1 KORINTOEK 5:8 - BUKUIT NE TILIL

⁸ noto anyun ongerib igorta, ma eng’ mermerek che bo keny, anan eng’ mermerekab yaitiet ak tengekto, ago eng’ makatiat ne ma kinde mermerek che matinyei kenisiet ak bo iman.

Bukuit Ne Tilil

⁸ nooto anyun ongeriip igoorto, ma eng' mermereek che po keny, anan eng' mermeregap yaityet ak tengekto, ago eng' magatyat ne ma kinde mermereek che ma tinyei keniisyet ak po iman.

BUKUIT NE TILIIL Sireet ne Dutero Kanon

⁸ nooto anyun ongeriip igoorto, ma eng' mermereek che po keny, anan eng' mermeregap yaityet ak tengekto, ago eng' magatyat ne ma kinde mermereek che ma tinyei keniisyet ak po iman.

1 KORINTOEK 5:8 ပူးပေါင်းရင်းမြစ်များ

TIENWOGIKAL 32:2

Baibai mising’ chi ne maiityin Jehovah tengekto, Ama komi ng’alset muguleldanyi.

TIENWOGIKAL 42:4

Abwati tuguchu, ak ang’anye sobondanyu eng’ orinnyu, Ko u ye kigibe ak tuiyet, ak andochi koba gotab Kamuktaindet, Eng’ kutit ne bo boiboiyet ak kalosunet, koboto tuiyet ne kiribei betutab igorta.

KOMONG'U 12:15

Oam makatinik che ma kinde mermerek betusiek tisab; oistoi eng’ gorikwok mermerek agot eng’ betut ne bo tai: amu king’etoi age tugul eng’ Israel ne kaam makatinik che mi mermerek eng’ betut ne bo tai agoi betut ne bo tisab.

KOMONG'U 12:19

Maginyorjin gorikwok mermerek eng’ betusiechoto tisab: amu king’etoi eng’ tuiyetab Israel, age tugul ne amei ne kaginde mermerek, ngo ne kiprutoiyo, anan ne kigisikyin emonito.

KOMONG'U 12:8

Ak koam banyechato kemounoto, che kagiwatan eng’ ma, koamda makatinik che ma kinde mermerek; koboto ngwek che ng’wonen.

KOMONG'U 13:6

Oam makatinik che ma kinde mermerek eng’ betusiek tisab, ak koek igortab Jehovah eng’ betutab tisab.

KOMONG'U 13:7

Kiamei eng’ betusiechoto tugul tisab makatinik che ma kinde mermerek; amat kenyorji chi makatinik che kiginde mermerek, ak amat kobiitune emeng’ung’ komugul mermerek.

ISAIAH 25:6

Ak tun yachin Jehovah ne bo lugosiek bororiosiek tugul, eng’ tulwoni igorta ne bo tuguk che akwaen, igortab divaik che kigotebi keny, ne bo tuguk che akwaen, che nyiitotin mwanik, ne bo divaik che kororon che kigotebi keny.

ISAIAH 30:29

Onyoru tiendo ko u eng’ kemout ye kiyaei igorta ne tilil; ak kagasetab ge ne bo muguleldo, ko u ye ibei chito ndurerut si kwo tulwetab Jehovah, agoi Ruandetab Israel.

ATEPTAP LAWIK 23:6

Egu igorta ne bo makatinik che ma kinde mermerek, eng’ Jehovah, eng’ betutab taman ak mut ne bo arawanato: oame makatinik che ma kinde mermerek betusiek tisab.

MATAYO 16:12

Konai anyun kole kamaiyomis ichek koribegei mermerekab makatiat, ago konetisietab Parisaik ak Sadukaik.

MATAYO 16:6

Ak kilenji Jesu, Oeb it, oribege mermerek che bo Parisaik, ak Sadukaik.

MARIKO 8:15

Ak kiitigon ichek, kolenji, Oripge, ak oribege mermerekab Parisaik ak mermerek che bo Herod.

LUKA 12:1

Eng’ saisiechoto, ye kingoyumgei bik ng’isiat che bo tuiyet, kot kotiech ge ichegei, kosib kotoi kolenji alamalyennyi, Oribege mermerekab Parisaik, noto chombilisiet.

JOHANA 1:47

Kigeer Jesu Natanael konyonei ole mi inendet, ak kole agobo inendet, Ogeero, Israelindet iman, ne matinyei ng’alset!

1 KORINTOEK 3:3

amu ta omi eng’ atebetab borto: amu ko u ye mi kwenung’wong’ ng’etkonda ak boriet, tos momi eng’ atebetab borto, ak obendoti ko u biteetab bik?

1 KORINTOEK 5:1

Mwaat komie kele mitei ibetab ge kwenung’wong’, ibetab ge ne mami agot eng’ Bororiosiek, kele ibegei chi ak osotiotab kwandanyi.

1 KORINTOEK 5:6

Ma kararan kalosuneng’wong’ bo ge. Tos mongen ole igutu mermerek tutigin kererutiet komugul?

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

2 KORINTOEK 8:8

Mang’alali eng’ ng’atutiet, ago atieme eng’ kagiiletab ge ne bo alak, ngo bo iman chamnyeng’wong’.

EPESOEK 6:24

Ingoteb mieindo koboto ichek tugul che chamei Kiptaiyandennyo Jesu Kristo eng’ atepto ne ma ng’emaksei.

NG'ATUTIK 16:16

Ingobwa mureniguk tugul taitab Jehovah Kamuktaindeng’ung’ konyil somok eng’ kenyit eng’ ole leweni inendet; eng’ igorta ne bo makatinik che ma kinde mermerek, ak eng’ igortab wigisiek, ak eng’ igortab keriosiek: amat kobwa taitab Jehovah ak eut buch:

NG'ATUTIK 16:3

Ameam makatinik che kiginde mermerek koboto paska, am eng’ betusiek tisab koboto makatinik che ma kinde mermerek, choto makatinikab nyalilda; amu kiimong’une emetab Misri eng’ kagirgiret: si ibwat betut ne kiimong’une emetab Misri kote isobe.

JOSHUA 24:14

Oiywei anyun Jehovah, ak oboisiechi inendet eng’ muguleldo ne matinyei kenisiet ak eng’ imanit: ak oiste kanamonik che kiotei kwanisiekwok eng’ Ainet bitonin, ak eng’ Misri; ak oboisiechi Jehovah.

1 PETERO 4:2

si ko mata osopche eng’ borto eng’ betusiekwok che ng’etunotin eng’ magutik che yaach che bo bik, ago si osopche eng’ magetab Jehovah.