1 KORINTOEK 9:16 - BUKUIT NE TILIL

¹⁶ Amu ngaamde logoiywek che miach, ko matinye kiy ne alosunege; amu kanyol ayai ko u noto; bwa eng’ ane ngot ko maamde logoiywek che miach.

Bukuit Ne Tilil

¹⁶ Amu ngaamde logoiywek che myach, koma tinye kiy ne alasunegei; amu kanyool ayai ko uu nooto; Pwo eng' anee ngot koma amde logoiywek che myach.

BUKUIT NE TILIIL Sireet ne Dutero Kanon

¹⁶ Amu ngaamde logoiywek che myach, koma tinye kiy ne alasunegei; amu kanyool ayai ko uu nooto; Pwo eng' anee ngot koma amde logoiywek che myach.

1 KORINTOEK 9:16 ပူးပေါင်းရင်းမြစ်များ

ISAIAH 6:5

Kiale anyun, Bwa ane! Amu kaabet; amu a chi ne tinyei kutit ne ng’wan, ak kimeng’isiei ak bik che ng’wonen kutuswek: amu kaageer Laitoriat, Jehovah ne bo lugosiek.

JEREMIA 1:17

Kermenge anyun, ak ing’eet, ak imwachi ichek tuguk tugul che ang’atin; ametoptoben amu ichek, si magonin itoptoben eng’ tainywa.

JEREMIA 20:7

Ee Jehovah, kiiberbera, ak kiaberberage: i kim isiira, ak kiiterterisie: kaaegu ne kirorechin betut komugul, churochura age tugul.

JEREMIA 20:9

Ak ngot amwa ale, Mamwae kiy agobo inendet, anan ang’alal eng’ kainennyi, kobiit anyun eng’ muguleldanyu ko u mat ne lalei eng’ kowekyuk, ak ang’et eng’ muitaet, ak mamuchi asis.

AMOS 3:8

Kagoborisen ng’etundo, ng’o ne maiyweisiei? Kagong’alal Kiptaiyat Jehovah, ko ng’o anyun ne mamaoteni?

AMOS 7:15

ak kiimuta Jehovah ayagisiei, ak kilenja Jehovah, Ui maotenji bikyuk Israel.

MATAYO 25:16

Kiwa anyun inendet ne kitaach talentaisiek mut kwo koboisie, ak kinyor talentaisiek alak mut.

LUKA 9:62

Ago kilenji Jesu inendet, Mami chi ne namei mogombetab tuga, ak kogusgong’ kogeer let, ne nyoljin bounatetab Jehovah.

POISYONIGAP CHE KIYOKTOI 4:20

amu magimuchi kesisye kobate kemwa tuguk che kigegeer ak che kigegas.

POISYONIGAP CHE KIYOKTOI 9:15

Ago kilenji Kiptaiyat, Ui inye: amu kinnyu inendet ne aboisie ne kialewen, si koib kainennyu taitab Bororiosiek ak laitorinik, ak lagokab Israel:

POISYONIGAP CHE KIYOKTOI 9:6

ago ng’eet, ui nganaset, si kemwaun kit ne kanyol iyai.

ROMANIK 1:14

A ne kiyaachei eng’ Yunanik ak che ma Yunanik, eng’ che ng’omen ak che berber.

ROMANIK 15:17

Noto anyun atinye kalosunennyu bo ge eng’ Kristo Jesu eng’ tuguk che tokyingei Jehovah.

ROMANIK 4:2

Amu nda kiga kiityi Abraham imanda eng’ boisionik, kotinyei inendet ne ilosunegei; ago ma eng’ taitab Jehovah.

1 KORINTOEK 4:15

Amu ndotinye ribik elfusiek taman eng’ Kristo, ago motinye kwanisiek che chang’: amu kiasichok eng’ Kristo Jesu eng’ logoiywek che miach.

1 KORINTOEK 9:12

Ngot kotinyei bik alak yamdaet eng’ kamugonito koboiywok, ko tos ma ki siirtoot? Ago ma kiboisie achek kamugonito; ago kimuitoi eng’ tuguk tugul, si ma kigirinde logoiywek che miach che bo Kristo.

1 KORINTOEK 9:14

King’at ko u noto Kiptaiyat kole icheget che amdooti logoiywek che miach kosoptos eng’ logoiywek che miach.

2 KORINTOEK 2:12

Ak ye kinganyo Troa amu logoiywek che miach che bo Kristo, ak ye kingeyatwa kurget eng’ Kiptaiyat,

KOLOSAIK 4:17

Ak omwachi Arkipo olenji, Rib boisiet ne kiitaach eng’ Kiptaiyat, si kobiit iyai kosulda.

1 SAMUEL 12:23

Ago ingolooit eng’ ane, amayachi Jehovah tengek, abagakte asaiywok: ago anetok eng’ oret ne mie ne nyolu.