1 PETERO 1:3 - BUKUIT NE TILIL

³ Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,

Bukuit Ne Tilil

³ Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

BUKUIT NE TILIIL Sireet ne Dutero Kanon

³ Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 PETERO 1:3 ပူးပေါင်းရင်းမြစ်များ

1 LAITORINIK 8:15

Ak kile, Iberurot Jehovah, Kamuktaindetab Israel, ne king’alalji eng’ kutinnyi Daudi baba, ak kagosulda eng’ eunekyik kole,

1 ATEPTAP PEETUUSYEK 29:20

Ak kilenji Daudi tuiyet tugul, Olosu Jehovah Kamuktaindeng’wong’. Ak kiilos tuiyet komugul Jehovah Kamuktaindetab kwanisiekwak, ak kong’uruk, kogutung’ji Jehovah, ak laitoriat.

2 ATEPTAP PEETUUSYEK 31:8

Ak kingonyo Hesekia koboto bounik ak kogeer kayumanik, kolos Jehovah, ak bikyik Israel.

TIENWOGIKAL 41:13

Ingitoror Jehovah, Kamuktaindetab Israel, Koboch keny agoi koigeny. Amen, ak Amen.

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

KOMONG'U 34:6

Ak kibun Jehovah tainnyi, ak komwaita kole, Jehovah, Jehovah, Kamuktaindet ne nyiitat rirenet ak mieindo, ak masib konerechi, ak ne nyiitat talasiet ak imanit;

ISAIAH 26:19

Tun soptos cheguk che kigobek; ng’eetos muswekyuk. Ong’eetye ak otien, okwek che omenye ng’ung’unyek: amu u rewondeng’ung’ rewotab ngwek, ak konu ng’ony che kigobek.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

JOHANA 1:13

che kigisich, ama eng’ korotik, anan eng’ magetab borto, anan eng’ magetab chi, ago eng’ Jehovah.

ROMANIK 12:12

oboiboitu eng’ kamang’unet; omuitoi eng’ nyalilda; ogiiljige saet kotugul;

ROMANIK 15:13

Noto anyun, ingonyiitak Jehovah ne bo kamang’unet boiboiyet tugul ak kalyet eng’ kayanet, si kobiit otesage eng’ kamang’unet, eng’ kamuktaetab Tamirmiriet ne Tilil.

ROMANIK 4:25

ne kigigoito amu bistautikyok, ak kiging’eet si kobiit kiityech imanda.

ROMANIK 5:10

Amu ye kita ko ki bunik, ko kigituiyech ak Jehovah eng’ meetab Werinnyi, ne siirei mising’ anyun, koga kituiyech, kesoruech eng’ sobondanyi.

ROMANIK 8:11

Ago ngo menyok Tamirmirietab inendet ne kiing’eet Jesu komong’une che kibek, kosoobi borwekwok che begu inendet ne kiing’eet Kristo Jesu komong’une che kibek, eng’ Tamirmiriennyi ne menyei eng’ okwek.

ROMANIK 8:24

Amu kigesoruech eng’ kamang’unet: ago kamang’unet ne kigeerei ko ma kamang’unet; amu ng’o ne imang’u noto keerei?

1 KORINTOEK 13:13

Ago tebyei nguno kayanet, kamang’unet, chamnyet, chuto somok; ago ne o eng’ chuto ko chamnyet.

1 KORINTOEK 15:20

Ago kiging’eet anyun Kristo komong’ eng’ che kibek, tongoaniat ne bo icheget che ruitos.

2 KORINTOEK 1:3

Iberurot Jehovah ne Kwandab Kiptaiyandennyo Jesu Kristo, Kwanda ne bo rirenosiek ak Jehovah ne bo kagaigaet tugul;

GALATYEK 6:16

Ak ingotebe kalyet ichek tugul che bendoti eng’ ng’atutioni, ak rirenetab ge, ak eng’ Israel ne bo Jehovah.

EPESOEK 1:17

ale ingogonok Jehovah ne bo Kiptaiyandennyo Jesu Kristo, Kwanda ne bo torornatet, tamirmiriet ne bo ng’omnatet ak ng’ang’utiet eng’ naetab inendet;

EPESOEK 1:3

Iberurot Jehovah Kwandab Kiptaiyandennyo Jesu Kristo, inendet ne kigoberurech eng’ kaberuret age tugul ne bo tamirmiriet eng’ komoswekab kipsengwet eng’ Kristo:

EPESOEK 1:7

ne kitinye eng’ inendet katiagennyo eng’ korotikyik, nyoetab kaat ne bo chalwogikyok, ko u magornatosiekab mieindanyi,

EPESOEK 2:4

ago Jehovah, ne magoriot eng’ rirenetab ge, eng’ chamnyennyi ne o ne kichamenech,

EPESOEK 3:20

Ingobunji anyun inendet ne imuchi koyai mising’ inne kosiir tugul che kisome anan che kibwati ko u kamuktaet ne boisiei eng’ achek,

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

1 THESSALONIKEK 1:3

kibwati ne magisise, boisieng’wong’ ne bo kayanet ak boisiet ne uui ne bo chamnyet ak muitaetab kamang’unet eng’ Kiptaiyandennyo Jesu Kristo, eng’ taitab Jehovah nenyo ak ko Kwanda;

1 THESSALONIKEK 4:13

Ago magimache anyun, che kitupche, oegu che mongen agobo icheget che ruitos; kele amoarogense, ko u bik alak che matinyei kamang’unet.

2 THESSALONIKEK 2:16

Nguno anyun, ingogaigai Kiptaiyandennyo Jesu Kristo, ak Jehovah Kwandanyo ne kichamech ak kogonech kagaigaet ne bo koigeny ak kamang’unet ne mie eng’ mieindo,

1 TIMOTEO 1:14

ak kitesak mieindab Kiptaiyandennyo kobarait koboto kayanet ak chamnyet ne mi eng’ Kristo Jesu.

TITO 2:13

kigeni kamang’unet ne iberurot, noto ko toogunetab torornatetab Jehovah nenyo ne o ne Yetindennyo Jesu Kristo;

HEBRANIK 3:6

ago Kristo ko u werit, ne bou gonnyi; achek gonnyi, ngenam mising’ nyiganatennyo ak torornatetab kamang’unennyo agoi kagesunet.

JAKOBO 1:18

Kisichech eng’ magennyi eng’ ng’olyotab imanit, si kobiit keegu che tongoanikab yautikyik.

1 PETERO 1:13

Eng’ noto anyun ogermen suenutikab kabwatutikwok, oripge ak omang’u eng’ kagesunetab ge mieindo ne tun kiibwok eng’ ng’ang’etab Jesu Kristo;

1 PETERO 1:21

che o kayanik eng’ Jehovah amu inendet, ne kiing’eet inendet komong’ eng’ che kibek, ak kogochi torornatet; si kotebi kayaneng’wong’ ak kamang’uneng’wong’ eng’ Jehovah.

1 PETERO 1:23

amu kigesichok kogeny, ma eng’ keswek che ng’emaksei ago eng’ che ma ng’emaksei, eng’ ng’olyotab Jehovah, ne sobei ak kotebyei.

1 PETERO 2:2

omach mising’ chego che bo ng’omnatetab tamirmiriet, che matinyei ng’alset, ko u manyurunik, si kobiit onerie agoi yetunet;

1 PETERO 3:15

ago ogonyit Kristo koek Kiptaiyat ne tilil eng’ mugulelwekwok: ak oegu che chobotin kotugul owolji chi tugul ne teebenok ng’olyo agobo kamang’unet ne mitei eng’ okwek, ago eng’ talasiet ak kaiyweisiet:

1 PETERO 3:21

kergeindab tuguchuto ko kabatisanet, ne soruok agine eng’ betusiechu, ma kele istoetab simdab borto, ago wolunetab kabwatet ne mie ne tokyingei Jehovah, eng’ ng’eetyetab Jesu Kristo;

1 PETERO 3:5

Amu kiyaei lelesta ko u noto agichek kwonyik che tililen chu ki bo keny, che kiimang’u Jehovah, ak kogase it manong’otaikwak:

1 JOHANA 2:29

Ngot ongen ole bo imanda inendet, ongen ole age tugul ne yaei imanda ko kigesich agine eng’ inendet.

1 JOHANA 3:3

Ak chi age tugul ne tinyei kamang’unoni agobo inendet kotililegei, ko u ye tilil inendet.

1 JOHANA 3:9

Chi age tugul ne kigesich eng’ Jehovah ko mayaei tengek, amu tebyei keswondennyi eng’ inendet: amaimuchi koyai tengek, amu kigisich eng’ Jehovah.

1 JOHANA 4:7

Chamanichu, ongechamnye: amu chamnyet ko bo Jehovah; ak age tugul ne tinyei chamnyet ko kigosich Jehovah, ak kongen Jehovah.

1 JOHANA 5:1

Age tugul ne iyani kole Jesu ko Kristo ko kigesich eng’ Jehovah: ak age tugul ne chamei inendet ne kisichei, kochamei agine inendet ne kigisichei eng’ inendet.

1 JOHANA 5:18

Kingen kele mayaei tengekto chi age tugul ne kigesich eng’ Jehovah; ago inendet ne kigesich eng’ Jehovah koribei inendet, ama twaei chichoto inendet ne ya.

1 JOHANA 5:4

Amu age tugul ne kigesich eng’ Jehovah koterteri ng’ony: ak ni ko katerteret ne iterteri ng’ony, noto kayanennyo.