1 KORINTOEK 4:7 - BUKUIT NE TILIL

⁷ Amu tos ng’o ne kayain iegu ne ter? Ak nee ne itinye inye ne kima itaach? Ago ngo kiitaache, ko amu nee si ilosuge, ko u ye kima itaache?

Bukuit Ne Tilil

⁷ Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

BUKUIT NE TILIIL Sireet ne Dutero Kanon

⁷ Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

1 KORINTOEK 4:7 ပူးပေါင်းရင်းမြစ်များ

KALEWANAIK 2:6

Amu igoitoi Jehovah ng’omnatet: Mong’une kutinnyi naet ak kaguiyet:

EZEKIEL 29:3

ng’alal, ak imwa ile, Mwaei Kiptaiyat Jehovah ko u ni kole; Keero, aborienen, inye Parao laitoriatab Misri, maswetit ne o ne rue kwenutab ainosiekyik, ne kigomwa kole, Ainennyu ko nenyu anege, kiayachinige.

DANIEL 5:18

Ee laitoriandani, kiigochi Kamuktaindet ne Toror Mising’ Nebukadnesar kwandang’ung’ bounatet, ak oindo, ak torornatet, ak etunatet:

DANIEL 5:23

ago kiietge obelge ak Kiptaiyat ne bo kipsengwet; ak kogeib terenikab gonnyi kobwa taing’ung’, ak kooee divaik, inye ak kiptainiguk, osotiguk ak chebaigeiniguk; ak koilosu kanamonikab feda, ak che bo tahabu, che bo sugunwet, che bo karik, che bo ketik, ak che bo koik, che mageertoi, ama kastoi, amaingen kiy: ama itoror Kamuktaindet ne tinyei kabuseng’ung’ eng’ eunnyi, ak chechik ortinweguk tugul:

LUKA 19:13

Yeityo koguur otwogikyik taman, ak kogochi fedaisiek taman, ak kolenji, Oboisie agoi tun aitu.

JOHANA 1:16

Amu kigitaach achek tugul che bo nyiiennyi, ak mieindo eng’ mieindo.

JOHANA 3:27

Kowol Johana kole, Magoi imuch chi kotaach kiy, ngo ma kigochi eng’ kipsengwet.

ROMANIK 1:5

kigitaach eng’ inendet mieindo ak kayoktoet, agoi kasetab it ne bo kayanet eng’ bororiosiek tugul amu kainennyi:

ROMANIK 12:3

Amu amwachini chi age tugul ne mi kwenung’wong’, eng’ mieindo ne kigegona, amat kobwatgei chi kole toror kosiir ne te ne nyolu kobwat; ago kobwat ne yamei, ko u ye kiigochi Jehovah chi age tugul karagutietab kayanet.

ROMANIK 12:6

Ak ketinye konunoik che terotin ko u mieindo ne kigegonech, ngo maoinatet, ko ongeamde ko u ole te kayanennyo;

1 KORINTOEK 15:10

Ago eng’ mieindab Jehovah a u kit ne a u: ak mieindanyi ne kigigona ko maek buch; ago kiaboisie mising’ asiir ichek tugul: ago ma ane, ago mieindab Jehovah ne kimi kobota.

1 KORINTOEK 3:5

Nee anyun Apolo? Ko nee Paulo? Kiboitinik che kigonok oyan; ak ko u ye kiigochi Kiptaiyat age tugul.

1 KORINTOEK 5:6

Ma kararan kalosuneng’wong’ bo ge. Tos mongen ole igutu mermerek tutigin kererutiet komugul?

1 KORINTOEK 7:7

Ago kata achame koigei bik tugul ane. Ago tinyei chi age tugul konunennyi ne bunu Jehovah, age ko u ni, ak age ko u no.

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

1 PETERO 4:10

ko u ye kigonyor chi age tugul kagochinet oboisiechinege, ko u ribik che miachen che bo chang’indab mieindab Jehovah;