1 KORINTOEK 3:13 - BUKUIT NE TILIL

¹³ tun king’anyei boisietab chi age tugul: amu tun ng’anyei betut, amu king’anyei eng’ mat; ak kotiem mat ole teptoi boisietab chi age tugul.

Bukuit Ne Tilil

¹³ tuun king'aanyei poisyetap chii age tugul: amu tuun ng'aanyei peetuut, amu king'aanyei eng' maat; ak kotyem matole teptoi poisyetap chii age tugul.

BUKUIT NE TILIIL Sireet ne Dutero Kanon

¹³ tuun king'aanyei poisyetap chii age tugul: amu tuun ng'aanyei peetuut, amu king'aanyei eng' maat; ak kotyem matole teptoi poisyetap chii age tugul.

1 KORINTOEK 3:13 ပူးပေါင်းရင်းမြစ်များ

ISAIAH 28:17

Ak ayai kiruoget koek kit ne litit, ak ayai imanda koek borowet ne kilititisie: ak kobukto koikab ropta ole kimwechin eng’ lembechek, ak komarane beek ole kiung’egei.

ISAIAH 8:20

Onamge ak ng’atutik ak baornatet! Ngot ko mang’alal ichek kosub ng’olyondonito, ko amu mami lapkeiyet eng’ ichek.

JEREMIA 23:28

Ingomwa maotiot karuotitoet ne koiruotyi; ak inendet ne tinyei ng’olyondennyu komwa eng’ imanda. Ting’egei nee metetek ak nganok? Mwaei Jehovah.

JEREMIA 23:29

Tos ma u ng’olyondennyu mat? Mwaei Jehovah; ak ma u kiriswet ne tonei ruandet?

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

MALAKI 3:17

Ak mwaei Jehovah ne bo lugosiek kole, Bunjina ichek, eng’ betut ne ayae ichek koek kinnyu ne nenyu anege; ak arire ichek ko u ye rire chi werinnyi ne boisiechin.

MALAKI 3:2

Ago ng’o ne imuchi komuita eng’ betutab nyonunennyi? Ak ng’o ne tononi ye katook? Amu u inendet mat ne kitililisie, ak ko u sabunitab mwetik:

MATAYO 10:15

Amwawok, iman, ale, Kaigaitu emetab Sodom ak Gomora eng’ betutab kiruoget kosiir nganasanato.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

LUKA 2:35

(ee agot inyendet ko tun torei rotwetab chok muguleldang’ung’;) si kobiit kong’ang’ogis kabwatutikab mugulelwekab bik che chang’.

ROMANIK 2:16

eng’ betut ne tun iruokyin Jehovah ung’otikab bik, ko u logoiywekyuk che miach, eng’ Jesu Kristo.

ROMANIK 2:5

Ago eng’ uuindang’ung’ ak muguleldang’ung’ ne matinyei sigunet, igonorjinige nereknatet kobunji betutab nereknatet ak ng’ang’utietab kiruoget ne bo imanda ne bo Jehovah;

1 KORINTOEK 1:8

Ne igimitok agine agoi let, ko motinye kiy ne kiruogunenok eng’ betutab Kiptaiyandennyo Jesu Kristo;

1 KORINTOEK 3:12

Ago ngo teech chi baragutab lumeiywondonoto eng’ tahabu, feda, koik che bo kamanutiet ne o, ketik, suswek, mobek;

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

2 TIMOTEO 1:12

Anyoru anyun nyalilwogichu agichek agobo noto: ago malilani; amu angen inendet ne kiayan, ak ayani komie ale imuchi korib noto ne kiagochi inendet agoi betunoto.

2 TIMOTEO 1:18

(ingogochi Kiptaiyat inendet konyor rirenet ne bo Kiptaiyat eng’ betunoto;) ak ingen komie ole te boisiet ne kiyai eng’ Epeso.

2 TIMOTEO 3:9

Ago matesei tai: amu toogu berberindanywa eng’ bik tugul, ko u ne bo chugai agichek.

2 TIMOTEO 4:8

koboch nguno ko kagegonorua kutwet ne bo imanda, ne tun kona Kiptaiyat, kiruogindet ne bo imanda, eng’ betunoto: ago ma anege, ago icheget tugul agichek che kigocham toogunennyi.

HEBRANIK 10:25

ama kibagaktoi kituiyege achege eng’ achege, ko u biteetab bik alak, ago kiteechinige; ak ko u noto kosiir, ko u ye ogeere ole rigu betut.

1 PETERO 1:7

si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo:

1 PETERO 4:12

Chamanichu, amokwong’ eng’ tiemisiet ne bo mat ne mi kwenung’wong’, ne nyonjinok si kobiit kotiemak, ko u ye kaityok kiy ne okwong’e:

2 PETERO 3:10

Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

2 PETERO 3:7

ago kipsengwetisiek ak ng’onyut che bo nguno, ko kigigonorji mat eng’ ng’olyondonoto, kogonor agoi betutab kiruoget ak ng’emisietab bik che maiywei Jehovah.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.