1 PETERO 1:21 - BUKUIT NE TILIL

²¹ che o kayanik eng’ Jehovah amu inendet, ne kiing’eet inendet komong’ eng’ che kibek, ak kogochi torornatet; si kotebi kayaneng’wong’ ak kamang’uneng’wong’ eng’ Jehovah.

Bukuit Ne Tilil

²¹ che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

BUKUIT NE TILIIL Sireet ne Dutero Kanon

²¹ che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 1:21 ပူးပေါင်းရင်းမြစ်များ

TIENWOGIKAL 42:5

Amu nee si ing’uruge, ee sobondanyu? Amu nee si iimge eng’ ane? Imang’u Kamuktaindet: amu ta alosu inendet Amu yetunet ye mi inendet kobota.

JEREMIA 17:7

Iberurot chito ne imang’u Jehovah, ak ko ne kamang’unennyi Jehovah.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

JOHANA 12:44

Ak kimwa Jesu eng’ kutit ne o, kole, Inendet ne iyana, ko maiyana ane, ago iyani inendet ne kiiyokwa.

JOHANA 14:1

Amogochi mugulelwekwok koiimgei: oyani Jehovah, oyana agane.

JOHANA 14:6

Kolenji Jesu, A oret, ak iman, ak sobondo: manyonjin chi Kwanda, ama eng’ ane.

JOHANA 17:1

Kimwa Jesu ng’alechu; ak konyal kipsengwet, ak kole, Baba, kagonyo sait; itoror Wering’ung’, si kotororin Werit;

JOHANA 17:24

Baba, amache ale kotebi kobota eng’ ole ami, ichek che kiigona; si kobiit kogeer torornatennyu ne kiigona; amu kiichama kotom kelumda ng’ony.

JOHANA 17:5

Ak nguno, ee Baba, itorora eng’ inyendet inyege eng’ torornatet ne kiatinye kemi tuwai kotom kobiit ng’ony.

JOHANA 3:34

Amu ng’alali ng’alekab Jehovah inendet ne kiiyogu Jehovah; amu magonu inendet Tamirmiriet eng’ karogendoet.

POISYONIGAP CHE KIYOKTOI 2:24

inendet ne kiing’eet Jehovah ko kagotiach eng’ ng’wanindo ne bo meet: amu kima komuchi meet konam inendet.

POISYONIGAP CHE KIYOKTOI 3:13

Jehovah ne bo Abraham, ak ne bo Isak, ak ne bo Jakobo, Jehovah ne bo kwanisiekyok, ko kagotoror Kiboitiondennyi Jesu, ne kiogoite ak kiotiiye inendet eng’ taitab Pilato, ye kiga kobegechi kotiach inendet.

POISYONIGAP CHE KIYOKTOI 3:15

ak kiobar Ne O ne bo sobondo; ne kiing’eet Jehovah eng’ che kibek; ki baorinikab noto achek.

POISYONIGAP CHE KIYOKTOI 4:10

ingonaak anyun eng’ okwek tugul, ak eng’ bik tugul che bo Israel ole, eng’ kainetab Jesu Kristo ne bo Nasaret, ne kiogartat okwek, ne kiing’eet Jehovah eng’ che kibek, tononi chichi eng’ yu, eng’ taing’wong’, ko kagosob eng’ inendet.

ROMANIK 10:9

amu nging’any eng’ kuting’ung’ ile Jesu ko Kiptaiyat, ak iyani eng’ muguleldang’ung’ ile kiing’eet Jehovah inendet komong’une che kibek, kesorun:

ROMANIK 4:24

ago amu achek agachek, che tun kiityin, che iyani inendet ne kiing’eet Jesu Kiptaiyandennyo komong’ eng’ che kibek,

2 KORINTOEK 6:15

Anan kasyindos eng’ nee Kristo ak Belial? Anan ting’egei nee ne iyanat ak ne ma iyanat?

EPESOEK 1:15

Amu nito anyun, kingo kaagas agobo kayanet ne mi kwenung’wong’, eng’ Kiptaiyat Jesu, ak chamnyet eng’ tugul che tililen,

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

1 TIMOTEO 1:1

Paulo, ne kiyoktoi ne bo Kristo Jesu ko u ng’atutietab Jehovah Yetindennyo, ak Kristo Jesu ne kamang’unennyo;

1 TIMOTEO 3:16

Ak ne matiny, ko o ung’otiot ne bo kaiyweet ne kiywei Jehovah; Inendet ne king’ang’ak eng’ borto, Kigiityi imanda eng’ tamirmiriet, Ne kigeer malaikaisiek, Ne kigiamda eng’ Bororiosiek, Ne kiiyan che bo ng’ony, Ne kigimut kwo barak eng’ torornatet.

HEBRANIK 2:9

Ago kigeere inendet ne kigiyai koming’init kitigin eng’ malaikaisiek, inendet Jesu, ne kigilaakyi kutwet ne bo torornatet ak teegisto amu nyalilda ne bo meet, si kobiit kochamjam meet eng’ mieindab Jehovah agobo chi age tugul.

HEBRANIK 6:1

Noto anyun ongebagakte mata ongeng’alale ng’alek che bo tai che bo Kristo, ak ongigiilge agoi keit ne igesunotgei; amata onginde lumeiywot ne bo sigunet ne bunu boisionik che meiyotin, ak ne bo kayanet eng’ Jehovah,

HEBRANIK 7:25

Eng’ noto anyun komuchi kogeny kosor agoi kasuldaet ichek che bwanjin Jehovah eng’ inendet, amu sobei inendet koigeny si kobiit kosaei agobo ichek.

1 PETERO 1:11

ye kicheng’ei betut ne inet anan ole u betut ne kiiborjin Tamirmirietab Kristo ne kimitei eng’ ichek, ye kisib kobaorian agobo nyalilwogikab Kristo, ak torornatosiek che isubi choto.

1 PETERO 1:3

Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,

1 PETERO 3:22

ne kikwa kipsengwet ak komi eutab tai ne bo Jehovah; ak kigiyai malaikaisiek ak bounatosiek ak kimnatosiek kogas it inendet.