1 KORINTOEK 4:5 - BUKUIT NE TILIL

⁵ Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

Bukuit Ne Tilil

⁵ Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

BUKUIT NE TILIIL Sireet ne Dutero Kanon

⁵ Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

1 KORINTOEK 4:5 ပူးပေါင်းရင်းမြစ်များ

Kitabuutap JOB 12:22

Nyoru tuguk che ung’otin eng’ mesundeito, Ak koibu uruetab meet konyo lapkeiyet.

KALEWANAIK 12:8

Kilosu chi ko u kit ne te ng’omnatennyi: Ago kisasei inendet ne tinyei muguleldo ne imaasat.

AMDOINDET 11:9

Ee, baibaitu murenoni, eng’ betusiekab ming’inateng’ung’; ak ingobaibain muguleldang’ung’ eng’ betusiekab ming’inateng’ung’, ak isub ortinwekab muguleldang’ung’, ak ko u ye igeere: ago nai ile, imutyinin Kamuktaindet kiruoget amu tuguchuto tugul.

AMDOINDET 12:14

Amu ipchin Kamuktaindet boisiet age tugul oldab kiruoget, koboto kit age tugul ne ung’at, ngo kiy ne mie anan ngo ne ya.

JEREMIA 16:17

Amu ageere emotinwekwak tugul: ma ung’otin eng’ tainnyu, ama ung’at tengektanywa si mageer.

JEREMIA 23:25

Kiagas kit ne kimwa maotik, che maoteni lembechek eng’ kainennyu kole, Koaruotyi, koaruotyi.

HOSEA 8:13

Ye enyei ichek tiseiywekab kagochinoikyuk, kogoitoi banyek ak koamei; ago mataachei Jehovah choto: ibwati anyun inendet tengektanywa, ak koiityi biret amu tengekwogikwak; weekyingei Misri.

MALAKI 3:18

Yeityo oweege ak obesie chito ne bo iman ak kiptengekyot, ak obesie inendet ne otei Kamuktaindet ak ne maotei.

MATAYO 10:26

Moiywei ichek anyun amu noto: amu mami kiy ne tugot, ne matun king’anyei; ama mi kiy ne ung’at ne matun naoksei.

MATAYO 24:30

ak kotook anyun eng’ kipsengwet kaborunetab Weritab chi: ak koteiyo anyun bororiosiek tugul che bo ng’ony, ak kogeer konyonei Weritab chi eng’ baragutab bolik che bo kipsengwet ak kimnatet ak lilindo ne o.

MATAYO 24:46

Baibai otwogindonoto, ye weeigei kiptaiyandennyi konyor koyaei ko u noto.

MATAYO 25:21

Kilenji kiptaiyandennyi, Kiiyai ne mie, otwogindoni mie ak ne kiyani: koiegu ne bo iman eng’ tuguk che ng’ering’, kandein ibou tuguk che chang’: mong’ji anyun boiboiyetab kiptaiyandeng’ung’.

MATAYO 25:23

Kilenji kiptaiyandennyi, Kiiyai ne mie, otwogindoni mie ak ne kiyani; koiegu ne bo iman eng’ tuguk che ng’ering’, kandein ibou tuguk che chang’: mong’ji anyun boiboiyetab kiptaiyandeng’ung’.

LUKA 6:37

Amoruokyi, si tun koma kiruokwok: amogikyi, si tun koma kigikyok: otiach, si tun kitiachak:

JOHANA 21:22

Kolenji Jesu, Ngot amach kotebi agoi tun anyo, image nee? Isubwa inye.

JOHANA 21:23

Kiyom anyun ng’olyondoni tupchosiek, kole mameei chichoto age ne bo alamalyet: ago kima mwachi Jesu inendet, kolenji, mameei; ago kilenji, Ngot amach kotebi agoi tun anyo, image nee?

JOHANA 5:44

Omuchi eng’ nee oyan, che otaagege kalosunet, amocheng’e kalosunet ne bunu Jehovah ne mi inegei?

ROMANIK 14:4

I ng’o inye ne iruokyini otwogindetab chito age? Tononi anan kobuti eng’ kiptaiyandennyi. Ee, kinamei kotonon; amu imuchi Kiptaiyat konam inendet kotonon.

ROMANIK 2:1

Noto anyun, metinye lotania, ee, inye chi age tugul ne iruochi: amu noto iruokyine age, iruokyinege inyendet; amu inye ne iruochi, iyae aginye tuguchoto.

ROMANIK 2:16

eng’ betut ne tun iruokyin Jehovah ung’otikab bik, ko u logoiywekyuk che miach, eng’ Jesu Kristo.

ROMANIK 2:29

ago Yahudiot inendet ne Yahudiot eng’ orit; ak kamuratanet ko noto bo muguleldo, eng’ tamirmiriet, ma eng’ siret; ne kalosunennyi ko ma bo bik, ago bo Jehovah.

ROMANIK 2:7

igochin sobondab koigeny ichek che cheng’ei eng’ muitaet ak eng’ boisionik che miach, torornatet ak teegisto ak che ma ng’emaksei;

1 KORINTOEK 1:7

si moletu eng’ konunet age tugul; ogeni ng’ang’utietab Kiptaiyandennyo Jesu Kristo.

1 KORINTOEK 11:16

Ago ngo machei chi tiiyet, ko ma kitinye biteet ne u noto, anan eng’ kanisosiekab Jehovah.

1 KORINTOEK 11:26

Amu kotugul ye oame makatiandani, ak oee kikombet, obortoi meetab Kiptaiyat agoi koit.

1 KORINTOEK 15:23

Ago chi tugul eng’ komostanyi: Kristo ko tongoaniat; ye ibata ko ichek che bo Kristo, eng’ nyonunennyi.

1 KORINTOEK 3:13

tun king’anyei boisietab chi age tugul: amu tun ng’anyei betut, amu king’anyei eng’ mat; ak kotiem mat ole teptoi boisietab chi age tugul.

1 KORINTOEK 3:14

Ngo tebi boisietab chi age tugul ne kiteech baragunnyi, kotaachei inendet melekto.

1 KORINTOEK 3:8

Noto anyun, inendet ne kolei ak inendet ne ibisi ko agenge: ago tun nyoru age tugul melektanyi inegei ko u boisiennyi.

2 KORINTOEK 10:18

Amu ma inendet ne ilosugei ne kiyani, ago inendet ne ilosu Kiptaiyat.

2 KORINTOEK 10:9

si maegu ne amutenok baronokyuk.

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

2 KORINTOEK 5:10

Amu kanyol kibartech achek tugul eng’ taitab ng’echeretab kiruoget ne bo Kristo; si kobiit kotaach chi age tugul tuguk che te che kiyai eng’ borto, ngo miach anan ngo yaach.

1 THESSALONIKEK 5:2

Amu ongen okweget komie ole nyonei betutab Kiptaiyat ko u chorin ne nyonei kemoi.

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.

JAKOBO 4:11

Amomwaitaege ng’alek che yaach okwege, che kitupche. Inendet ne mwaitae ng’olyot ne ya ne tupcho, anan koruokyi tupchennyi, komwaitae ng’olyot ne ya Ng’atutiet, ak koruokyin Ng’atutiet: ago ngot iruokyi Ng’atutiet, ko ma i chito ne yaei Ng’atutiet, ago i ne iruokyin.

JAKOBO 5:7

Omuite anyun, che kitupche, kot koit nyonunetab Kiptaiyat. Ogeero, igeni chitab kobo mbaret logoek che miachen che bo ng’ony, ak komuitoi agobo choto, kot konyor ropta ne bo tai ak ne bo let.

JAKOBO 5:9

Among’unyng’ung’jige okwege, che kitupche, si ma kiruokwok: ogeero, tononi kiruogindet eng’ taitab kurgotik.

1 PETERO 1:7

si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo:

1 PETERO 5:4

Ak ye tun took Mestowot ne o, onyoru kutwet ne bo lilindo ne mabetei.

2 PETERO 3:12

ogeni nyonunetab betutab Jehovah, ak ogiili, amu noto anyun chootos kipsengwetisiek eng’ mat, ak kochootyo tuguk tugul che kigiyae ng’ony ak barak eng’ mat ne korom?

2 PETERO 3:4

ak komwaei kolen, Mi ano arorutietab nyonunennyi? Amu, koboch ye kingoruiyo kwanisiekyok, komi tuguk tugul ko u kit ne ki u koboch taunetab yaetab ng’ony.

JUDA 1:14

Ak kimaoten Enok agine, chito ne bo tisab koboch Adam, koamdochi bichu kole, Ogeero, kinyo Kiptaiyat koboto bikyik che tililen elfusiek ng’isiat,

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.