1 LAITORINIK 2:3 - BUKUIT NE TILIL

³ Ak irib kayomisetab Jehovah Kamuktaindeng’ung’, iwendote ortinwekyik, irib konetisiosiekyik, ak ng’atutikyik, ak kiruogutikyik, ak baornatosiekyik, ko u choto kigisir eng’ Ng’atutietab Musa, si kiberurin eng’ tugul che iyae, eng’ oldo tugul ole iwendi,

Bukuit Ne Tilil

³ Riip kayomisetap Kamuktaindet ne Toroor Kamuktaindeng'ung', iwendote ortinwekyik, iriip kaneetisyosyekyik, ng'atuutikyik, kirwoogutikyik ak paornatosyekyik, ko uu chooto ki kisir eng' Ng'atuutyetap Musa, si kiberuurin eng' tugul che iyae, eng' oldo tugul ole iwendi,

BUKUIT NE TILIIL Sireet ne Dutero Kanon

³ Riip kayomisetap Kamuktaindet ne Toroor Kamuktaindeng'ung', iwendote ortinwekyik, iriip kaneetisyosyekyik, ng'atuutikyik, kirwoogutikyik ak paornatosyekyik, ko uu chooto ki kisir eng' Ng'atuutyetap Musa, si kiberuurin eng' tugul che iyae, eng' oldo tugul ole iwendi,

1 LAITORINIK 2:3 ပူးပေါင်းရင်းမြစ်များ

2 SAMUEL 8:14

Ak kiinde irimosiek Edom; kiinde irimosiek Edom komugul, ak kiek Edomik tugul otwogikab Daudi. Ak kiigochi Jehovah Daudi katerteret eng’ komosta age tugul ne kiwa.

2 SAMUEL 8:6

Kiinde anyun Daudi irimosiek Suria ne bo Damasko: ak kiek Suriek otwogikab Daudi, ak kiib kagochinoik. Ak kiigochi Jehovah Daudi katerteret eng’ komosta age tugul ne kiwa.

1 LAITORINIK 3:3

Ak kicham Solomon Jehovah, kowendote ng’atutikab Daudi kwandanyi; ago kienyei tiseiywek ak kobeelei nyamdutik eng’ komoswek che tororen.

2 LAITORINIK 18:7

Ak kimi Jehovah koboto inendet; kibor eng’ komosta age tugul ne kiwa: ak kiingelelji laitoriatab Asuria, ma ot inendet.

1 ATEPTAP PEETUUSYEK 29:19

ak igochi werinnyu Solomon muguleldo ne igesunotgei, si korib ng’atutiguk, ak baornatosieguk, ak konetisiosieguk, ak koyai tuguchuto tugul, ak koteech gotab laitoriat, ne kiachopchi tuguchuto.

TIENWOGIKAL 119:111

Koanam baornatosieguk koek borotet ne bo koigeny; Amu choto boiboiyetab muguleldanyu.

TIENWOGIKAL 119:138

Kiing’at baornatosieguk eng’ imanda Ak eng’ lititindo ne o.

TIENWOGIKAL 119:2

Boiboen ichek che ribei baornatosiekyik, Che cheng’ei inendet eng’ muguleldo komugul.

TIENWOGIKAL 19:7

Igesunotgei ng’atutietab Jehovah, ak koweechi sobondo: Bo iman baornatetab Jehovah, ing’omiti ne berber.

AMDOINDET 12:13

Kagesunetab tuguchu ni; kagogasak tugul: iywei Kamuktaindet ak irib ng’atutikyik; amu nyoljin chito boisionito tugul.

ATEPTAP LAWIK 8:35

Ak otebe kurgetab emait ne kituiyechin betusiek tisab bet ak kemoi, oribe kotigonutikab Jehovah, si mobegu: amu kaging’ata ko u noto.

MALAKI 4:4

Obwat Ng’atutietab Musa otwogindennyu, ne kiang’at inendet eng’ Horeb agobo Israel tugul, noto ko ng’atutik ak kiruogutik.

NG'ATUTIK 29:8

ak kiginam emenywa, ak kigigochi bikab Reuben, ak che bo Gad, ak kebebertab oretab Manase koek borotet.

NG'ATUTIK 29:9

Orib anyun ng’alekab kayomisoni, ak oyai, si kiberurok eng’ tugul che oyae.

NG'ATUTIK 4:1

Ara anyun, ee Israel, oepchi it ng’atutik ak kiruogutik, che anetok, si kobiit oyai; si osopche, ak obe onam kobunjok emet ne konok Jehovah Kamuktaindetab kwanisiekwok.

NG'ATUTIK 4:45

chuto baornatosiek, ak konetisiosiek, ak kiruogutik, che kimwachi Musa lagokab Israel, ye kingo kagomong’une Misri;

NG'ATUTIK 4:5

Ogeero, kianetak ng’atutik ak kiruogutik, ko u ye king’ata Jehovah Kamuktaindennyu, si kobiit oyai choto eng’ emet ne obendi oname.

NG'ATUTIK 4:8

Ak tos ngoro bororiet ne o, ne tinyei ng’atutik ak kiruogutik che bo imanda ko u etanutichu tugul, che kande taing’wong’ betuni?

NG'ATUTIK 5:1

Ak kiguur Musa Israel tugul, ak kolenji, Ogaso, ee Israel, konetisiosiek ak kiruogutik che amwawok rani, ogas eng’ itikwok, si kobiit onetgei, ak orib oyai.

JOSHUA 22:5

Ago oripge mising’ oyai kayomisutiet ak ng’atutiet, che king’atak Musa otwogindetab Jehovah, ocham Jehovah Kamuktaindeng’wong’, ak obendate ortinwekyik tugul ak orib ng’atutikyik, ak onamge ak inendet ak oot inendet eng’ mugulelwekwok tugul ak sobonwekwok tugul.

JOSHUA 23:6

Onyiganitu anyun mising’ si orib ak oyai tuguk tugul che kigisir eng’ bukuitab Ng’atutik ne bo Musa, si momaste oistoege tuguchoto, obe eutab tai anan ko ne bo katam;

1 SAMUEL 18:14

Ak kitebi Daudi eng’ ng’omnatet eng’ ortinwekyik tugul; ak kimi Jehovah koboto inendet.

1 SAMUEL 18:30

Kimanda anyun bounikab Pilistik: ak ye kicham komandoi, kotebi Daudi eng’ ng’omnatet kosiir otwogik tugul che bo Saul; kot kegonyit kainennyi mising’.

1 SAMUEL 18:5

Kiwa Daudi oldo age tugul ole kiiyokto Saul, ak kitebi eng’ ng’omnatet: ak kiinde Saul inendet koboi murenikab luget, ak kimieit kioto eng’ taitab bik tugul, ak eng’ taitab otwogikab Saul agichek.