1 KORINTOEK 6:11 - BUKUIT NE TILIL

¹¹ Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

Bukuit Ne Tilil

¹¹ Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

BUKUIT NE TILIIL Sireet ne Dutero Kanon

¹¹ Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

1 KORINTOEK 6:11 ပူးပေါင်းရင်းမြစ်များ

TIENWOGIKAL 51:2

Iundoena inne tengektanyu, Ak itilila eng’ ng’ogistanyu.

TIENWOGIKAL 51:7

Iunena husop, si atililit: Iuna, si atililit kosiir teluchi.

KALEWANAIK 30:12

Mitei ibinda ne iitigei kole tilil, Ago tom kiun eng’ simdanywa.

ISAIAH 1:16

Ounge, otililge; oiste yaitietab boisionikwok eng’ tainnyu; osisye, amatata oyai yaitiet:

ISAIAH 45:25

Kiityin imanda iyotet tugul ne bo Israel eng’ Jehovah, ak kolosunegei.

ISAIAH 53:11

Tun keerei che biitune ng’wanindab sobondanyi, ak koyam; tun iityin otwogindennyu ne bo iman, imanda, bik che chang’, eng’ naennyi: ak tun ibei tengekwogikwak.

JEREMIA 4:14

Ee Jerusalem, iunde tengekto eng’ muguleldang’ung’, si kesorun. Tebenen kabwatutiguk che yaachen kot kotianit?

EZEKIEL 36:25

Ak abisenok beek che tililen, si otililitu: ak aundawok simdang’wong’ tugul, ak kanamonikwok tugul.

ATEPTAP LAWIK 14:48

Ak ngwo go tisiindet kogeer, ak ogeero, matesak koroito eng’ goyoto ko kagemal; komwaita anyun tisiindet kole, tilil got, amu kagosob got eng’ koroyoto.

ATEPTAP LAWIK 8:6

Ak kiimut Musa Aron ak werikyik, ak koun ichek eng’ beek.

MATAYO 20:4

ak kilenji, Oba ak okwek mbaretab sabibuk si agonok ne nyolu. Ak kiba anyun.

LUKA 18:14

Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

JOHANA 13:10

Kolenji Jesu inendet, Inendet ne kagoungei ko ma komachei koungei kogeny, kobate kelyekyik, amu iunot inne: ak ounotin okwek, ago ma okwek tugul.

JOHANA 13:8

Kolenji Petero, Magoi iun kelyekyuk. Kowolji Jesu kolenji, Ngo maunin, ko magiting’ege kiy.

JOHANA 5:4

amu kichorjingei malaikaiyat ne bo Kiptaiyat tamboiyot betusiek alak, kowendi kowasei beek: si kisoob chi age tugul ne sib kochutei ko kawasgei beek, eng’ miando age tugul ne kitinyei.]

POISYONIGAP CHE KIYOKTOI 13:39

ak kiityin imanda eng’ inendet age tugul ne iyani, eng’ tuguk tugul, che koma komuchi koiityok imanda Ng’atutietab Musa.

POISYONIGAP CHE KIYOKTOI 22:16

Ta igeni nee anyun nguno? Ng’eet kibatisanin, ak kiundo tengekwogiguk iguure kainennyi.

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

ROMANIK 3:24

che kiityin imanda buch eng’ mieindanyi eng’ katiaget ne mi eng’ Kristo Jesu:

ROMANIK 4:5

Ago eng’ inendet ne maboisiei, ago iyani inendet ne iityin imanda chi ne ya, kiiti kayanennyi kele bo imanda.

ROMANIK 5:1

Kitinye kalyet ak Jehovah eng’ Kiptaiyandennyo Jesu Kristo amu kigiityech imanda eng’ kayanet;

ROMANIK 5:9

Ak ne siirei mising’ anyun, ko kagiityech imanda eng’ korotikyik, kesoruech eng’ neregekab Jehovah eng’ inendet.

ROMANIK 8:30

ak icheget che kisib kolewen, koguur choto; ak choto che kiguur, ko kiityi imanda: ak choto che kiityi imanda, ko kiitoror.

ROMANIK 8:33

Ng’o ne itaami che kilewen Jehovah? Jehovah ne iityin imanda;

1 KORINTOEK 1:2

kisirjini kanisetab Jehovah ne mitei Korinto, ichek che kigitaban eng’ Kristo Jesu, che kigiguur koek che tililen, koboto tugul che kuurei kainetab Kiptaiyandennyo Jesu Kristo eng’ komosta age tugul, Kiptaiyandenywa ak ko nenyo:

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

1 KORINTOEK 12:2

Ongen ole kingota ko o Bororiosiek, ko kigiretok obe oldab kanamonichoto che matwegu, ko u ye kigindoiywok.

GALATYEK 2:16

ago kingen kele magiityin chi imanda eng’ boisionikab ng’atutik, ago eng’ kayanet eng’ Jesu Kristo, kigiyan agachek eng’ Kristo Jesu, si kobiit kiityech imanda eng’ kayanet eng’ Kristo, ama eng’ boisionikab Ng’atutiet: amu magiityin chi imanda eng’ boisionikab Ng’atutiet.

GALATYEK 3:11

Toogu anyun kele, mami chi ne kiityin imanda eng’ Ng’atutiet eng’ taitab Jehovah: amu, Sobei ne bo imanda eng’ kayanet;

GALATYEK 3:24

Kiek anyun Ng’atutiet konetindennyo ne imutyinech Kristo, si kobiit kiityech imanda eng’ kayanet.

GALATYEK 3:8

Ak kiisib kogeer sirutiet kole iityin Jehovah imanda Bororiosiek eng’ kayanet, ko kiisib koamji logoiywek che miach Abraham, kolenji, Kiberuri bororiosiek tugul eng’ inye.

EPESOEK 5:26

si kobiit kotaban, ko kagotilil eng’ kaunetab beek eng’ ng’olyot,

EPESOEK 5:8

amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet

2 THESSALONIKEK 2:13

Ago kanyol kemwachi Jehovah kongoi kotugul agobo okwek, che kitupche che chamanikab Kiptaiyat, amu kilewenjok Jehovah yetunet koboch taunet eng’ katabanetab Tamirmiriet ak kayanetab imanit:

HEBRANIK 10:22

ongerikte anyun eng’ muguleldo ne bo iman eng’ nyiietab kayanet, ko kageis mugulelwekyok kemete kabwatet ne ya, ak kiun borwekyok eng’ beek che tililen:

HEBRANIK 10:29

obwatitoi ano okwek, ng’wanitu ne tia biret ne tun nyoljin kiruokyine inendet ne kigotiech Weritab Jehovah, ak koiit korotikab kayomiset, che kigitilile inendet, koek tuguk che ma tililen, ak kosas Tamirmirietab mieindo?

HEBRANIK 2:11

Amu inendet ne itililisiei ak ichek che kitilili kobunu agenge: eng’ noto anyun ko mageerei inendet kalilanet koguure ichek che kitupche,

1 PETERO 1:2

ko u eng’ naetab Jehovah Kwanda ne kisib konai, eng’ katabanetab Tamirmiriet, agoi kasetab it ak isetab korotik che bo Jesu Kristo: Ingotesak mieindo ak kalyet eng’ okwek.

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

1 PETERO 3:21

kergeindab tuguchuto ko kabatisanet, ne soruok agine eng’ betusiechu, ma kele istoetab simdab borto, ago wolunetab kabwatet ne mie ne tokyingei Jehovah, eng’ ng’eetyetab Jesu Kristo;

1 JOHANA 2:12

Asirwok lagochu mengech, amu kigenyoiywok kaat tengekwogikwok amu kainennyi.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 7:14

Ak kialenji inendet, Kiptaiyandennyu, ingen inye. Kolenja anyun, Chu ko ichek che bunu nyalilda ne o, ak kigomwet ngoroikwak koleelagitu eng’ korotikab Aruet.