1 KORINTOEK 6:20 - BUKUIT NE TILIL

²⁰ amu kigialenak kamanutiet: otoror Jehovah anyun eng’ borwekwok.

Bukuit Ne Tilil

²⁰ amu ki kialenak kamanuutyet: otoroor Kamuktaindet anyun eng' poorwekwok.

BUKUIT NE TILIIL Sireet ne Dutero Kanon

²⁰ amu ki kialenak kamanuutyet: otoroor Kamuktaindet anyun eng' poorwekwok.

1 KORINTOEK 6:20 ပူးပေါင်းရင်းမြစ်များ

ISAIAH 44:22

Kiaiste bistaosieguk, ko u boldet ne o, ak kiaiste tengekwogiguk, ko u boldet: weekyage; amu kiatiachin.

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

POISYONIGAP CHE KIYOKTOI 20:28

Oripge anyun okweget, koboto akwet tugul, ne kigonok Tamirmiriet ne Tilil oegu ribik, obai kanisetab Jehovah, ne kiale korotikyik.

ROMANIK 12:1

Noto anyun che kitupche, asomok mising’, eng’ rirenosiekab Jehovah ale, ogoite borwekwok koek tiseiywot ne sobei, ne tilil, ne taachaksei eng’ Jehovah, noto ko boisieng’wong’ ne nyolu.

ROMANIK 6:19

Ang’alali ko u biteetab bik amu nyalulet ne bo borwekwok: amu ko u ye kiogoite kebeberwekab borwekwok koek otwogikab muruonindo ak tengek agoi tengek, ko u noto anyun ogoite kebeberwekab borwekwok koek otwogikab imanda agoi tililindo.

1 KORINTOEK 10:31

Noto anyun ngoame, anan ngoee, anan agot eng’ kiy age tugul ne oyae, oyai tugul otorori Jehovah.

1 KORINTOEK 7:23

Kigialak eng’ kamanutiet; amat oegu otwogikab bik.

GALATYEK 3:13

Kiitiachech Kristo eng’ chubisietab Ng’atutiet ye kiek inendet chubet agobo achek: amu kigisir kele, Chubot chi age tugul ne kisonginini eng’ ketit:

PILIPIK 1:20

Ko u eng’ kagenisiennyu ne ageni mising’ ak kamang’unennyu, ale magigona alilan eng’ kiy age tugul ago eng’ nyiganatet tugul, ko u kotugul, ko u noto agine nguno kitorori Kristo eng’ bortanyu, ngo eng’ sobondo, anan eng’ meet.

HEBRANIK 9:12

ama eng’ korotikab kwesik ak moek, ago eng’ korotikyik ichegei, kwo anyun ole tilil konyil agenge ak koyam, ye kingo kagonyor katiaget ne bo koigeny.

1 PETERO 1:18

ongen ole kigitiachak omong’une atebeng’wong’ ne bo buch ne kionyoru eng’ kwanisiekwok, ma eng’ tuguk che ng’emaksei, ko u feda anan tahabu;

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

2 PETERO 2:1

Ago kibiit maotik che bo lembech agichek eng’ kwenutab bik, ko u ye ta kobiitu agine eng’ kwenung’wong’ konetikab lembech, che ibu eng’ ung’ot pcheutikab ng’emisiet, koesioi agot Kiptaiyat ne kial ichek, koipchingei ng’emisiet ne chogu.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,