago oboiboitu, ko u ye o yamdoikab nyalilwogikab Kristo; si tun oboiboitu eng’ boiboiyet ne o eng’ ng’ang’etab lilindanyi agine.

Bukuit Ne Tilil

¹³ ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

BUKUIT NE TILIIL Sireet ne Dutero Kanon

¹³ ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

1 PETERO 4:13 ပူးပေါင်းရင်းမြစ်များ

ISAIAH 25:9

Ak tun kimwaei eng’ betunoto kele, Ogeero, nito ko Kamuktaindennyo; kigigen inendet, ak soruech inendet: nito ko Jehovah; kigigen inendet, kigasige ak keboiboitu eng’ yetunennyi.

ISAIAH 35:10

ak koweek bikab Jehovah che kigitiach, ak kobwa Sion kotienonu; ak kotebe baragunywa boiboiyetab koigeny: nyoru kagasetab ge ak boiboiyet, ak komwei arogenet ak tigenoik.

ISAIAH 51:11

Ak koweegegei che bo Jehovah che kigitiach, ak kobwa Sion kotienonu; ak tebe metowekwak boiboiyetab koigeny: nyoru kagasetab ge ak boiboiyet, ak komwei arogenet ak tigenet.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

MATAYO 25:21

Kilenji kiptaiyandennyi, Kiiyai ne mie, otwogindoni mie ak ne kiyani: koiegu ne bo iman eng’ tuguk che ng’ering’, kandein ibou tuguk che chang’: mong’ji anyun boiboiyetab kiptaiyandeng’ung’.

MATAYO 25:23

Kilenji kiptaiyandennyi, Kiiyai ne mie, otwogindoni mie ak ne kiyani; koiegu ne bo iman eng’ tuguk che ng’ering’, kandein ibou tuguk che chang’: mong’ji anyun boiboiyetab kiptaiyandeng’ung’.

MATAYO 25:31

Ago ye nyo Weritab chi eng’ torornatennyi, koboto malaikaisiek tugul, kotebe anyun ng’echeretab torornatennyi:

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

MATAYO 5:12

Oboiboitu, ak ogasge mising’: amu o melektang’wong’ eng’ kipsengwet: amu kigiusaus ko u noto maotik che kiindounenok.

MARIKO 8:38

Amu age tugul ne ililani agobo ane koboto ng’alekyuk eng’ ibinita bo sokset ak tengek, ko tun ililanjin agine Weritab chi inendet, ye tun nyonei eng’ lilindab Kwandanyi koboto malaikaisiek che tililen.

LUKA 17:30

u noto eng’ betut ne kiboru Weritab chi.

POISYONIGAP CHE KIYOKTOI 16:25

Ago kisaei Paulo ak Sila ak kotienjin Jehovah tienwogik olo bo kemoi kwen, ak kiepchin it ichek kimonjororinik;

POISYONIGAP CHE KIYOKTOI 5:41

Koba anyun eng’ taitab kapkiruok koboiboi amu kagiit kele nyoljin konyor katewerisiet agobo Kainanato.

ROMANIK 5:3

Ak ma u noto kityo, ago ongeboiboitu eng’ nyalilwogikyok: kingen kele ibu nyalilda muitaet;

ROMANIK 8:17

ak ngo ki lagok, ko ki che bunjinech tuguk; che bunjinech tugukab Jehovah, ak che bunjinech tuguk koboto Kristo; ngot kenyalildosi koboto inendet, si kitororech koboto inendet.

ROMANIK 8:18

Amu aiiti ale nyalilwogik che bo betusiechu ko ma nyolu kiroge torornatet ne tun king’ang’wech.

2 KORINTOEK 1:5

Ko u ye katesak eng’ achek nyalilwogik che bo Kristo, ko u noto katesak kagaigaennyo eng’ Kristo.

2 KORINTOEK 1:7

ak lumdaat kamang’unennyo agobo okwek; kingen kele, ko u ye o yamdoik che bo nyalilwogik, ko u noto o yamdoik che bo kagaigaet.

2 KORINTOEK 4:10

kiiboti kotugul eng’ borto meetab Jesu, si kobiit kong’ang’ak agine sobondab Jesu eng’ borwekyok.

2 KORINTOEK 4:17

Amu bichiindanyo ne nyamnyum, ne matebyei, koyaiywech torornatet ne o ne bo koigeny, ne tesoksei mising’ kosiir;

PILIPIK 3:10

si kobiit anai inendet, ak kamuktaet ne bo ng’eetyennyi, ak yamdaet ne bo nyalilwogikyik, kirogendoena meennyi;

KOLOSAIK 1:24

Abaibai anyun nguno eng’ nyalilwogikyuk agobo okwek, ak anyiiti eng’ komostanyu noto ne rarunot agobo nyalilwogikab Kristo eng’ bortanyu agobo bortanyi, noto kaniset;

2 TIMOTEO 2:12

ngemuite, ko tun kibou koboto inendet: ngot keesie inendet, ko tun esioech agine:

1 PETERO 1:13

Eng’ noto anyun ogermen suenutikab kabwatutikwok, oripge ak omang’u eng’ kagesunetab ge mieindo ne tun kiibwok eng’ ng’ang’etab Jesu Kristo;

1 PETERO 2:21

Amu kigiguurjok nito: amu kinyalil Kristo agine agobo okwek, kobagakwok kaborunet, si kobiit osub tiegutikyik:

1 PETERO 5:1

Ateechini mising’ boisiek che mi kwenung’wong’, anendet ne a boiyot ko u ichek, ak a baoriatab nyalilwogikab Kristo, ne kiyamdoi torornatet ne tun king’anyei:

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.

JUDA 1:24

Ingobunji anyun nguno inendet ne imuchi koribok si mobutye, ak kondeak taitab torornatennyi eng’ boiboiyet ne o ko motinye tisia,

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.