1 PETERO 2:1 - BUKUIT NE TILIL

¹ Oiste anyun yaitiet tugul, ak ng’alset tugul, ak chombilisiosiek, ak ng’etkonda, ak ng’alalet age tugul ne ya,

Bukuit Ne Tilil

¹ Oiste anyun yaityet tugul, ak ng'aalseet tugul, ak chombilisyosyek, ak ng'etkonda, ak ng'alaalet age tugul ne ya,

BUKUIT NE TILIIL Sireet ne Dutero Kanon

¹ Oiste anyun yaityet tugul, ak ng'aalseet tugul, ak chombilisyosyek, ak ng'etkonda, ak ng'alaalet age tugul ne ya,

1 PETERO 2:1 ပူးပေါင်းရင်းမြစ်များ

Kitabuutap JOB 36:13

Ago ichek che maiywei Kamuktaindet eng’ muguleldo, kogonorjingei neregek: Marirtos kosomei toretet ye karat inendet ichek.

TIENWOGIKAL 32:2

Baibai mising’ chi ne maiityin Jehovah tengekto, Ama komi ng’alset muguleldanyi.

TIENWOGIKAL 34:13

Rib ng’elyeptang’ung’ eng’ yaitio, Ak kuting’ung’ si mamwa ng’alset.

TIENWOGIKAL 37:1

Ameng’ konyitin che yaei yaitio, Amat koamin ng’et kong’ agobo che yaei tengekto.

TIENWOGIKAL 73:3

Amu kiama ng’etkong’ agobo che mendos, Ye kingageer kalyetab kiptengeginik.

KALEWANAIK 14:30

Sobondab borto muguleldo ne tinyei chametab ge: Ago nunatetab kowek ng’etkonda.

KALEWANAIK 24:1

Amat koamjin ng’etkong’ bik che yaachen, Anan imach otebi ak ichek:

KALEWANAIK 24:19

Amengonyitin che yaei yaitio; Anan koamjin ng’etkong’ kiptengeginik:

KALEWANAIK 3:31

Amat koamjin ng’etkong’ chito ne korom, Amelewen age tugul eng’ ortinwekyik.

ISAIAH 2:20

Laktoi chito kanamonikyik che bo feda betunoto, ak kanamonikyik che bo tahabu, che kigiyachi inendet si kosa, kolaktochi bung’ung’onik ak reresik;

ISAIAH 30:22

Ak omuruon kit ne kigiliige kanamoniguk che bo feda che kigiwai, koboto che kigiliige kanamoniguk che bo tahabu che kigitany: iwirtoi ko u kit ne mi simdo; ilenjini, Istege eng’ yu.

MATAYO 15:7

Okwek chombilik! Kimaoten Isaia komie agobo okwek, kole,

MATAYO 23:28

O u noto ak okwek, otoogu ko u bikab imanda eng’ taitab bik, ago nyiitat oring’wong’ chombilisiet ak tengekto.

MATAYO 24:51

ak kobir mising’ ak kogochi kebebertanyi koboto chombilik: egu eng’ oloto rirek ak nyeetab kelek.

MATAYO 7:5

Ee, chombilindoni, icheru korok bambaniat eng’ kondang’ung’; si igeer anyun komie inemu betbetiat eng’ kondab ne otupche.

MARIKO 12:15

Kigoite anan acha? Ago kinai inendet chombilenywa, ak kolenji ichek, Kalya si otiema? Oibwa denarit ageer.

LUKA 11:44

Bwa okwek! Amu o kerge ak kererisiek che matoogu, ama naei bik che bunoti barak.

LUKA 12:1

Eng’ saisiechoto, ye kingoyumgei bik ng’isiat che bo tuiyet, kot kotiech ge ichegei, kosib kotoi kolenji alamalyennyi, Oribege mermerekab Parisaik, noto chombilisiet.

LUKA 6:42

Anan imuktoi ano ilenji ng’etab komet, Tupchennyu, inganemun betbetiat ne mitei kondang’ung’, ago mebwati inye bambaniat ne mi kondang’ung’ inyendet? Ee, chombilindoni, inemu korok bambaniat ne mi kondang’ung’ inyendet, si ye kaigeerte komie imuch anyun inemu betbetiat ne mi kondab ng’etab komet.

JOHANA 1:47

Kigeer Jesu Natanael konyonei ole mi inendet, ak kole agobo inendet, Ogeero, Israelindet iman, ne matinyei ng’alset!

ROMANIK 1:29

ko nyiitat tuguk tugul che ma bo iman, sogornatet, kasetab miat, yaitiet; nyiitat ng’etkonda, rumisiet, boriet, kenisiet, suriet; chaamik,

1 KORINTOEK 14:20

Che kitupche, amoegu lagok eng’ ng’omnatet: ago oegu lagok che nyerotin eng’ yaitio, ago oegu che kaoeegitu eng’ ng’omnatet.

1 KORINTOEK 5:8

noto anyun ongerib igorta, ma eng’ mermerek che bo keny, anan eng’ mermerekab yaitiet ak tengekto, ago eng’ makatiat ne ma kinde mermerek che matinyei kenisiet ak bo iman.

2 KORINTOEK 12:20

Amu aiywei, ale si ye anyo, ko manyoruok eng’ or age tugul ko u ye mamache, ak onyorua ko u ye momache; si mabiit eng’ or age tugul, boriosiek, ng’etkonda, neregek, suriosiek, ng’aksosiek, chaamsosiek, menotosiek, bolatosiek;

EPESOEK 4:31

Ingoistogei eng’ okwek ng’wanindo tugul, ak nyitatet, ak neregek, ak bolatet, ak chubisiet, koboto yaitiet tugul:

1 THESSALONIKEK 2:3

Amu ma bo kateunennyo lelut, anan simdo, anan eng’ ng’alset:

1 TIMOTEO 3:11

Ko u noto kobogorisiek, kanyol kotebi eng’ teegisto, ma kataamik, che ribegei, che kiyani eng’ tuguk tugul.

TITO 2:3

ko u noto chebiosok che kagoeegitu, ingoek che teegot eng’ atebosiekwak, che ma kataamik, anan che rategei eng’ divaik che chang’, konetik che bo tuguk che miach;

HEBRANIK 12:1

Noto anyun, amu kiyiemenech boldet ne o ne bo baorinik eng’ komoswek tugul, ongeiste nyigisindo age tugul, ak tengekto ne isib konamech, ak ongeruai eng’ muitaet eng’ kabeletab ge ne kiginde tainnyo,

JAKOBO 1:21

Eng’ noto anyun omete simdo tugul ak chang’indab yaitwogik, otaach eng’ mutyonet ng’olyot ne kigimin, ne imuchi kosor sobonwekwok.

JAKOBO 3:14

Ago ngot otinye ng’etkonda ne ng’wan ak toiyet eng’ mugulelwekwok, ko mat olosge, amat omwa lembech agobo imanit.

JAKOBO 4:11

Amomwaitaege ng’alek che yaach okwege, che kitupche. Inendet ne mwaitae ng’olyot ne ya ne tupcho, anan koruokyi tupchennyi, komwaitae ng’olyot ne ya Ng’atutiet, ak koruokyin Ng’atutiet: ago ngot iruokyi Ng’atutiet, ko ma i chito ne yaei Ng’atutiet, ago i ne iruokyin.

JAKOBO 4:5

Anan obwati ole ng’alali buch sirutik, kole, Tamirmiriet ne menyei eng’ achek kotinyei ng’etkonda?

JAKOBO 5:9

Among’unyng’ung’jige okwege, che kitupche, si ma kiruokwok: ogeero, tononi kiruogindet eng’ taitab kurgotik.

1 PETERO 2:16

ko u che itiogotin, amoboisie katiaknateng’wong’ ko u kit ne otektoe yaitiet, ago oboisie ko u otwogikab Jehovah.

1 PETERO 2:22

inendet ne kima yai tengek, ama kinyorji kutinnyi ng’alset:

1 PETERO 3:10

Amus, Inendet ne chamei sobondo, Ak kogeer betusiek che miachen, Ko ingorib ng’elyeptanyi si mamwa yaitio, Ak kutinnyi si mamwa ng’alset:

1 PETERO 4:2

si ko mata osopche eng’ borto eng’ betusiekwok che ng’etunotin eng’ magutik che yaach che bo bik, ago si osopche eng’ magetab Jehovah.

1 PETERO 4:4

tuguk che keerei ichek kole kwong’et amu moruachini osubi kimargatinoto koboto ichek, si komwaitaenak yaitio:

NG'ANG'UTYET 14:5

Ama kinyorji kutuswekwak lembeita: ama tinyei tisia.