1 PETERO 1:12 - BUKUIT NE TILIL

¹² Che kiging’ang’ji, ma agobo icheget, ago kiyaiywok okwek tuguchuto, che kagemwawok nguno eng’ ichek che kiamwok logoiywek che miach eng’ Tamirmiriet ne Tilil ne kigiyok eng’ kipsengwet; tuguk che machei malaikaisiek mising’ kogeer.

Bukuit Ne Tilil

¹² Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

BUKUIT NE TILIIL Sireet ne Dutero Kanon

¹² Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 PETERO 1:12 ပူးပေါင်းရင်းမြစ်များ

KOMONG'U 25:20

Ak koiito kerubisiek kebebaikwak koba barak, kouure kebebaikwak keruetab rirenet, ak kotoorjin togochikwak; ing’ururi kerubisiechoto keruetab rirenet.

KALEWANAIK 1:23

Oweege eng’ kateunennyu, Ogeero, arong’wok tamirmiriennyu, Ang’ang’wok ng’alekyuk.

ISAIAH 32:15

agoi kerong’wech tamirmiriet eng’ barak, ak koek ong’atet mbaret ne rurei, ak kiroge mbaret ne rurei, osnet.

ISAIAH 53:1

Ng’o ne kiiyan ng’alekyok? Ak kiging’ang’ji ng’o eutab Jehovah?

DANIEL 10:1

Kiging’ang’ji Daniel ne kigiguure Beltesasar kiy eng’ kenyit ne bo somok ne bo Kirus laitoriatab Persia; ak ki bo iman kioto, noto ko ki boriet ne o: ak kiiguiyo, ak konyor kaguiyetab ng’ang’utiet.

DANIEL 12:13

Ago ui inye oldang’ung’ agoi koit kagesunet: amu imuunyi, ak tun itononi eng’ komostang’ung’, eng’ kagesunetab betusiechoto.

DANIEL 12:9

Ak kile, Ui inye Daniel: amu kagituch ng’alechuto ak keng’och kot koit betusiek che bo kagesunet.

DANIEL 2:19

Kiging’ang’ji anyun Daniel ung’otionoto eng’ ng’ang’utiet ne bo kemoi. Kiilos anyun Daniel Kamuktaindetab kipsengwet.

DANIEL 2:22

ng’anyei tuguk che looen ak ko ung’otin: ingen tuguk che mi mesundeito, ak komenyei lapkeiyet koboto inendet.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 8:13

Kiagas anyun inendet ne tilil kong’alali; ak kiteebe age ne tilil noto kang’alali, kolenji, Tebyei kot kotianit ng’ang’utiet agobo kagochinet ne kibeelei, ak bistoet ne ng’emisiei, si kigoito ole tilil koboto luget ketiechatiech?

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

JOEL 2:28

Ak ye ibata choto, ko tun arong’jini Tamirmiriennyu bik tugul; ak komaoten werikwok ak tibikwok, iruotyin boisiekwok karuotitaosiek, keerei murenikwok ng’ang’utik:

AMOS 3:7

Iman mayaei kiy Kiptaiyat Jehovah kotom kong’ang’ji ung’otiennyi otwogikyik maotik.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

MATAYO 16:17

Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.

MARIKO 16:15

Ak kilenji, Oba ng’ony komugul, oamjinote logoiywek che miach bik tugul.

LUKA 15:10

U noto anyun, amwawok ale, mi boiboiyet eng’ taitab malaikaisiekab Jehovah eng’ kiptengekyot agenge ne kasik.

LUKA 2:26

Ak kiga kong’ang’ji inendet Tamirmiriet ne Tilil, kole, mageerei meet, kotom kogeer Kristo ne bo Kiptaiyat.

LUKA 9:6

Koba anyun kobunot nganasok, koamdaati logoiywek che miach, ak kosooboti eng’ oldo tugul.

JOHANA 15:26

Ago ye kagoit Kagaigaindet, ne tun ayokwok kobunu Kwanda, Tamirmiriet ne bo imanit, ne bunu Kwanda, konyo kobaorianja:

POISYONIGAP CHE KIYOKTOI 10:44

Ye kita komwaei Petero ng’alechu, kochorjigei Tamirmiriet ne Tilil tugul che kigasei ng’olyot.

POISYONIGAP CHE KIYOKTOI 16:10

Ak ye kingo kagogeer ng’ang’utiet, eng’ sainato kemach kebe Makedonia, ko kagenai kele kogoguurech Jehovah si kobiit keamji ichek logoiywek che miach.

POISYONIGAP CHE KIYOKTOI 2:33

Amu itororot inendet eng’ eutab tai ne bo Jehovah, ak ko kagetaach eng’ Kwanda kayomiset ne bo Tamirmiriet ne Tilil, ko kagorong’ anyun nito ogeere ak ogase.

POISYONIGAP CHE KIYOKTOI 4:31

Ak kingo kagosa, kotumdumgei ole kiga koyumjigei; ak kinyi ichek tugul Tamirmiriet ne Tilil, ak kimwa ng’olyotab Jehovah eng’ nyiganatet.

POISYONIGAP CHE KIYOKTOI 4:8

Kingonyi anyun Petero Tamirmiriet ne Tilil, kolenji ichek, Okwek bounikab bik ak boisiek,

POISYONIGAP CHE KIYOKTOI 8:25

Ye kingo kagobaorian anyun ak komwa ng’olyotab Kiptaiyat, koweektagei Jerusalem, ak koamji logoiywek che miach nganasok che chang’ che bo Samarik.

ROMANIK 1:15

Noto anyun, ko u ye amuchi, ko a chobot aamwok logoiywek che miach ak okwek che omite Rom.

ROMANIK 1:17

Amu king’anyei eng’ choto imandab Jehovah eng’ kayanet agoi kayanet: ko u ye sirat kole, Ago sobei ne bo imanda eng’ kayanet.

ROMANIK 10:15

Ak amdoitoi ano, ngo ma kiyokto? Agot ko u ye sirat kole, Kororon ne tia kelyekab icheget che ibu logoiywek che bo boiboiyet, che bo tuguk che miach!

ROMANIK 15:19

eng’ kamuget ne bo kaborunoik ak kwong’utik, eng’ kamuktaetab Tamirmiriet ne Tilil; noto anyun, kong’eete Jerusalem, ak komoswekyik agoi Iluriko, ko kiaamdaate komie logoiywek che miach che bo Kristo;

1 KORINTOEK 2:10

Ago king’ang’wech Jehovah eng’ Tamirmiriet: amu isiachi Tamirmiriet tuguk tugul, agot tuguk che bo orit che bo Jehovah.

2 KORINTOEK 1:22

ak king’ochech, ak kogonech Tamirmiriet eng’ mugulelwekyok koek tongoaniatab tuguk che bwanei.

2 KORINTOEK 6:6

eng’ tililindo, eng’ naet, eng’ mutyonet, eng’ talasiet, eng’ Tamirmiriet ne Tilil, eng’ chamnyet ne matinyei kenisiet,

GALATYEK 1:12

Amu kima ataach eng’ chi, ama kineta, ago eng’ ng’ang’utietab Jesu Kristo.

GALATYEK 1:16

si kong’any Werinnyi eng’ ane, si kobiit aamda inendet eng’ Bororiosiek; kima king’alal anyun ak chi eng’ sainato:

EPESOEK 3:10

si kobiit konaak eng’ kaniset nguno ng’omnatet ne o ne bo Jehovah eng’ laitornatosiek ak bounatosiek eng’ komoswekab kipsengwet,

1 THESSALONIKEK 2:9

Amu obwati, tupchosiechu, boisiennyo ne uui ak bichiindo, keboisie kemoi ak bet, si ma kigochi milet chi age tugul eng’ okwek. Kigiamwok logoiywek che miach che bo Jehovah.

1 TIMOTEO 3:16

Ak ne matiny, ko o ung’otiot ne bo kaiyweet ne kiywei Jehovah; Inendet ne king’ang’ak eng’ borto, Kigiityi imanda eng’ tamirmiriet, Ne kigeer malaikaisiek, Ne kigiamda eng’ Bororiosiek, Ne kiiyan che bo ng’ony, Ne kigimut kwo barak eng’ torornatet.

HEBRANIK 11:13

Kibek chuto tugul eng’ kayanet, ama taach arorutichoto, ago kiga kogeer ak koboiboitu kota komi ole loo, ko kagong’any kole ki toek ak ko kiprutoinik eng’ ng’ony.

HEBRANIK 2:4

ak kibaoriani agine Jehovah koboto icheget, eng’ kaborunoik ak kwong’utik, ak eng’ kamugosiek che terotin, ak eng’ kagoitaosiekab Tamirmiriet ne Tilil, ko u magennyi.

HEBRANIK 4:2

Amu kigiamwech iman logoiywek che miach, ko u icheget: ago ma toret ichek ng’olyotab kaset, amu kima namgei ak kayanetab icheget che kigasei.

1 PETERO 1:25

Ago tebyei koigeny ng’olyotab Kiptaiyat. Nito ko ng’olyotab logoiywek che miach che kigiamwok.

1 PETERO 4:6

Amu nito ko kigiamji logoiywek che miach agot che kigobek, si kobiit kiruokyi eng’ borto ko u ye kiruokyin bik, ago si kosopcho eng’ tamirmiriet ko u ye sobei Jehovah.

NG'ANG'UTYET 5:11

Ak kiageer ak agas kutitab malaikaisiek che chang’ ko kayiem ng’echeranato bo laitornatet ak tiong’ichu kasoptos ak boisiechugai; ak koitenywa ko ki elfusiek taman konyil elfusiek taman, ak elfusiek konyil elfusiek;