1 PETERO 1:13 - BUKUIT NE TILIL

¹³ Eng’ noto anyun ogermen suenutikab kabwatutikwok, oripge ak omang’u eng’ kagesunetab ge mieindo ne tun kiibwok eng’ ng’ang’etab Jesu Kristo;

Bukuit Ne Tilil

¹³ Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

BUKUIT NE TILIIL Sireet ne Dutero Kanon

¹³ Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 1:13 ပူးပေါင်းရင်းမြစ်များ

1 LAITORINIK 18:46

Ak kimi eutab Jehovah koboto Elija, ak kigermengei, ak kolabat kondoe Ahab kwo ole kimandoe kebendi Jesreel.

2 LAITORINIK 4:29

Kolenji anyun Elisha Geasi, Kermenge, ak inam kiroktanyu eng’ eung’ung’, ak iwe: ngot ituiye chi, ko mat igat; ak ngot kogatin chi, ko mat iwolji; ak inde kiroktanyu togetab lakwet.

Kitabuutap JOB 38:3

Kermenge anyun nguno ko u muren; Amu amagenen ng’olyot, ak imwawa.

Kitabuutap JOB 40:7

Kermenge ko u muren; Amagenen ng’olyo, ak imwawa.

KOMONG'U 12:11

Oam anyun ko u ni; ko kaoratge, ko kaolaach kweonikwok, oting’e eunekwok kirokwek: ak oam ochokyini: nito ko paska ne bo Jehovah.

ISAIAH 11:5

Ak egu imanda birenet ne rategei, ak koek kayanet ne kiyani birenet ne rategei.

JEREMIA 1:17

Kermenge anyun, ak ing’eet, ak imwachi ichek tuguk tugul che ang’atin; ametoptoben amu ichek, si magonin itoptoben eng’ tainywa.

MATAYO 20:4

ak kilenji, Oba ak okwek mbaretab sabibuk si agonok ne nyolu. Ak kiba anyun.

LUKA 12:35

Ongogermenogis suenutikwok, ak ongolalyo taisiekwok;

LUKA 17:30

u noto eng’ betut ne kiboru Weritab chi.

LUKA 17:8

Tos ma kaigai kolenji inendet, Chobwa tuguk che aame, kermenge, ak iboisiewa, agoi aamisie ak aeeise; si yeityo iamisie ak ieeise aginye?

ROMANIK 13:13

Ongebendoti ko u ye nyolu, ko u bet; ma eng’ wasang’natet anan bogitet, ma eng’ sokset anan maget ne ya, ma eng’ boriet ak ng’etkong’.

ROMANIK 8:19

Amu igeni mising’ ak koganyei yaet komugul ng’ang’et ne bo werikab Jehovah.

1 KORINTOEK 1:7

si moletu eng’ konunet age tugul; ogeni ng’ang’utietab Kiptaiyandennyo Jesu Kristo.

1 KORINTOEK 13:13

Ago tebyei nguno kayanet, kamang’unet, chamnyet, chuto somok; ago ne o eng’ chuto ko chamnyet.

EPESOEK 6:14

Otononse anyun, ko kaogermen suenutikwok eng’ imanit, ak ko kaolaach karnetab teget ne bo imanda,

KOLOSAIK 3:4

Ye tun took Kristo, ne inendet sobondanyo, otoogu anyun ak okwek koboto inendet eng’ torornatet.

2 THESSALONIKEK 1:7

ak kogonok kamuung’et kobotech, okwek che kiusei, eng’ ng’ang’etab Kiptaiyat Jesu kobunu kipsengwet koboto malaikaisiek che bo kamuktaennyi

2 TIMOTEO 4:5

Ago ripge inye eng’ tuguk tugul, muite eng’ nyalilda, yai boisietab amdaetab logoiywek che miach, yai boisieng’ung’ kosulda.

2 TIMOTEO 4:8

koboch nguno ko kagegonorua kutwet ne bo imanda, ne tun kona Kiptaiyat, kiruogindet ne bo imanda, eng’ betunoto: ago ma anege, ago icheget tugul agichek che kigocham toogunennyi.

HEBRANIK 10:35

Amowirte anyun nyiganateng’wong’, ne tinyei melekto ne o.

HEBRANIK 3:6

ago Kristo ko u werit, ne bou gonnyi; achek gonnyi, ngenam mising’ nyiganatennyo ak torornatetab kamang’unennyo agoi kagesunet.

HEBRANIK 6:19

ne kitinye ne u nangetab sobondo, ne kingen ak ko lumdaat ne wendi orit kot kosiir anget ne kigioiye;

HEBRANIK 9:28

ko u noto Kristo agine, kingo kagigoito konyil agenge si koib tengekwogikab che chang’, ko tun toogu ne bo aeng’, ma agobo tengek ago, eng’ ichek che igeni inendet, agoi yetunet.

1 PETERO 1:10

Kicheng’ maotik ak kogilgilye mising’ inne agobo yetunanoto, icheget che kimaoten agobo mieindo ne osiche:

1 PETERO 3:15

ago ogonyit Kristo koek Kiptaiyat ne tilil eng’ mugulelwekwok: ak oegu che chobotin kotugul owolji chi tugul ne teebenok ng’olyo agobo kamang’unet ne mitei eng’ okwek, ago eng’ talasiet ak kaiyweisiet:

1 PETERO 4:7

Ago kagorik kagesunetab tuguk tugul: noto anyun oegu che oribege, ak oripse eng’ saet:

1 PETERO 5:12

Kasirwak eng’ ng’alek tutigin, eng’ eutab Silbano, tupchennyo ne kiyani, ko u ye abwati, amwawok inne, ak abaoriani ale mieindab iman ni ne bo Jehovah: otononse olumdege.

1 PETERO 5:8

Oripge, oripse: amu wendoti bunyondeng’wong’ oindet, ko u ng’etundo ne boriseni, kocheng’ei ne amei:

1 JOHANA 3:3

Ak chi age tugul ne tinyei kamang’unoni agobo inendet kotililegei, ko u ye tilil inendet.