1 KORINTOEK 8:4 - BUKUIT NE TILIL

⁴ Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

Bukuit Ne Tilil

⁴ Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

BUKUIT NE TILIIL Sireet ne Dutero Kanon

⁴ Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

1 KORINTOEK 8:4 ပူးပေါင်းရင်းမြစ်များ

TIENWOGIKAL 86:10

Amu i o, ak iyae kwong’utik; I Kamuktaindet inyege.

ISAIAH 37:16

Ee Jehovah ne bo lugosiek, Kamuktaindetab Israel, ne tebe kerubisiek, i Kamuktaindet, inye inyege, ne bo bounatosiek tugul che bo ng’ony; kiiyai kipsengwet ak ng’ony.

ISAIAH 37:20

Ara anyun, ee Jehovah Kamuktaindennyo, soruech eng’ eunnyi, si konai bounatosiek tugul che bo ng’ony kole i Jehovah, inye inyege.

ISAIAH 41:24

Ogeero, o bo buch, ak boisieng’wong’ ko bo buch: kiwechei inendet ne lewenok.

ISAIAH 44:24

Mwaei Jehovah, katiagindeng’ung’, inendet ne kimimiin eng’ moet, ko u ni kole, A Jehovah, ne yaei tuguk tugul; anege ne aiitoi kipsengwetisiek; ne aiitoi ng’ony; ng’o ne mi kobota?

ISAIAH 44:6

Mwaei Jehovah, Laitoriatab Israel, ak ko katiagindennyi Jehovah ne bo lugosiek, ko u ni kole, A ne bo tai ak ne bo let; ama mi Kamuktaindet age kobatena.

ISAIAH 45:14

Mwaei Jehovah ko u ni kole, Nyonjinin boisietab Misri, koboto tugukab mung’aretab Etiopia, ak Sabeik, bik che koen, ak bunjinin; isubun; bwanjinin ko ratotin; ak kobutyi kelyeguk, kosomin, kole, Iman mi Kamuktaindet koboten; ama mi age, mami Kamuktaindet age.

ISAIAH 45:5

A Jehovah, ama mi age; mami Kamuktaindet age kobatena: agermenin, nganda tomo inaa:

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

JEREMIA 10:14

Kergeitu chito age tugul ak tiondo ama tinyei naet; ililani kitang’indet age tugul ne bo tahabu eng’ kanamwennyi ne kigiwai: amu lembeita kanamwennyi ne kigitany, ama tinyei kabuset.

MARIKO 12:29

Kowolji Jesu kolenji, Ne bo tai ni, Ogaso, ee, Israel; Kiptaiyat Jehovah nenyo, ko Kiptaiyat agenge:

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

POISYONIGAP CHE KIYOKTOI 15:20

ago ongesirji ichek, kelenji kotabanegei muruonindab kanamonik, ak sokset, ak ne bo tuguk che kagiget, ak korotik.

POISYONIGAP CHE KIYOKTOI 19:26

Ak ogeere ak ogase ole, ma eng’ Epeso kityo, ago negit Asia tugul, kagochuut bik che chang’ Paulo-inito, ak koweechi, kolenjin, choto kigiyae eunek ko ma cheptalelisiek:

1 KORINTOEK 8:1

Nguno anyun agobo tuguk che kieng’jin kanamonik: kingen kele kitinye achek tugul naet. Menei naet, ago teeksei chamnyet.

1 KORINTOEK 8:10

Amu ngo keerin chi inye ne itinye naet, iamisiei eng’ hekalut ne bo kanamwet, ko tos manyiganitu kabwatennyi, ngot ko nyalulat, kot koam tuguk che kieng’jin kanamonik?

1 KORINTOEK 8:11

Ak lusei inendet ne nyalulat amu naeng’ung’, inendet tupchet ne kimechi Kristo.

GALATYEK 4:8

Ago eng’ betunoto, kima ongen Jehovah, ko kio otwogikab icheget che kima ko cheptalelisiek che ma bo iman:

EPESOEK 4:6

Jehovah agenge ne Kwandab tugul, ne bou tugul, ak koyamu tugul, ak komi eng’ tugul.

NG'ATUTIK 3:24

Ee Kiptaiyat Jehovah, kaitau iborji kiboitiondeng’ung’ etunateng’ung’, ak eung’ung’ ne kim: amu tos mi cheptalelit nguno kipsengwetisiek anan ng’ony, ne imuchi koyai ko u boisioniguk, ak ko u biosioniguk che kimen?

NG'ATUTIK 32:39

Ogeer anyun nguno ole ane, ko a inendet iman, Mami cheptalelit, ami anege: Abare, ak asoobi; Kiaguoten, ak kianya: Ak mami ne imuchi kosor eng’ eunnyu.

NG'ATUTIK 4:35

Kigiborun inye, si kobiit inai ile, Jehovah inendet ko Kamuktaindent; mami age kobate inendet inegei.

NG'ATUTIK 4:39

Nai anyun rani, ak igonor eng’ muguleldang’ung’ ile, Jehovah ko Kamuktaindet eng’ barak kipsengwet ak eng’ ng’ony orit: mami age.

NG'ATUTIK 6:4

Ogaso, ee Israel; agenge Jehovah Kamuktaindennyo:

1 TIMOTEO 1:17

Ingobunji anyun nguno Laitoriat ne bo koigeny, ne ma ng’emaksei, ne ma toogu, Jehovah ne inegei, teegisto ak torornatet koigeny ak koigeny. Amen.

1 TIMOTEO 2:5

Amu mitei Jehovah agenge, katuiyoindet agenge agine kwenutab Jehovah ak bik, noto chito, Kristo Jesu,

JUDA 1:25

kobunji Jehovah ne inegei, ne Yetindennyo, eng’ Jesu Kristo Kiptaiyandennyo, torornatet, etunatet, bounatet ak kimnatet, koboch keny, ak nguno, ak agoi koigeny. Amen.