1 PETERO 2:9 - BUKUIT NE TILIL

⁹ Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

Bukuit Ne Tilil

⁹ Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

BUKUIT NE TILIIL Sireet ne Dutero Kanon

⁹ Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 2:9 ပူးပေါင်းရင်းမြစ်များ

TIENWOGIKAL 106:5

Si ageer borotetab cheguk che kigelewen, Si abaibait eng’ kagasetab ge ne bo bororieng’ung’, Si alosge koboto boroteng’ung’.

TIENWOGIKAL 118:27

Jehovah ko Kamuktaindet, ak kagogonech lapkeiyet: Orat tiseiywot eng’ boroonik, oratyi kuinoikab kaptisisiet.

TIENWOGIKAL 135:4

Amu kigolewenjigei Jehovah Jakobo, Ak Israel koek kinnyi ne nenyi iman.

TIENWOGIKAL 22:30

Tun boisiechin inendet iyotet; Kiityin Kiptaiyat eng’ ibinwek.

TIENWOGIKAL 33:12

Iberurot bororiet ne Kamuktaindenywa Jehovah; Bik che kigolewen koek borotennyi.

TIENWOGIKAL 73:15

Nda kigamwa ale ang’alali ko u ni, Keero, ta kiga aberber ibindab lagoguk.

ISAIAH 26:2

Oyat ormarichok, si kobiit kobun kwo orit bororiet ne bo iman, ne ribei imanit.

ISAIAH 41:8

Ago inye Israel, otwogindennyu, Jakobo ne kialewen, iyotetab choruennyu Abraham;

ISAIAH 42:16

Ak amutune kipkoratinik oret ne manaei; andochini eng’ ortinwek che manaei: awale mesundeito koek lapkeiyet eng’ tainywa, ak alitit komoswek che kunuren. Ayae tuguchuto, amabagaktoi.

ISAIAH 44:1

Kas anyun nguno, ee otwogindennyu Jakobo; ak Israel ne kialewen:

ISAIAH 61:6

Ago kiguurenok tisiikab Jehovah: kuurenok bik kiboitinikab Kamuktaindennyo: oame magornatosiekab bororiosiek, ak olosunege torornatenywa.

ISAIAH 62:12

Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

ISAIAH 66:21

Ak ande alak eng’ ichek kogeny koek tisiik ak Lawik, mwaei Jehovah.

ISAIAH 9:2

Kogogeer lapkeiyet ne o bik che kibendote mesundeito: kogoluuchi lapkeiyet ichek che kimenyei emetab uruetab meet.

MALAKI 3:17

Ak mwaei Jehovah ne bo lugosiek kole, Bunjina ichek, eng’ betut ne ayae ichek koek kinnyu ne nenyu anege; ak arire ichek ko u ye rire chi werinnyi ne boisiechin.

MATAYO 4:16

Kigeer bik che kitebe mesundeito Lapkeiyet ne o, Ak kichorjigei lapkeiyet, Che kitebe koret ak uruet ne bo meet.

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

LUKA 1:79

Si koluuchi icheget che tebyei eng’ mesundeito ak che mi uruetab meet; Si kondochi kelyekyok kot koit oretab kalyet.

JOHANA 17:19

Ak atabanige agobo ichek si kobiit kitaban ichek eng’ imanit.

POISYONIGAP CHE KIYOKTOI 20:28

Oripge anyun okweget, koboto akwet tugul, ne kigonok Tamirmiriet ne Tilil oegu ribik, obai kanisetab Jehovah, ne kiale korotikyik.

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

POISYONIGAP CHE KIYOKTOI 26:28

Ak kilenji Agripa Paulo, Ka negit igaigaa eng’ ng’alek che ng’ering’ aek Kristianindet.

ROMANIK 9:24

agot achek che kiguurech, ma eng’ Yahudik kityo, ago eng’ Bororiosiek agichek?

1 KORINTOEK 3:17

Ak ngo ng’em chi age tugul hekalut ne bo Jehovah, kotun ng’emei Jehovah inendet; amu tilil hekalut ne bo Jehovah, okwek noto.

EPESOEK 1:14

ne tongoaniatab borotennyo, agoi katiagetab borotennyi, eng’ kalosunetab torornatennyi.

EPESOEK 1:6

agoi kalosunetab torornatetab mieindanyi, ne kigonech eng’ aiyebindo eng’ Chamanet:

EPESOEK 3:21

torornatet eng’ kaniset ak eng’ Kristo Jesu agoi ibinwek tugul che bo koigeny ak koigeny. Amen.

NG'ATUTIK 10:15

Ago kibaibait Jehovah eng’ kwanisieguk kocham ichek, ak kilewen iyotenywa ne biitu let, okwek choto, eng’ bik tugul, ko u rani.

NG'ATUTIK 14:2

Amu i bororiet ne tilil eng’ Jehovah Kamuktaindeng’ung’, ak kigolewenin Jehovah iegu bororiennyi ne itabanat kosiir bororiosiek tugul che mi ng’ony.

NG'ATUTIK 18:2

Ak manyoru borotet eng’ tupchosiekwak: borotenywa Jehovah, ko u ye kimwachi.

NG'ATUTIK 4:20

Ago konamak Jehovah, ak komutwak omong’une matab karnet, eng’ Misri, oegu bikab borotennyi, ko u rani.

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

PILIPIK 3:14

Agiiljinige tai, ait ole boch melekto ne bo kuuretab barak ne bo Jehovah eng’ Kristo Jesu.

KOLOSAIK 1:13

ne kisoruech kemong’une kimnatetab mesundeito, ak kouutech kebe bounatetab Werit ne bo chamnyennyi;

2 TIMOTEO 1:9

ne kisoruech ak koguurech eng’ kuurset ne tilil, ma ko u boisionikyok, ago ko u magennyi ak mieindanyi, ne kigigonech eng’ Kristo Jesu koboch kenyisiekab koigeny,

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

1 PETERO 1:2

ko u eng’ naetab Jehovah Kwanda ne kisib konai, eng’ katabanetab Tamirmiriet, agoi kasetab it ak isetab korotik che bo Jesu Kristo: Ingotesak mieindo ak kalyet eng’ okwek.

1 PETERO 2:5

ak okwek, che o koik che soptos, kiteechok oegu gotab tamirmiriet, oegu che boisiei eng’ tiseinatet ne tilil, si ogoite korosekab tamirmiriet, che taachaksei eng’ Jehovah eng’ Jesu Kristo.

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.

NG'ANG'UTYET 1:6

ak koyaech keegu bororiet, ak keegu tisiik eng’ Jehovah nenyi, ak ko Kwanda; nenyi torornatet ak kimnatet koigeny ak koigeny. Amen.

NG'ANG'UTYET 20:6

Baibai ak ko tilil ne tinyei yamdaet eng’ ng’eetyet ne bo tai: mabou ichek meet ne bo aeng’; ago egu ichek tisiikab Jehovah ak ko bo Kristo, ak kolaitoran ak inendet kenyisiek elfut agenge.

NG'ANG'UTYET 5:10

ak kiiyai ichek koek bororiet ak tisiik eng’ Jehovah nenyo; ak kobounisiei eng’ ng’ony.

1 SAMUEL 12:22

Amu mabagaktoi Jehovah bikyik amu kainennyi ne o: amu kicham Jehovah koyaak oegu bikyik.