1 KORINTOEK 6:9 - BUKUIT NE TILIL

⁹ Anan mongen ole matun nyoru icheget che ma bo iman bounatetab Jehovah? Amat kiberberak: mami eng’ che soksei, anan che saei kanamonik, anan che kibegei, anan chemulkwonyinik, anan chemogorgoinik,

Bukuit Ne Tilil

⁹ Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

BUKUIT NE TILIIL Sireet ne Dutero Kanon

⁹ Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

1 KORINTOEK 6:9 ပူးပေါင်းရင်းမြစ်များ

TAUNET 19:5

ak kiguur Lot kolenji, Ngorjo bik che kabwa gong’ung’ kemouni? Imutwech kobwa sang’, si kobiit kenai ichek.

KOMONG'U 23:1

Amemwaate ng’alek che bo lembech: amonamge ak kiptengekyot, iegu baoriat ne ma bo iman.

KALEWANAIK 11:1

Wechei Jehovah kerutiet ne ma bo iman: Ago chamei Jehovah kerutiet ne bo iman.

KALEWANAIK 22:8

Inendet ne kolei tengekto kogesei nyalilda: Ak betei kiroktab nereknatennyi.

KALEWANAIK 7:27

Gonnyi ko oret ne wendi oldab che kigobek, Ne chorjingei gorikab meet.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

EZEKIEL 18:11

ama yaei age eng’ boisionichuto, ago kigoamisie tulonok, ak kigong’wanit osotiotab chitab kokwennyi,

ATEPTAP LAWIK 18:20

Amat oipgei ak osotiotab chitab kokweng’ung’, omuruonge ak inendet.

ATEPTAP LAWIK 18:22

Ameruiye ak murenik ko u ye oruitos ak osotik: samis noto.

ATEPTAP LAWIK 19:15

Amat oyai ne ma bo iman eng’ kiruoget: ametiytii kibananok, anan igonyit che eechen: ago iruokyi chitab kokweng’ung’ eng’ imanda.

ATEPTAP LAWIK 20:13

Ak ngo ruiyo mureno ak muren, ko u ye ruitos ak kobogorisiek, kagoyai tuwai kit ne samis: kibarei iman, tebe ichek korotikwak.

SEKARIA 5:3

Kimwawa anyun kolenja, Nito ko chubisiet ne wendi koyomu emet komugul: amu age tugul ne chorsei keistoi eng’ komosi ko u ye mwaei; ak age tugul ne iyostos keistoi eng’ komosin ko u ye mwaei bukuinoto.

MATAYO 19:29

Ak age tugul ne kigobagakta gorik, anan ng’etab kametwagik, anan chepkametwagik, anan kwanda, anan kamet, anan lagok, anan mbarenik, agobo kainennyu, kotaachei konyil bogol, ak kobor eng’ sobondab koigeny.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

LUKA 21:8

Ak kile, Oripge si ma kibeetok: amu tun bwanei bik che chang’ eng’ kainennyu, kolen, A inendet; ak, Kagorik betusiek: amosub ichek.

POISYONIGAP CHE KIYOKTOI 20:32

Ara anyun, kabagakyok nguno eutab Jehovah, ak ng’olyotab mieindanyi, ne imuchi koteechak, ak kogonok borotet koboto ichek tugul che kitilili.

POISYONIGAP CHE KIYOKTOI 24:25

Ak ye kita kong’alali agobo imanda, ak ribetab ge, ak kiruoget ne nyonei, koiyweis Peliki, ak kowol kole, Ui korok; ak ye tun anyoru boroindo ne mie, aguurin.

ROMANIK 1:18

Amu kigeng’any neregekab Jehovah kobun kipsengwet agobo bistoet tugul ak yaitiet tugul ne bo bik, che kirindoi imanit eng’ yaitiet;

1 KORINTOEK 15:33

Among’ kiberberak: Ng’emei choronok che yaach atepto ne mie.

1 KORINTOEK 15:50

Amwae ni anyun, tupchosiechu, ale maimuchi banyek ak korotik konyor bounatetab Jehovah; amaimuchi ne nunei konyor ne manunei.

1 KORINTOEK 3:16

Mongen okwek ole o hekalut ne bo Jehovah, ak menyok Tamirmirietab Jehovah?

1 KORINTOEK 5:1

Mwaat komie kele mitei ibetab ge kwenung’wong’, ibetab ge ne mami agot eng’ Bororiosiek, kele ibegei chi ak osotiotab kwandanyi.

1 KORINTOEK 5:10

mamwae ale otabanege mising’ che soksei che bo ng’onyuni, anan kipkeinik anan rebik, anan che saei kanamonik; amu nda u noto ta kanyoljok omande eng’ ng’ony:

1 KORINTOEK 5:11

ago nguno asirwok, ale amonamge ak chi age tugul ne kiguure tupchet, ne soksei, anan kipkeiyat, anan ne saei kanamonik, anan ne chubisiei, anan kibogityot, anan rebindet; amat oamjine ak chito ne u noto, achicha.

1 KORINTOEK 6:10

anan chorik, anan kipkeinik, anan kibogitinik, anan che chubisiei, anan rebik, che nyoru bounatetab Jehovah.

1 KORINTOEK 6:18

Omwee ibetab ge. Tengek age tugul ne yaei chi komitei sang’utab borto; ago inendet ne yaei ibetab ge koyachin bortanyi tengekto.

1 KORINTOEK 6:19

Anan, tos mongen ole borwekwok ko hekalut ne bo Tamirmiriet ne Tilil ne mitei eng’ okwek, ne otinye eng’ Jehovah? Ama o bo ge okwege;

1 KORINTOEK 9:24

Mongen ole icheget che ibelegei eng’ labatet koruaei tugul, ago agenge ne nyoru konunet? Oruai anyun, si onyoru.

2 KORINTOEK 12:21

si ye tun anyo kogeny, ko maiming’ina Jehovah nenyu eng’ taing’wong’, ak arir agobo che chang’ eng’ ichek che kiyai tengekwogik koboch yoto, ama sik eng’ simdo ak sokset ak maget ne ya agobo tuguk che yaach che kiyai ichek.

GALATYEK 6:7

Amat kegenak; magigengenie Jehovah; amu kit age tugul ne kolei chi, kotun kesei noto agine.

NG'ATUTIK 22:22

Nginyoru chi ne ibegei ak kwondo ne kigitunji chito age, kebarei tuwai, chichoto koboto kwonyoto; iste anyun ko u noto yaitiet eng’ Israel.

NG'ATUTIK 22:5

Amat kolaach kobogoriondo che bo murenik, anan kolaach mureno ngoriet ne bo kobogorio: amu age tugul ne yaei tuguchuto, ko wegot eng’ Jehovah Kamuktaindeng’ung’.

NG'ATUTIK 23:17

Amat kobiit chepkugonio eng’ tibikab Israel, anan ne isubi biteetab Sodomik eng’ werikab Israel.

KOLOSAIK 3:5

Obar anyun kebeberwekwok che mitei ng’ony; sokset, simdo, magutik che samisen, maget ne ya, ak kasetab miat, noto saetab kanamonik;

HEBRANIK 12:14

Ogiilge otebi eng’ kalyet koboto bik tugul, ak tililinoto ne ngo matinyei chi ko maimuchi kogeer Kiptaiyat:

HEBRANIK 12:16

si mabiit ne soksei, anan chito ne maiywei Jehovah, ko u Esau, ne kialda etunatennyi ne bo siget agobo amdit agenge.

HEBRANIK 13:4

Ingogonyit tugul katunisiet, amat koek itogut ne tinyei simdo: amu tun iruokyin Jehovah che soksei ak che ibegei.

JAKOBO 1:16

Amat ongegenak, chamanikyuk che kitupche.

1 JOHANA 3:7

Lagochu mengech, among’ kobeetok chi: inendet ne yaei imanda ko bo imanda ko u ye bo imanda inendet:

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.

NG'ANG'UTYET 22:15

Mi sang’ sesenik, ak bonik, ak che soksei, ak rumik, ak che saei kanamonik, ak age tugul ne chamei lembeita ak koyaei.

KIRUOGIK 19:22

Ak ye kiiboiboi mugulelwekwak, ogeero, kibwa murenikab nganasanato, werikab Belial, koyiem got, ak kobir kurget; ak king’alalji chitab kobo got, boiyondonoto, kolenji, Imoong’u chichi kanyo gong’ung’, si kobiit kesuub.