1 PETERO 3:4 - BUKUIT NE TILIL

⁴ ago ingoek chito ne ung’at ne bo muguleldo, eng’ lelesta ne ma ng’emaksei ne bo tamirmiriet, ne tala ak kosisei, ne eng’ taitab Jehovah ko bo kamanutiet ne o.

Bukuit Ne Tilil

⁴ ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

BUKUIT NE TILIIL Sireet ne Dutero Kanon

⁴ ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

1 PETERO 3:4 ပူးပေါင်းရင်းမြစ်များ

TIENWOGIKAL 131:2

Kiabirge iman ak agochi sobondanyu kosis; Ko u lakwet ne kaluge kamet, U sobondanyu lakwet ne kagiluge.

TIENWOGIKAL 147:6

Tiiei Jehovah che iming’inegei: Ago chooru kiptengeginik kobwa ng’ony.

TIENWOGIKAL 149:4

Amu baibai Jehovah eng’ bikyik: Igororoni eng’ yetunet che iming’inegei.

TIENWOGIKAL 25:9

Indochin che taloen eng’ kiruoget: Ak ineti che taloen orennyi.

TIENWOGIKAL 45:13

Tinyei cheptab laitoriat teegisto mising’ eng’ go: Kiginapchi ngoroikyik tahabu.

TIENWOGIKAL 51:6

Keero, imache imanit eng’ kebeberwek che bo orit: Ak ineta ng’omnatet eng’ ole ung’at.

ISAIAH 11:4

ago iruoksechin kibananok eng’ imanda, ak koger kong’ che taloen che bo ng’ony eng’ imanda: ak kobir ng’onyuni eng’ kiroktab kutinnyi, ak kobare kiptengeginik kabusennyi.

ISAIAH 29:19

Tesei kogeny boiboiyenywa eng’ Jehovah, bik che iming’inegei, ak koboiboitune bik che bonon, Inendet ne Tilil ne bo Israel.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 61:1

Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

JEREMIA 51:59

Ni ng’olyot ne king’atyi maotiot Jeremia Seraia weritab Neria, weritab Maseia, ye kibendi Babulon koboto Sedekia, laitoriatab Juda eng’ kenyitab ang’wan ne bo laitornatennyi. Ki ribindet ne o Seraia eng’ gotab laitoriat.

MATAYO 11:29

Otiiny kaat choginnyu ak onetenage; amu a tala ak aming’inige eng’ muguleldo: si osich kamuung’et eng’ sobonwekwok.

MATAYO 21:5

Omwachi cheptab Sion, Keero, nyonjinin Laitoriandeng’ung’, Ne tala, ak kolong’onu sigiriet, Ak moitab sigiriet, barnotiot.

MATAYO 23:26

Inye Parisaindet ne korat, itilil korok kikombet ak sanit orit, si kobiit kotililitu barak agichek.

MATAYO 5:5

Boiboen che taloen: amu tun bunjin ng’ony.

LUKA 11:40

Okwek che o berber, inendet ne kiyaei sang’ ko ma ne kiyaei orit agine?

LUKA 16:15

Ak kilenji, Okweget che omieitige eng’ taitab bik; ago ingen Jehovah mugulelwekwok: amu kit ne itorori bik ko wegot mising’ eng’ taitab Jehovah.

ROMANIK 1:23

ak kowal torornatetab Jehovah ne ma ng’emaksei kogergeit ak itondab chito ne ng’emaksei, ak ne bo taritik, ak tiong’ik che bo kelyek ang’wan, ak tuguk che ichuutegei.

ROMANIK 2:29

ago Yahudiot inendet ne Yahudiot eng’ orit; ak kamuratanet ko noto bo muguleldo, eng’ tamirmiriet, ma eng’ siret; ne kalosunennyi ko ma bo bik, ago bo Jehovah.

ROMANIK 6:6

kingen ni, kele kigigartat chinnyo ne bo keny koboto inendet, si kong’emak bortab tengek, si mata koratech tengekto kogeny.

ROMANIK 7:22

Amu abaibai eng’ Ng’atutietab Jehovah eng’ chito ne bo orit:

2 KORINTOEK 10:1

Asomok anyun ane Paulo eng’ talasiet ak mutyonetab Kristo, ane ne ming’in ye ami kobotok eng’ kwenung’wong’, ago ye mami kobotok atinye nyiganatet:

2 KORINTOEK 4:16

Noto anyun, mameech mugulel; ago agot ngo ng’emak chinnyo ne bo barak, kewalei chinnyo ne bo orit kileeliti betut age tugul.

GALATYEK 5:23

kaming’inetab ge, ribetab ge: mami ng’atutiet ne esioi chuto.

EPESOEK 4:2

eng’ kaming’inetab ge tugul ak mutyonet, koboto muitaet, omuitochinige eng’ chamnyet;

KOLOSAIK 3:12

Noto anyun, amu o lewenaikab Jehovah che tililen ak ko o chamanik, olaach muguleldo ne bo rirenetab ge, talasiet, kaming’inetab ge, mutyonet, ak muitaet;

KOLOSAIK 3:3

Amu kiobegu, ak kigiuny sobonwekwok koboto Kristo eng’ Jehovah.

1 THESSALONIKEK 4:11

ak onetge otebi eng’ mutyonet, ak oyai boisionikwok, ak oboisie eunekwok, ko u ye kiging’atak;

2 THESSALONIKEK 3:12

Ago king’ate ak kiteechini che u choto eng’ Kiptaiyat Jesu Kristo, kele kobois eng’ mutyonet, ak koam amitwogikwak.

1 TIMOTEO 2:2

agobo laitorinik ak tugul che tinyei bounatet; si kobiit ketebe kalyet ak mutyonet eng’ kaiyweet ne kiywei Jehovah ak teegisto.

2 TIMOTEO 2:25

ne kere kong’ eng’ mutyonet ichek che kirindoi; tamangab kogochi Jehovah ichek sigunet ne bo naetab imanit,

TITO 3:2

amat komwa kiy ne ya agobo chi age tugul, amat koek bich che bo boriot, ingoek che taloen, koborjin bik tugul mutyonet tugul.

JAKOBO 1:21

Eng’ noto anyun omete simdo tugul ak chang’indab yaitwogik, otaach eng’ mutyonet ng’olyot ne kigimin, ne imuchi kosor sobonwekwok.

1 PETERO 1:23

amu kigesichok kogeny, ma eng’ keswek che ng’emaksei ago eng’ che ma ng’emaksei, eng’ ng’olyotab Jehovah, ne sobei ak kotebyei.

1 PETERO 3:15

ago ogonyit Kristo koek Kiptaiyat ne tilil eng’ mugulelwekwok: ak oegu che chobotin kotugul owolji chi tugul ne teebenok ng’olyo agobo kamang’unet ne mitei eng’ okwek, ago eng’ talasiet ak kaiyweisiet:

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.