1 PETERO 1:2 - BUKUIT NE TILIL

² ko u eng’ naetab Jehovah Kwanda ne kisib konai, eng’ katabanetab Tamirmiriet, agoi kasetab it ak isetab korotik che bo Jesu Kristo: Ingotesak mieindo ak kalyet eng’ okwek.

Bukuit Ne Tilil

² ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

BUKUIT NE TILIIL Sireet ne Dutero Kanon

² ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 PETERO 1:2 ပူးပေါင်းရင်းမြစ်များ

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

ISAIAH 65:22

Mateeksei ichek, si konyo komeny age; ama minsei ichek, si konyo koam age: amu igeitu betusiekab ketit betusiekab bikyuk, ak koboiboitune chechuk che kialewen, boisionikab eunekwak.

ISAIAH 65:9

Ak amutu ne kigii eng’ Jakobo, ak amutu eng’ Juda nyabanindetab tulonokyuk, ak kobunji yoto chechuk che kigilewen, ak komenyei yoto otwogikyuk.

DANIEL 4:1

Kamwachi ane laitoriat Nebukadnesar bik tugul, bororiosiek tugul, ak che bo kutuswek tugul, che menyei ng’ony tugul; alenji, Ingotesak kalyet eng’ okwek.

DANIEL 6:25

Kisirji anyun laitoriat Darius bik, ak bororiosiek tugul ak che bo kutuswek tugul, che menyei ng’ony komugul; kolenji, Ingotesak kalyet eng’ okwek.

ATEPTAP LAWIK 1:5

Ak koeny kirgoto eng’ taitab Jehovah: ak koib korotik tisiik, werikab Aron, ak koisote kaptisisiet komoswek tugul, ne mi ole negite kurgetab emait ne kituiyechin.

MATAYO 24:22

Ak nda ma kiga ketil konwagitu betusiechoto, ta magisoru chi: ago kitilei betusiechoto agobo che lewenotin.

MATAYO 24:24

Amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik che eechen; si kobeet, agot che lewenotin, nda imugaksei.

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

MARIKO 13:20

Ak nda kima til Kiptaiyat betusiek konwagitu, ta ma kisoru chi: ago kitil betusiek amu che lewenotin che kilewen.

MARIKO 13:22

amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik, si kobeet, agot che kigelewen nda imugaksei.

MARIKO 13:27

Yeityo koyokto malaikaisiek, ak koyum lewenikyik, kobun usonaik ang’wan, kobunu tabandab ng’ony agoi tabandab kipsengwet.

LUKA 18:7

Tos mayachin Jehovah imanda che lewenotin, che rirjin inendet bet ak kemoi, ak muitoi inendet eng’ ichek?

POISYONIGAP CHE KIYOKTOI 15:18

Mwaei Kiptaiyat, ne yaei tuguchu si konaak koboch taunetab ng’ony.

POISYONIGAP CHE KIYOKTOI 2:23

inendet ne kiigoito Jehovah eng’ begechinetab ng’olyondennyi ak naet ne kiga kechob eng’ tai, kiogartat okwek inendet ak obar eng’ eunekab bik che bistoe ng’atutik:

POISYONIGAP CHE KIYOKTOI 20:32

Ara anyun, kabagakyok nguno eutab Jehovah, ak ng’olyotab mieindanyi, ne imuchi koteechak, ak kogonok borotet koboto ichek tugul che kitilili.

ROMANIK 1:5

kigitaach eng’ inendet mieindo ak kayoktoet, agoi kasetab it ne bo kayanet eng’ bororiosiek tugul amu kainennyi:

ROMANIK 1:7

eng’ okwek tugul che omite Rom, chamanikab Jehovah, che kigiguur koek che tililen: Ingoteb kobotok mieindo ak kalyet ne bunu Jehovah Kwandanyo ak Kiptaiyat Jesu Kristo.

ROMANIK 11:2

Kima toorta Jehovah bikyik che kisib konai. Anan ma onai ne mwaei siret agobo Elija? Ko u ye king’andoi inendet Israelik eng’ taitab Jehovah, kole,

ROMANIK 11:28

Ago bunik ichek eng’ okwek, amu logoiywek che miach: ago eng’ ng’olyotab lewenet, ko chamanik ichek amu kwanisiek.

ROMANIK 15:16

ale aek kiboitiotab Kristo Jesu eng’ Bororiosiek, aboisiei eng’ logoiywek che miach che bo Jehovah, si kobiit koek kagoitoetab Bororiosiek ne taagaksei, ko kagitaban eng’ Tamirmiriet ne Tilil.

ROMANIK 16:19

Amu kigogasak eng’ bik tugul kaseng’wong’ bo it. Noto anyun abaibai eng’ okwek: ago amache ong’omegitu eng’ noto mie, ak oegu che berber eng’ noto bo yaitiet.

ROMANIK 16:26

ago kagong’ang’ak nguno, ak eng’ sirutik che bo maotik, ko u ng’atutietab Jehovah ne bo koigeny, ko kagiborji bororiosiek tugul agoi kasetab it ne bo kayanet;

ROMANIK 8:13

amu ngosubi borto, obegu matiny; ago ngobar eng’ Tamirmiriet boisionikab borto, osoptosi.

ROMANIK 8:33

Ng’o ne itaami che kilewen Jehovah? Jehovah ne iityin imanda;

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

1 KORINTOEK 6:11

Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

2 KORINTOEK 10:5

kiluuli kabwatutik, ak kiy age tugul ne toror ne ieetegei kole kogirinda naetab Jehovah, ak koluulei kabwatet age tugul si kobiit kogas it Kristo;

2 KORINTOEK 13:14

Ingotebi ak okwek tugul mieindab Kiptaiyat Jesu Kristo, ak chamnyetab Jehovah, ak yamdaetab Tamirmiriet ne Tilil.

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

KOLOSAIK 3:12

Noto anyun, amu o lewenaikab Jehovah che tililen ak ko o chamanik, olaach muguleldo ne bo rirenetab ge, talasiet, kaming’inetab ge, mutyonet, ak muitaet;

2 THESSALONIKEK 2:13

Ago kanyol kemwachi Jehovah kongoi kotugul agobo okwek, che kitupche che chamanikab Kiptaiyat, amu kilewenjok Jehovah yetunet koboch taunet eng’ katabanetab Tamirmiriet ak kayanetab imanit:

2 TIMOTEO 2:10

Noto anyun amuitoi eng’ tuguk tugul amu che kigilewen, si kobiit konyor agichek yetunet ne mitei eng’ Kristo Jesu koboto torornatetab koigeny.

TITO 1:1

Paulo, otwogindetab Jehovah, ak ne kiyoktoi ne bo Jesu Kristo, ko u kayanetab che kigilewen che bo Jehovah, ak naetab imanit ne namegei ak kaiyweet ne kiywei Jehovah,

HEBRANIK 10:22

ongerikte anyun eng’ muguleldo ne bo iman eng’ nyiietab kayanet, ko kageis mugulelwekyok kemete kabwatet ne ya, ak kiun borwekyok eng’ beek che tililen:

HEBRANIK 11:28

Kiyai paska eng’ kayanet, ak isisietab korotik, si matwa ichek ne kibarei werik che bo tai.

HEBRANIK 12:24

ak Jesu katuiyoindetab kayomiset ne leel, ak korotikab iset, che ng’alali ko mie kosiir che bo Abil.

HEBRANIK 5:9

ak kingo kageyai koek ne igesunotgei, koek inendet ne kitaunegei yetunet ne bo koigeny eng’ ichek tugul che kase it inendet;

1 PETERO 1:14

ko u lagok che kase it, amoyaniege magutikwok che bo tai eng’ betusiek che ki bo berberindang’wong’:

1 PETERO 1:19

ago eng’ korotik che bo kamanutiet ne o, ko u che bo aruet ne matinyei berut ak ne matinyei tisia, choto ko korotikab Kristo:

1 PETERO 1:20

ne kisib konaam iman kotom kelumda ng’ony, ago kiging’any eng’ betusiek che bo let agobo okwek,

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

2 PETERO 1:2

Ingotesak mieindo ak kalyet eng’ okwek eng’ naet ne ongen Jehovah ak Jesu Kiptaiyandennyo.

2 JOHANA 1:1

Ane boiyot ne asirjini chebioset ne lewenot ak lagokyik, che achame eng’ imanit; ago ma anege kityo, ago tugul che ingen imanit agichek;

2 JOHANA 1:13

Igatin lagokab chepkomet ne lewenot.

JUDA 1:2

Ingotesak rirenet eng’ okwek ak kalyet ak chamnyet.